Jeremaya 2:5 - Wëël Jwøk

⁵ Luumma caan Wuuö Jwøki beeye en, ena köö, na «?Agïnaŋø na raac na joot kwäyu baŋa, ni tïïcge karge ni bäär ki aani, ni putge cäädhö køør juu mo oballe jaak, ni tïmge ni bäŋ karge en?

Jeremaya 2:5 Iomraidhean Croise

2 Nyeye 17:15

Ni kwierge ciik moe, ki luubö mana tuude ki kwäcge, ki luup moa cem geni ki ge. Ni tïmge ni ge caatha køør juu mo oballe jaak, ni tïmge ni bäŋ karge, ni caathge køør kööŋŋe mo wïth juurre møøk moa en deŋge, ni beege jøøa ö Wuuö Jwøki na kööm geni kiperge ni gïrge kär ŋwalge.

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 44:9

Jø wø tëëŋö ki kït gïï wø lam, ge bëët bäŋ karge, ni jap wø perge leth jïge bäŋ gïn duuge, ni këël jiy moa køp ni tiet gïïögø ŋäcge, tïmö ni gïïögø kucge, ni kärge neenø, ni put tïmö na lään wïc jïge.

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 12:2

Beeye ïïni na piith geni kaamar jaath, ni këëlge tietge piny; ni døøŋge ni jïtge ki nyïëdi. Gïrï wø carge carø ki dhøkge jaak, 'ba ki cwïnyge, karge bäär ki ïïni.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 2:4

Wui, u na nyïïkwaac Jeekap, ni beeye u jø dhøk uudi mo jø Icriel bëët, wïnynyu dwør Wuuö Jwøk.

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Edhikiel 11:15

ni «Wär dhaanhø, nyïïmeru, ni beege tuuŋu moa näk rem dëërï, na mak u ki tøŋ ki ge na aciel, ki jø dhi øt Icriel bëët, beege jøøa cään jø Jerucalemmi kiperge na köge, ni ‹Gena jiy mo karge bäär ki Wuuö Jwøk; ŋöömö man cïpa jïwa na marwa.›

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Joona 2:8

«Jøøa wøør juu mo bäŋ gïn duuge, ge luua ŋäthge baŋï, ï ni wø nyooth mëër mo ba jøøl.

Mathiew 15:8

«ni ‹Jøøi ii a wø wøørge ka lëëpge, 'ba cwïnyge karge bäär ki aani.

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Wëëlö Mana Göör Pøølli Baŋ Jø Röm 1:21

Kiper geni këël na ŋäcge Jwøk, eni kärge wøørø kaawat mana dege Jwøk wøørø, ni met ec kärge dwøk baŋ gø. 'Ba gena rwäänyö ki mana dege caarø, ni tïm cwïnyge ni bäŋ gïn jootge këët.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.

1 Camiel 12:21

'Ba käru gaa wøk køør juu mo oballe, mo bäŋ gïn mo duuge dëër dhaanhø wala gïn mo kønyge kønyø, kiper gena juu mo oballe jaak.