Jeremaya 20:10 - Wëël Jwøk

¹⁰ Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 20:10 Iomraidhean Croise

1 Nyeye 19:2

'Ba Jedhebel ajääk baŋ Ilaaja ki dhaanhø ni kööe, ni «Teeŋ kar kany nø diøø, ni näk jwïëy moï kära raanynyø kaamar jwïëc nyïïkuk Baal moa raanynyï, aani, a raany juuwi 'moa raanynyø.»

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

1 Nyeye 22:27

ni kööu, ni ‹Nyeya aköö ni kïthu nyeni øt twöc, ni mooyu eni ki cam mo thiinh ki pïï mo thenh këël kanyo duua ni bäŋ gïn mo otägö dëëra.› »

1 Nyeye 22:8

'Ba nyeny Icriel aköö jï Jøcapat, ni «Poot da dhaanhø aciel mo dwør Wuuö Jwøk døø pëënynyö ki eni, 'ba a män ki gø, kiper poot bäŋ gïn mo beer mo ee nø caan en kipera, 'ba cooth beeye gïn mo raac. 'Ba ŋatøgø beeye Mikaya wär Imla.» 'Ba Jøcapat aköö, ni «Nyeya, luummögø kär caanï.»

Jööp 19:19

Nyïïawääta bëët moa näk aano ŋïyö ki ge døc, gena männö ki aani; jøøa mëëra ki geni bëët gena døø dëëra.

Pwöc Leec Wïc 10:18

Ŋat wø kaan män, dhee da tööt, ni ŋat wø ŋeel waac nyeŋ wïïe ba leer.

Aydheea 29:21

ni beege jø wø kïth luup bäät jiy ni wø kat luup kar løøk, ni ge cara luup tööt, kiper nee jøøa marge tiir nee ba ŋunni kar løøk.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 11:19

'Ba kanya pooda, aana bëëdö kaamar nyidiel mo mwöl mo kïtha kuna ŋaali, ni kuua ni da acaare mo reyø mo ege caarø kipera, ni ge köö, ni «Raanynyø ŋatøgø ki kare bäre; dïïrø wïïe dï jøøa kwøw bäät piny, nee nyeŋŋe put rwäänyö na bäre bäre.»

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 20:3

'Ba kanya tïme na amöölla, kanya ö Pacuurri na käl tiet Jeremaya wøk ki yo orøgø, Jeremaya aköö jïre, ni «Nyeŋŋï mana cïp Wuuö Jwøki jïrï patha Pacuur këët, 'ba beeye Magör-Micabip, na näk tiere beeye ni lwär mo dwøŋ piny opääŋe bäre.

Jeremaya 37:13

'Ba kanya pïïe dhi kiir man wø cwøl ni Dhi Kiir Benjamen, ŋata bëëdö na wïth jø koor, mo nyeŋŋe Iriya o Celemiya wär Ananiya ena kaace. Ni ö eni ni mak nyikuŋ Jwøk ma Jeremaya, ni kööe, ni «Ïïni, ï kwala riï nee riï cïpï jï jø Babiløn.»

Jeremaya 6:25

Käru ci yïth pwöth, ni ba cäädhu uutjïëthe, kiper nyïïmän 'moø ceŋge da tøøŋi, ni lwär mo dwøŋ piny ee pääŋö bäre.

Edhikiel 22:9

Ïïni, da jiy moï ma tööte mo ge bëënna waac nyeŋ kiper køny rem jiy piny; ni da jiy moï thuwø mo ge cämö ko olämme mo wø cïp jï juuga reyø yïth uut lam moa en bäät kïte, ni ge bëëdö ni marge käp.

Daniel 6:4

'Ba kwääri moøgø ki dïbwöthe gena tägö ki man määnyge ki luubö mo kïthge bäät Daniel kiper bëëtö mare yi kwär mar akwöm nyec; 'ba geni bäŋ luubö mo ege joodø mo kïthge bäät gø, wala gïn mo obøth, kiper eni mare adïëri ni bäŋ tïïc mo ee taaø wala gïn mo obøth mo ojoodø baŋe.

Luk 20:20

Kanyøgø nø, ena neetge døc, ni jääkge ki jiy ni cøøkge rege ni keda gena jiy mo marge adïëri, nee jïtge ki luubö mo makge gø ki gø ri gïïo care, nee kïthge nyïm kwääc paac, ŋat wø ŋøl luup, na en teeki cere.

Moa Tïïc Nyïïatwieli 24:13

Ni bäŋe nyuudhi mo maarge nyooth jïrï, kiper luupa kïthge bääta kawaane en.

Moa Tïïc Nyïïatwieli 5:33

'Ba kanya wïnyge gïnögø, cwïnyge aränynyö døc, ni tïmge ni ge manynya man 'näkge geni.

Moa Tïïc Nyïïatwieli 7:54

'Ba na wïnyge gïïögø, gena gootø døc ni kaacge lakge kipere.