Jeremaya 2:7 - Wëël Jwøk

⁷ 'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 2:7 Iomraidhean Croise

Neemiya 9:25

Ni ö jiyï ni macge päänye moa näk ogeerø ni teek ki ŋöömma beer. Ni lwørge uudi mo yïthge päŋ ki jammi moa beyø, ka aguule mo okoonyø mo wø cuŋ pïïyi yïthge, ki pwöth omøki, ki jaath man wø nyïïe wel na maaw, ki jenni mo wø nyïïge cam, thööth jaak. Ni cämge ni jäŋge, ni lørge, ni bëëtge ni yïthge met ki jammi moa beyø na thööth na cïpï jïge.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Aydheea 19:25

Wuuö Jwøk, eni na wïth jammi bëët, geno gwïëdhe ni kööe, ni «Gwïëth en jï jø Ijep, ge na jiya, ki jï jø Aciria na tïïa ki cera, ki jï jø Icriel na näk yaa jierø na 'moa.»

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Jeremaya 3:9

'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 32:30

«Ka adïëri møn, jø Icriel ki jø Juuda bëëdö ni ge tïïya gïï mo nëëni ni reyø keerge ki jïra, ni tägi ki kanya täkge bëëtö cøøn; kiper geni, ge bëëdö ni ge raanynya cwïnya keere ki køør gïï wø tïïcge.

Edhikiel 20:24

kiper ciik 'moa kärge jïëö; gena kweer ki luup 'moa, ni päätge cääŋŋe 'moa mo jwöm, ni ge bëëdö ni nyeŋge ena køør kït gïïa lam kwäcge.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 20:6

'Ba dïcäŋa kööŋa nyïmge, beeye kiper nee ge käla wøk ki yi ŋööm Ijep nee cige yi ŋöömma jiera kiperge, ni beeye ŋöömma näk caak ki maar kïc päl yie, na näk beerra eni døc ki ŋøøm møga bëët.

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Edhikiel 36:17

«Wär dhaanhø, kanya bëët jø Icrielli yi ŋöömö marge, ŋöömö apäätge ki bëëtö marge ki tïïe moge. Bëëtö marge ki baŋa, nëëni kaamar bäŋ waany mar dhaagø mo gïr mään opïï dëëre.

Odheea 9:3

U ba bëëdö yi ŋööm Wuuö Jwøk këët; u døøa Ijep, u na jø tuuŋ Ipariem, ni cämu ki caammi mo ba waany ya Aciria.

Mikiya 2:10

Uuni, u ööa maal ni aayu nou mak ka tøŋ, kiper kany ba tïmö na kar bëëtö maru, kiper mana tïïyu gø ni ba waany ni ränynye, ni tïme kaamar ŋwellø mo bäŋ køny mo joode.

Kwään Jiy 13:27

Ni köge jï Modhe, ni «Waana pïï yi ŋöömma jääŋŋï wa yie; 'ba beeye ŋöömö mo caak ki maar kïc päl yie møn, ni moi beege nyïëdi moa jootwa yie.

Tiet Ciik 21:23

rïŋ dëëre kär këët wäär ni poot no olïërö ri jaath, kiper ŋat mo olïërö ri jaath beeye ŋat mo ocien Jwøki. Eni wär put koony dïcäŋöca, kiper nee ŋöömmo cïp Wuuö Jwøki na näk Jwøu jïïu enø, nee ba raanynyu.

Tiet Ciik 32:9

Kiper kure, eni na Wuuö Jwøk, beege jiye ma jø Icriel, ni beege geni na nyïïkwaac Jeekap na dööŋ jïre na moe.

Tiet Ciik 6:18

Ni tïïu ki gïn mo beer mo tiir nyïm Wuuö Jwøk, nou jïtu ki bëëtö mo beer, kiper nou cou ni lwørru ŋöömma beer na kööŋ Wuuö Jwøki kipere jï kwäyu,