Jeremaya 2:31 - Wëël Jwøk

³¹ Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 2:31 Iomraidhean Croise

1 Nyeye 11:22

'Ba Peerø aköö jïre, na «?Aŋø, agïne na canï ki gø baŋa, ni kööï niï manynya man døøï pou en?» 'Ba aløøe, ni «Bäŋgø; 'ba wec aani naa aa.»

2 Luup Nyeye 31:10

'Ba Adhariya na bëëdö na dïlämi mana dwøŋ, na käl dhi øt Dhadök, aköö jïgø, ni «Ki kanya täk jammi moøgø ki cïp na käli Øt Wuuö Jwøk, waana bëëdö ni wa cämö ni rømwa, ni dööŋ thäk møøki wøk, kiper Wuuö Jwøk jiye agwïëdhe, ni ö jammi moi ni thööth ii ni dööŋge wøk.»

Jööp 21:14

'Ba ge poot köö jï Jwøk, ni ‹Wec wa keerwa! Wa ba many man ŋäcwa uutjïëthe moï këët.

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 5:5

Aani, a cøøa baŋ jøøa kwörge døøŋŋø, ni cääna ki geni, kiper geni, jöör Wuuö Jwøk, Jwøk marge, ki ciik moe ŋäcge.» 'Ba geni thuwø, gena kweer ki man bëënge Wuuö Jwøk, ni kweerge ki man jïëcge pwöc moe.

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Amøc 1:1

Moi beege luupa køp Amøci, na en røk dïpïïth dïëk paana cwøl ni Tëköa. Luupögø beege moa nyooth jïre ki yi wïïe kiper jø Icriel yïth nïra beet Udhaya ni ena nyeny Juuda ki yïth nïra beet Jeröbäm o Jeyöac ni ena nyeny Icriel. Gïïögø akwøŋ nyooth jïre kanya poode ni poot dööŋŋa cwiiri ariiø ki man täk dïjäŋ pinynyi.

Mikiya 6:9

Wui tuuŋ Juuda, ki jø wø käär pääny Jerucalem, wïnynyu gïn. Dwør Wuuö Jwøk cwödö dï pääny, ni köö, ni «Leec wïc beeye ki man lwäär nyeŋ Wuuö Jwøk.

1 Körin 4:8

Uuni, uuna nø jäŋ, ni nø kwärru, ni tïmu ni uuna nyeye ni karu bäär ki waani. 'Ba tïmu nø ni uuna nyeye, nee wa tïmwa ni waana nyeye ki uuni na aciel.

Tiet Ciik 31:20

Kiper kanyo kïtha geni yi ŋöömma näk caak ki maar kïc päl yie, ni beeye ŋöömma kööŋa kipere jï kwäcge, kanyo camge ni jäŋge ni tïmge ni geno kwär ki jammi, kar kaaca ge tïmö ni ge caatha køør juu møøk, ni tïnyge geni, ni wecge aani, ni kwierge luumma tuuda ki geni.

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.