Jeremaya 2:4 - Wëël Jwøk

⁴ Wui, u na nyïïkwaac Jeekap, ni beeye u jø dhøk uudi mo jø Icriel bëët, wïnynyu dwør Wuuö Jwøk.

Jeremaya 2:4 Iomraidhean Croise

Jeremaya 10:1

Wui, u na jø Icriel, wïnynyu dwøl man caan Wuuö Jwøki jïïu en.

Jeremaya 13:15

U na jø Juuda, wïnynyu gïn ni kïthu gø cwïnynyu; käru nou töödö, kiper Wuuö Jwøk mare anø ŋøle.

Jeremaya 19:3

ni caanï gø nee wïny nyec Juuda, ki jø wø bëëdö Jerucalem, ni kööï, ni ‹Wïnynyu luum Wuuö Jwøk. Mana caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a känna bäät paani ki gïn mo leth, ni ŋat wø wïny gø, cwïnye puta bwøk.

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Jeremaya 2:5

Luumma caan Wuuö Jwøki beeye en, ena köö, na «?Agïnaŋø na raac na joot kwäyu baŋa, ni tïïcge karge ni bäär ki aani, ni putge cäädhö køør juu mo oballe jaak, ni tïmge ni bäŋ karge en?

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 33:24

na «?Aŋø, gïna caan jøøi ii kärï wïnynyö, kanya köge, ni ‹Icriel ki Juuda, wïth tuŋi moa näk ariiø moa jier Wuuö Jwøki, gena nø kwiere›? Kanya caange teeŋ luummögø, ge taaga jiya, ni ge patha paac ki jïge këët.

Jeremaya 34:4

« ‹'Ba ï na Cëdëkiya nyeny Juuda, wïny luum Wuuö Jwøk. Luumma caan Wuuö Jwøki kiperï beeye en, ena köö: Ï ba thøw ri leny,

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Jeremaya 7:2

na kööm aani kiper naa cuŋŋa dhi kal mar øtø mare, e na Wuuö Jwøk, ni køba luummi en kaace, ni kööa, ni «Wïnynyu luum Wuuö Jwøk, u na jø Juuda bëët mo wø dønyi ki dhøk kal moi nee Wuuö Jwøk wøørru.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Mikiya 6:1

Ennø, wïnynyu gïno caan Wuuö Jwøki dëëtu, u na jø Icriel, ena köö, «Ööu maal ni caannu maru ni nëënö jï kïte, ni dwøl maru wïnyö jï thuuri.