Jeremaya 2:30 - Wëël Jwøk

³⁰ Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 2:30 Iomraidhean Croise

1 Nyeye 19:10

Ni kö Ilaaja, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

1 Nyeye 19:14

'Ba Ilaaja aköö, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

2 Luup Nyeye 24:21

Køøre gena put tudö ki luubö bäät Dhekaraya, ni këërge Dhekaraya ki kïte ki køør dwør nyeya, ni putge gø 'näk yi kal mar Øt Wuuö Jwøk.

2 Luup Nyeye 28:22

'Ba ki yïth nïne moa beet nyeya ma Eeyeth ni gïï mo leth tägö dëëre, eni poot bëëdö ni meeta bääyö mare nyïm Wuuö Jwøk.

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Aydheea 1:5

?Aperŋø ni poot bëëdu ni uuno nieŋ yïth raay en? ?U poot manynya man pwöt uuni? Wïthu moø bëët bëëdö no opääŋ täwi, ni ö cwïnynyu ni kwääli ya raayi;

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 31:18

«Ka adïëri møn, dööt jø Ipariem wïnyö jïra ni ge jwöŋö, ni ge köö, ni ‹Waana pwötï kaamar nyirøøa mo wïïe känni, ni wïnywa pwöc manøgø; duu waani baŋï, nee bëëtö marwa døø kare, kiper ï na Wuuö Jwøk, bee ï na Jwøk marwa.

Jeremaya 46:14

«Gøøu piny Ijep, ni gøøu gø piny Migdöl, ki Mempic ki Thapinac, ni kööu, ni ‹Maaŋŋu kwöru, ni jegu rou, kiper jø mïëri moa karge cään ki uuni bëët athöör opëëllö.›

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 7:28

Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 22:24

ni «Wär dhaanhø, caanï jï ŋööm Icriel, ni ‹Ïïna ŋöömö mo kär tïïö ni tøŋ, kiper bäŋ køth mo opädhö bäätï yi cäŋ wëër mara.›

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Mathiew 23:29

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper uuni, uut bwör mo nyïïkuk Jwøk wø geerru geerø ni ŋwaŋŋu bwöc jøøa beyø ni mïërö,

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

1 Thecalönika 2:15

ni beege jøøa 'näk Kwäärö ma Jecu ge ki nyïïkuk Jwøk bëët, na riem waani wøk. Geni, ge wø raanynya cwïny Jwøk, ni tïmge ni ge män ki jiy bëët,

Mana Nyooth 16:9

Ni ö jiyi ni waaŋ geni ki jam maaagø na lïëth døc. Ni janyge nyeŋ Jwøk na en luum jap räny piny moøgø cere, ni kärge cwïnyge løø ki man jiemge eni.