Jeremaya 20:16 - Wëël Jwøk

¹⁶ Beerra man tïm ŋatøgø kaamar päänye moa raany Wuuö Jwøki, na näk cwïnye käre dwøk piny ki gïrge. Beerra man ö ŋatøgø ni täk gïn mo lethi poge, ni wïny oduuru ka amöölla, ni wïny dwør tuuŋ mar leny ki dhöör cäŋ,

Jeremaya 20:16 Iomraidhean Croise

Jeremaya 18:22

Kanyo jääŋŋï jøw oraany paac baŋge ki nyi kany mo thiinh, beerra man put tïmö ni da oduuru mo wïnyö mïëcge, kiper gena kunyö ki buur naa makge, ni cekge abïëp kipera.

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 26:13

'Ba ennø, tiirru jöör bëëtö maru ki tïïe mou, ni wïnynyu dwør Wuuö Jwøk, Jwøk maru; køøre Wuuö Jwøk cwïnye odwøk piny, ni ba tïïc gïna leth na caane ni dee tïïö dëëtu.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Wëël Kïmmö 4:6

Kiper bääyö mar jø powa atïmö ni kadha eni ki bääyö mar jø Cødam, paana raanynyi na bäre bäre ki kany mo thiinh, ni bäŋ køny mo otïïö kipere.

Edhikiel 21:22

'Ba nyuudhi mano päth cer cwïïe otïmö na mar Jerucalem, kiper nee jenni mo thiel kiir ki ge cïp karge, ni cïpe ki dwøl nee jiy 'näk, nee jiy twäätge ri leny, nee jenni mo thiel dhi kiir ki ge cïpge karge, nee kany eth bäät kiir ki yie thørge, nee kwör leny mo tuk pääny ki yie jiiŋge.

Odheea 10:14

Kiper manøgønø, okiera mar leny tägö dëët jø pou, ni ö kwör leny mou moa teek ni raanynyi, kaawat mana ö Calmen na raany Bëëth-Arbel ri leny, kanya ö mëëe na nyadhi na aciel ko obwöre moge.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 13:14

?Aŋø, a na Wuuö Jwøk, jø dhi øt Ipariem ge daa wïïla wøk cer teek thøø? ?Aŋø, ge daa käl wøk ki yi thøø? ?Wui, ï na thøø, age teek aranya marï? ?Wui, ï na thøø, age teek gïna leth ni wø tïïyï? Aani, cwïnya ba cïba piny këët.

Amøc 1:14

Kiper manøgø nø, maac ojääŋŋa, ni waaŋ kiir mar paana cwøl ni Raaba, ki uudi moa teek na en yie. Ni tïme ni da dïlweel dïcäŋo këël leny yie, ni tïm lenynyi ni teek kaamar atuunna.

Amøc 2:2

Kiper manøgø nø, maac ojääŋŋa Möap, ni waaŋ uudi moa teek na en dï pääny Kiriöt. Ni ö jø Möapi ni thøwge ri leny, ni da dïlweel mo päl, ni jø leny kwöŋŋö ni ge kudhö ki tuŋi.

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Joona 3:4

Køøre Joona atägö ki man caath dï päänyögø ki dïcäŋ aciel bäre, ni rëëdö, ni «Ennø, dööŋŋa nïne ma pïëraŋween keerge nee Nineba raanynyi.»

Joona 4:2

Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Jepaniya 1:16

Ni beeye cäŋ mano wïny dwør tuuŋ yie, ki dööt jø leny mo nyaga päänye moa no ogeerø ni teek, ki uut koor moa no ogeer maal yïth gøøde mo kiir.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Luk 17:29

'Ba dïcäŋa døny Løøti wøk ki yi Cødam, maac mo lïëth døc apänhnhö ki maal ni dïïr wïthge bëët.

Tiet Ciik 29:22

«'Ba beenhnhø mano ööi cään, ki juurre mo käla kany mo bäär, kanyo jootge täwe ki gïïa leth na tägö yi ŋöömmu, na tïïc Wuuö Jwøki, ge köö,

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›

2 Piter 2:6

Ni døøc pääny Cødam ki pääny Gømöra bur, ni dïïr wïthge bëët, ni tïïya ge na nyuudhi jï jø raay.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.