Jeremaya 21:2 - Wëël Jwøk

² ni «Beerra man pëënynyï Wuuö Jwøk kiperwa, kiper Nabukedenecör nyeny Babiløn amäänynyö baŋwa. Kanymør Wuuö Jwøk ø pieme piemø ki køør tïïe moe na näk rëëma ec, kiper nee nyïïmän døøge ŋäthge.»

Jeremaya 21:2 Iomraidhean Croise

Wïlöölö 10:10

Ni ŋøøm moe tägi ka Babel ki Ërëk ki Akat ki Kalnë, mïëya en yi Cinaar.

2 Nyeye 1:3

'Ba nyïïatwiel maal mar Wuuö Jwøk aköö jï Ilaaja nyï Ticbi, ni «Ö maal ni ciï kuna røømmi ki jiy moa jääŋ Akadhiya nyeny Cameria, ni kööï jïge, na ‹?Aŋø, bäŋ Jwøk Icriel, ni tïme nou cøøa kun pëënynyu dwør Baal-dhabul, jwø jø Akarön en?›

2 Nyeye 17:24

'Ba nyeny Aciria akännö ki jiy ki Babiløn ki Kuta, ka Awi, ka Amath, ki Cepar-Waym, ni kïth ge yïth päänye mo Cameria nee bëëtge kwöra wara bëët jø Icrielli yïthge; ni put Cameria tïmö na marge, ni putge bëëtö yïth päänye moe.

2 Luup Nyeye 32:21

Kanyøgø Wuuö Jwøk nyïïatwiel maal aput jääŋŋö, ni ö nyïïatwielli manøgø ni 'näk jø leny moa teek bëët mo Aciria, ki kwääc lwaae mo leny bëët moa kwörge døøŋŋø ki kwääc lwaae mo leny bëët moa caath køørge yi twïër mar nyeny Aciria. Ni ö nyeny Aciria ni put døø yi ŋöömö mare ni wïïe olääö. 'Ba kanya døny øt jwøk mare kunece, ena put wääte møøk 'näk kaace ko opëëllö.

Bwøth Wøk 9:28

Kwayu Wuuö Jwøk, kiper odäru ki pey moa jääŋŋe yøø, orømø nø; uuno wiia ni aayu, nou ba bëëdu kany këët.»

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Jeremaya 15:11

'Ba aløk Wuuö Jwøki jïra, ni «Ka adïëri møn, ïïni, ï mooa mooø ki teek kiper tïïe mo perge leth; ka adïëri møn, aani, nyïïmän moï otïïa ni kwaacge ïïni kanyo täk gïï mo lethi dëëtge.

Jeremaya 21:3

Køøre dwør Wuuö Jwøk mana ö bäät Jeremaya acaane jïge, ni kööe, ni «Caannu jï Cëdëkiya, ni kööu,

Jeremaya 32:17

«Wui, Kwäärö Wuuö Jwøk, beeye ï na cwääc maal ki piny ki køør teek badï na dwøŋ! Bäŋ gïn dhäthi jïrï!

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 34:1

'Ba kanya bëët Nabukedenecörri nyeny Babiløn ki jø leny moe, ki jø leny mo käla tiet akwöm mo nyeye bëët mo bäät piny, ni beege wïth juurre bëët moa näk ee dïïmö, ni ge këëdö ki Jerucalem ki mïëri moa en deŋŋe, dwør Wuuö Jwøk aö bäät Jeremaya,

Jeremaya 37:17

'Ba nyeya ma Cëdëkiya ajääk baŋ gø ni käl gø wøk. Ni ö nyeya ni pëëny Jeremaya mëëth ki piny paare paan dwøŋ, ni kööe, ni «?Da dwøl moo öö ki baŋ Wuuö Jwøk?» Ni kö Jeremaya, ni «Dagø.» Ni ö Jeremaya ni put köö, ni «Ïïni, ï cïba cer nyeny Babiløn.»

Jeremaya 37:3

'Ba eni na nyeya ma Cëdëkiya, Jïyukal o Celemiya ki dïlämi ma Jepaniya o Maycëya ajääŋŋe baŋ nyikuŋ Jwøk ma Jeremaya, ni kööe, ni «Beerra man lämï jï Wuuö Jwøk, Jwøk marø, kiperwa.»

Jeremaya 37:7

ni «Luumma caan Wuuö Jwøki, Jwø Icriel, beeye en: Wär caannu jï nyeny Juuda, ŋata jääŋ uuni baŋa naa pëënynye, ni kööu jïre, ni ‹Neenï, jø leny mo Peerø moa nø tïŋŋö, ni ge ööa kuna kønyge ïïni, ge døøa poge Ijep.

Edhikiel 7:26

Jammi mo leth otägi ni rege döötge döötö, ki waae mo ööi ni rege lwöbö, ni ö geni ni manyge luup mo wø nyooth ki baŋ nyikuk Jwøk; 'ba otïmö ni bäŋ ciik ki baŋ dïlämme, ni bäŋe pwöc ki baŋ jø døøŋŋø.

Pïëmme 20:27

'Ba jø Icriel Wuuö Jwøk apëënyge kiper gïna dige tïïö; kiper yïth nïrögøøni acanduk man wø nyooth luumma tuut Jwøki ki jiy ena kaace;

1 Camiel 10:22

Kar kaagønø, Wuuö Jwøk acäŋge pëënynyö ni köge, «?Aŋø, da dhaanhø mo poot kär ö kany en?» Kanyøgønø, Wuuö Jwøk aköö, ni «Ka adïëri møn, Cøøl ree ee kanø yïthakic jammi mou moa kääru.»

1 Camiel 28:15

'Ba Camiel aköö jï Cøøl, «?Aŋø ni tïï ko okiera dëëra en, ni cwölï aani wøk jaak en?» 'Ba aløk Cøølli jïre, ni «Aani, bëëtö mara atïmö ni teek døc kiree, kiper jø Pilitin ge manynya leny ki aani, ni Wuuö Jwøk ree ee nø daak buuta, ni bäŋ gïn løøe jïra këët ki dhøk nyïïkuk Jwøk wala ki ri lääk; 'ba ennø, ïïna cwøla kiper nee gïno tïïa nee nyoothï jïra.»

1 Camiel 28:6

Ni ö Cøølli ni pëëny Wuuö Jwøk; 'ba Wuuö Jwøk bäŋ gïn mo ee løø jï Cøøl ki ri lääk, wala ki ri Urim, wala ki dhøk nyïïkuk Jwøk.