Jeremaya 20:6 - Wëël Jwøk

⁶ 'Ba ï na Pacuur en, ïïni ki jø wø bëëdö paarï bëët, u di maa ki tøŋ ni kïth uuni Babiløn. Køøre ï thøøa kaace, ni koony ï yie, ni beeye ïïni ki nyïïawäätï bëët moa køpï luum tööt jïge ki nyeŋ Wuuö Jwøk.› »

Jeremaya 20:6 Iomraidhean Croise

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 14:13

'Ba aløøa ni kööa, ni «Wui, Kwäärö Wuuö Jwøk, neenï, nyïïkuk Jwøk moge wø köö jïge ni ïïna köö, ni ‹Bäŋ leny ki käc mo pïï dëëtu, 'ba u mooa mooø ki bëët-mëër ma adïëri kany.› »

Jeremaya 14:16

Ni ö jø wø køpge luup jïge ni thøwge ri leny ki käc, ni leeŋ dëëtge wøk dï uutjïëthe mo Jerucalem, ni beege geni ki dëëtge, ki määrge, ki wäätge, ki nyïïge bëët, ni bäŋe ŋat mo koony geni, naa dwøga raay moge wïthge.

Jeremaya 20:1

'Ba kanya ö dïlämi ma Pacuur wär Imër, ŋata bëëdö na wïth jø tïïc mo wø tïïö øt Wuuö Jwøk, na wïny Jeremaya ni køpa luum Wuuö Jwøk,

Jeremaya 20:4

Kiper luumma caan Wuuö Jwøki beeye en, ena köö, ni ‹Ka adïëri møn, aani lwär mo dwøŋ jääŋŋa jääŋŋö bäätï ki bäät nyïïawäätï bëët. Geni, geno 'näk nyïïmänni moge ko opëëllö ni nëënö jïrï. Aani, jø Juuda bëët cïba cer nyeny Babiløn, ni ö eni ni 'näk møøk ko opëëllö, ni mak møøk ki tøŋ ni kïth ge Babiløn.

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Jeremaya 29:32

Kiper manøgønø, mana ŋøla, a na Wuuö Jwøk, beeye ni Cemaya nyï Nëyëlam ki nyïïkwaaye bëët ge jääla jäälö; eni bäŋ nyikwaare mo bëëdö ni kwøw dï jiy moi, ni eni gïïö beyø noo tïïa kiper jiya ba neene ki waŋe, kiper jiy apwönynye nee gëëmge ki Wuuö Jwøk.› Luummögø caana Wuuö Jwøki.»

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 22:28

Nyikuk Jwøk moe, tïïe moøgø ege uumö ki luup tööt mo wø carge no onyoodhø jïge, ka adïëde mo patha karge. Ge köö jaak, ni ‹Luumma caan Wuuö Jwøki bee en,› ni gïnaca kär caan Wuuö Jwøki.

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Dhekaraya 13:3

'Ba noo dee dhaanhø mo poot cäänö ki luup mo patha adïëri kiper yi nyïm, wänni ki menni na nywøl gø kiree geno köö jïgø, ni ‹Ï thøw! kiper ïïna cäänö ki luup tööt ki nyeŋ Wuuö Jwøk.› 'Ba kanyo caan luummögø kiree, eni put wänni ki menni na nywøl gø cwøp ki tøŋ.

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.