Jeremaya 20:18 - Wëël Jwøk

¹⁸ ?Aperŋø na öa wøk yi mera, naa jïta ki gïï mo leth ki kïmmö, ni thum cääŋŋe 'moa bëët ni wïïa laay en?

Jeremaya 20:18 Iomraidhean Croise

1 Nyeye 19:4

'Ba eni, ena aa dï paap ni cäädhe ki dïcäŋ bäre; ni cøøe ni pï piny tier abuŋŋö ni päc dëëre thøø, ni kööe, «Wui Wuuö Jwøk, aløny nø. Käl jwïëy 'moa, kiper ba beerra bëëtö mara ni kaala mar kwäcwa.»

Jööp 14:1

«Dhaanhø man no onywøl dhaage bäät piny en nïre nøk ni ena yi bëëtö mo leth døc.

Jööp 14:13

«Wui, doo beerra man kanï aani yi bwörö, ni cïëgï gø bääta këël kanyo pööth wëërri marï. Doo beerra man cïbï nïne 'moa piny, ni parï wïïï ki aani.

Jööp 3:20

«?Aperŋø na cïp tar jï jø wø en yïth gïï mo leth, ni wëëk jiy kwøw moa näk kïmmö ki yïth cwïnyge?

Jööp 5:7

'ba dhaanhø nyöönna jwør gïï mo leth kaawat man wø ö akaraaci mo otal wø gami ya maaci.

Aydheea 1:6

ki mana täge ki thäc tietu këël wïthu, bäŋ kany mo jööt; 'ba beege ŋwiili keerge; ni beege kwör mo okwöt, ka atwøt mo onilwäk piny, mo bëëdö no odheeth, ni kär bääö, ni kär julö ki maaw.

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Jeremaya 15:10

?Wui, aŋø ni ö mera ni nywøl aani yi pinyi en, ni tïma ni aana ŋat pïëm yi paani bäre en? Bäŋ ŋat mo omäyö baŋa ki jammi maa pïïdö ki gø, ni bäŋ ŋat mo aano mäyö baŋe ki jammi mo pïïdö ki aani, 'ba jiy bëët, ge bëëdö ni ceenna aani.

Jeremaya 15:18

?Aŋø ni ba cuŋ pänh cwïnynyi mara en? ?Na aŋø ni bëët pänh cwïnynyi mara ni ba døø piny ni bëëdö kaamar atwøda mo ba caŋŋi en? ?Aŋø, ïïna tïmö kaamar waŋ naam mo nëëni kee yie da pïï, mo noo cøø, bäŋ pïï yie?

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 8:18

Aani, kïmmö mara ba løny ki jook, ni cwïnya bëëdö ni peek bäre!

Wëël Kïmmö 1:12

«?Aŋø, u ni wø pöödhi ki buuta en, ki jïïu ni man beeye gïn mo bäŋ tiere jaak? Neennu, ni raŋŋu gø, ?aŋø, da teeŋ caarø mo otïïö mo caala mara man no otïïö dëëra en, ni beeye mana tïïc Wuuö Jwøki dëëra yi cäŋ wëër mare ni wø liel kaamar maac?

Wëël Kïmmö 3:1

Beeye aani na joot gïna leth, ki køør ajäl wëër mar Jwøk.

Abakuk 1:3

?Aperŋø na tïïyï aani nee gïï mo leth jooda? ?Na aperŋø na wëëgï gïï ni reyø ii tägö? Ennø, bëët aranya ki tïïc gïï mo leth ajooda; wëëye ko okiera anyaay.

Jøøn 16:20

Adïëri møn a caana gø jïïu, ni uuno jwöŋi ni dhööŋŋu kööthu, 'ba jø piny yïthge omïnni. Uuni cwïnynyu opädhi, 'ba pänh cwïny maru oløk na met ec.

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

Ibaru 11:36

Ni ö jø møøki ni buui ni pööti, ni ö møøki ni tööc geni ko oguudi ni kïth ge øt twöc.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 13:13

Kiper manøgønø, beerra man cøø baŋe ŋää kiir, ni ø di buuö kipere.