Jeremaya 20:8 - Wëël Jwøk

⁸ Kiper kany wø cääna, a cäänö ni dwøra ena maal døc naa køpa gïr caannø mar jiy ki ränynyö mano tägi. 'Ba luum Wuuö Jwøk akännö bääta ka ajøøŋ ka abuua ki yïth cääŋŋe bëët.

Jeremaya 20:8 Iomraidhean Croise

2 Nyeye 2:23

'Ba Ilaaca aay kaace ni cøøa Bëthël. 'Ba kanya cäädhe waŋjöö, obwöc cwøw gena ö wøk ki yi pääny ni buuge eni ni köge jïgø, ni «Aayï nyie obøønni! Aayï nyie obøønni!»

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Aydheea 57:4

?Aŋø, u buu ŋa? ?U ŋeethu bäät ŋa ni lëëpu you rwääö wøk? ?U patha wäät jø ageem, ni uuna wäät tööte?

Jeremaya 15:10

?Wui, aŋø ni ö mera ni nywøl aani yi pinyi en, ni tïma ni aana ŋat pïëm yi paani bäre en? Bäŋ ŋat mo omäyö baŋa ki jammi maa pïïdö ki gø, ni bäŋ ŋat mo aano mäyö baŋe ki jammi mo pïïdö ki aani, 'ba jiy bëët, ge bëëdö ni ceenna aani.

Jeremaya 15:15

Wui Wuuö Jwøk, ï ni wø ŋäc jammi bëët, lääŋ aani ni luuï wïïï baŋa; cool kwöra dëët jø wø caan aani. Ki køør cïp cwïny marï piny, kär a weyï naa käl; beerra man ŋäyï gø na ajaany wø jwøra jwørø ki køørï.

Jeremaya 17:27

'Ba ni näk mara ba wïnynyu ki man gwøgu cäŋ jwömö nee bëëde ni ena kur keere na mar Jwøk, ni curu dhøk kiir mar Jerucalem nou käädö ki tëër ki cäŋ jwömö, aani dhøk kiir mar Jerucalem nyeba nyebø ki maac mo ba løny ki bïp, ni put kwöra no ogeerø ni teek bëët dï Jerucalem waaŋ.› »

Jeremaya 20:7

Wui Wuuö Jwøk, aana cøøgï, aana cøøgï møn. Aana magï ki teek, ni böötï aani. 'Ba ennø, aana tïmö ni jøw ŋeethø bääta ki yïth cääŋŋe bëët, ni jiy bëët buua aani.

Jeremaya 28:8

Nyïïkuk Jwøk moa kwøŋ nut nyïmmø cøøn, da gïï maa køpge, ni beege gïï lenye ki gïr gïï mo leth ki gïr täwe mo reyø moo tägi dëët tiet mïëri mo thööth ki dëët akwöm moa døøŋŋø mo nyeye.

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Jeremaya 6:10

'Ba aana köö, na «?Aŋa noo luumma noo köömma, nee luumma wïnynye? Ka adïëri møn, ïthge ege cïëgö, ni ba løny jïge ki man cekge ïthge. Ennø, luum Wuuö Jwøk atïmö ni jääla geni, ni tïm yïthge ni ba met ki gøøni.

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Abakuk 1:3

?Aperŋø na tïïyï aani nee gïï mo leth jooda? ?Na aperŋø na wëëgï gïï ni reyø ii tägö? Ennø, bëët aranya ki tïïc gïï mo leth ajooda; wëëye ko okiera anyaay.

Luk 11:45

'Ba aløk nyen mørri mo ena røk jø wø caan tiet ciik Jwøk, ni kööe, ni «Dïpööy, na caanï gïnögø ï geela waani thuwø.»

Ibaru 11:26

Ni ee caarø na abuua mana buui ki gø kiper Krictø beeye kwärö eni mana dwøŋ ki kwär mar Ijep, kiper na neet gïno cïp yi nyïm.

Ibaru 13:13

Kiper manøgønø, beerra man cøø baŋe ŋää kiir, ni ø di buuö kipere.

1 Piter 4:14

'Ba ni näk mo u di caannø kiper nyeŋ Krictø, uuno gwïëdhö, kiper Jwïëy ajiem na näk mar Jwøk bëëdö bäätu.