Jeremaya 2:34 - Wëël Jwøk

³⁴ Maya thuwø, rem jiy moa can na näk bäŋ gïn mo ege baaø akønynyï piny, ni joot remø marge ra abïï marï, ni jøøgø kärï joodø ni ge turö ki øtø. 'Ba këël na näk mo gïïögø bëët ii tïïö,

Jeremaya 2:34 Iomraidhean Croise

2 Nyeye 21:16

Maya thuwø, Maneeca rem jiy mo thööth mo bäŋ gïn mo ege baaø akøny piny, këël mana ö eni ni pääŋ dï Jerucalem ki remø ki mana täge ki deŋŋe man këël mana pïïe deŋŋe maya; ni gïnögø tïïe ni meede bäät raay moe moa tïïe na wëëk jø Juuda tïïc ki raay, ni tïïya gïï mo nëëni ni reyø ki jï Wuuö Jwøk.

2 Nyeye 24:4

këël rep jiy thuwø moa näk bäŋ gïn mo ege baaø na køny piny, na pääŋ dï Jerucalem ki remge. 'Ba Wuuö Jwøk yie käre warø.

Bwøth Wøk 22:1

«Ni näk dhaanhø dhieŋ wala diel ee kwalø, ni ŋaal gø wala ŋeewa gø, kuu manøgø doo cudö ki dhäk abïïc na kar dhieŋ mana kwale, wala dïëk aŋween na kar diel mana kwale.

Bwøth Wøk 22:2

«Ni näk mo kuu omaaø ni turö ki øtø, ni gøøi ni thøøe, doo bäŋ kwöre.

Aydheea 57:5

Juu mou na näk patha adïëri lammu nou døøa dëëtu ki käp tiet jenni moa no onigïït piny, ni nyïïu ŋallu ŋallø ni cïpu ge jïge no olämme deŋ nyeŋ näm ki tiet agäp-kïte.

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 2:33

«Ï na Icriel en, wääth køør juu møøk akwanyï kiree, kaamar kääbi mo ŋweeya køør cwøw, niï caala dhaagø m mään moa reyø kwänynyö baŋe.

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 7:31

Gena gëëdö ki kwör lam kanya cwøl ni Töpeth, na en ya agäm-kïdi mana cwøl ni Ben-Inöm, kiper nee wäätge ki nyïïge waaŋge no olämme kaace, ni gïnögø beeye gïn mo ge kära köömmö ki man tïïcge gø, na acaac gïnögø bäŋgø mo oö wïïa thuwø.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Wëël Kïmmö 1:9

Gïna tïïc gø ni ba waany nëënö dëër abïïne, 'ba eni kär cädö kiper yi nyïme. Ena pädhö ki pädhö mo thääŋa ec, ni bäŋ ŋat moo cøm cwïnye. Ni kööe, ni «Wui Wuuö Jwøk, neen caarø mara, kiper nyimän mara böödö eni.»

Wëël Kïmmö 4:14

'Ba kawaane ge thäämmö nyeŋ jïëthe kaamar jiy ma cööye, ni tïmge ni ge ba waany ki køør rem jiy moa kønyge piny, ni tïme ni bäŋ ŋat mo løny jïre ki man gut abïïkge.

Edhikiel 20:31

Kany wø cïpu muuce mou, ki kany wø kïthu wäätu yi maac nou waaŋa geni no olämme, u tïïya dëëtu ni ba waany ki kït gïï wø lammu bëët këël dïcäŋi. ?Wui, u na jø Icriel, u jïëa jïëö këët ki man pëënynyu aani? 'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, a ba pëënynyu këët.

Edhikiel 22:25

Dïbwöthe moe moa en yie ge bëëdö kaamar ŋuuwe mo märö bäät lääy mo bakge bagø; jwïëc jiy araanyge ni kälge jammi mo jiy ki gïï møøk mo perge leth. 'Ba ki køør 'näk mana tïïcge, mään mo thööth awëëkge dööŋŋe na määr thuunhnhi.

Edhikiel 23:45

'Ba jiy mo bëëtö marge tiir, mään moøgø jäälge jäälö kaawat man wø jääl dhaagø mo okännö ki luk, ki dhaagø mo okuny piny ki rem dhaanhø, kiper gena mään ma jø luuy, mo geno kuny piny ki rem jiy.

Edhikiel 24:7

Kiper rem jiy moa køny piny dï pääny poot nutö dïëre, ni ee køny bäät kïte jaak, ni käre koony yïth ŋøøm nee uum ŋøømmi.

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›