Jeremaya 2:32 - Wëël Jwøk

³² ?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 2:32 Iomraidhean Croise

Wïlöölö 24:22

'Ba kanya løny athïrööle ki maath pïï, ŋatøgø akän wøk ki gwel warkey mo peek mare thääŋ rumi, ni kän wøk thuwø ko oguudi ariiø mo warkey mo peek marge jïtö ki rumme apaar, kiper nee kïth ceŋŋe.

Wïlöölö 24:30

ni ci baŋ gø kanya joot gwel warkey ko oguudi ceŋ coki ma Rebëëka, ni wïny luup thuwø moa caan coki kiper luupa caan ŋatøce jïre; ni ö Leeban ni joot ŋatøgø ni cuŋŋö buut athïrööle bäät iith.

Wïlöölö 24:53

Køøre ena kän wøk ki jap warkey ka abïïe ni wëëk ge Rebëëka. Ni mooc mii Rebëëka thuwø ki coki ki jammi mo perge leth.

2 Camiel 1:24

Wui, u na määr jø Icriel, jwøgu Cøøl døc, na tïïc uuni nou ruu ka abïïe mo mïërö mo perge leth, na tïïc uuni na abïïe mou dëëtge kïthi ki jap mïërö mo tïïc ka warkey.

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 2:11

?Aŋø, da tier paac mo juu moe ee wiilø, këël na bëët juuwi moe ni patha adïëri? 'Ba jiy 'moa, a na näk ajiem marge, aana wiilge kiper juu mo bäŋ gïn duuge.

Jeremaya 2:33

«Ï na Icriel en, wääth køør juu møøk akwanyï kiree, kaamar kääbi mo ŋweeya køør cwøw, niï caala dhaagø m mään moa reyø kwänynyö baŋe.

Jeremaya 23:27

Ki jïge ege caarø ni ki køør lääk mo wø carge yïthakicge ni wïth jiya wïl ki nyeŋŋa, kaa mana wïl wïth kwäcge ki nyeŋŋa ki køør mana wøørge Baal.

Jeremaya 3:21

Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Pïëmme 8:34

Ni ö jø Icrielli ni wïl wïthge ki Wuuö Jwøk na bëëdö na Jwøge na piem geni ceŋ nyïïmänge ki yïth kwörögø bëët;