Jeremaya 20:9 - Wëël Jwøk

⁹ 'Ba ni näk maa köö, ni «Nyeŋ Wuuö Jwøk ba mula ki dhaa, ni bäŋ gïn mo caana ki nyeŋŋe këët,» gïno tägi, luumme gwenni cwïnya ni caala maac mo liel, ni aano ööl ki man jwøa gø, ni ba løny jïra ki man kana gø cwïnya.

Jeremaya 20:9 Iomraidhean Croise

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Jeremaya 23:9

'Ba kany wø caara bëët nyïïkuk Jwøk, cwïnya puta pädhö døc, ni tïm dëëra ni kwanynyi. Aana tïmö naa caala dhaanhø moo meer moo bööt køøŋe, kany wø cäda kiper Wuuö Jwøk, ki luup moe na en kur keerge.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 6:11

'Ba aani, wëër mar Wuuö Jwøk na liel bäätge kaamar maac, atïmö ni dagø cwïnya thuwø, ni tïme ni ba løny ki kan.» Ni kö Wuuö Jwøki jïra, ni «Kïth wëër mara bäät obwöre moo en dï paac, ki bäät wøpe moo en wïth mäc. Dïcwøø ki cïïe karge riet omak ki tøŋ, ni käl jäle, këël jäle moa døøŋŋø døc thuwø.

Edhikiel 3:14

Kanyøgø Jwïëc Jwøk aana put tïŋ maal ni 'käl aani, ni puta aay ni cwïnya okëënynyö ni aano gootø, ni cer Wuuö Jwøk ena bääta naa ee maa ni teek.

Edhikiel 3:3

Køøre ena köö jïra, ni «Wär dhaanhø, cam wëëlö man ni cïba jïrï en ni jäŋï ki gø.» Ni puta gø cam ni ŋweeth dhaa ni caala maar kïc.

Amøc 3:8

'Ba ennø, ŋuu anø määr; ?A ŋata ŋa ni ba lwäyi? Wuuö Jwøk mare anø caane; ?Aŋa no män ree ki man køp luummögø?

Joona 1:2

ni «Ö maal ni ciï Nineba, päänya dwøŋ, ni cäänï dëëre, kiper rääö mar jiye aöö ni pïïe maal baŋa.»

Joona 1:3

'Ba Joona aö maal nee reŋ Tarcëc ni kana ree ki Wuuö Jwøk. Køøre ena ci Jøpa ni joot baabuur mar naam mo cøøa Tarci, ni cude ki gwel ni ci yie kiper nee ci Tarci ki jøøa en yie, ni eni kana ree ki Wuuö Jwøk.

Luk 9:62

'Ba Jecu aköö jïgø, ni «Bäŋ dhaanhø mo këël cere ri puur ni lwïthe ŋääe mo rømø ki buc Jwøk.»

Moa Tïïc Nyïïatwieli 17:16

'Ba kanya poot Pøølli ni koora Cayla ki Timöthi ya Athen, cwïnye apädhö kanya joot paac ni päŋ ki juu.

Moa Tïïc Nyïïatwieli 18:5

'Ba kanya pïïc Cayla ki Timöthi ki yi Macedönia, Pøøl acwänge ni køpa luum Jwøk, ni cäänna jø Juuth ni Krictø beeye Jecu.

Moa Tïïc Nyïïatwieli 4:20

Kiper waani mana jootwa ki mana wïnywa ba maarwa wec ki caan.»