Jeremaya 2:27 - Wëël Jwøk

²⁷ jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Jeremaya 2:27 Iomraidhean Croise

2 Luup Nyeye 29:6

Kiper kwäyø gena bääö dëër Wuuö Jwøk ni tïïge ki gïï mo nëëni ni reyø ki jï Wuuö Jwøk, Jwøk marø, ni wecge gø, ni løøge nyïmge wøk ki kar bëëtö mar Wuuö Jwøk, ni løøge ŋäthge baŋ gø.

Aydheea 26:16

Wui Wuuö Jwøk, jiy moï kanya enge yïth gïï mo leth, ïïna manyge, ni lämge ni ge muuŋö, kanya bëët ajäla marï bäätge.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 18:17

Geni, ge keetha keethø nyïm nyïïmänge kaawat man wø tïïc jam wø kwönni ki jï løø kur tuul-cäŋ. Aani, ŋääa løøa baŋge, ni mäna täärnyïma ki geni, kanyo tïme na cäŋ gïna leth na wäŋŋi kiperge.»

Jeremaya 2:24

ni ï caala arëën paap mo oŋïyö ki bëët paap, wø ŋwäc jam thwønh kany wø näk dëëre da tïk. ?Aŋa ni maar lønyø jïre ki man män gø ki ciin baŋ thwønh? Ni thwönhi mo wø many gø bäŋ wø ööl; eni wø jootge joodø kany wø päŋ dwääy mare.

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 3:9

'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 37:3

'Ba eni na nyeya ma Cëdëkiya, Jïyukal o Celemiya ki dïlämi ma Jepaniya o Maycëya ajääŋŋe baŋ nyikuŋ Jwøk ma Jeremaya, ni kööe, ni «Beerra man lämï jï Wuuö Jwøk, Jwøk marø, kiperwa.»

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Edhikiel 8:16

Køøre eni aana kïth yi kal mana en dïër mar øt Wuuö Jwøk. 'Ba dhi øt Wuuö Jwøk kaace yïthakic agööla ki gïn wø cïp olämme bääte, da cwøw mo jïtö ki pïërariiø ka abïïc mo ŋäthge ege løø baŋ øt Wuuö Jwøk ni nyïmge ege løø jï kur tuul-cäŋ, ni cøŋge ege këël piny ni rege kemø ki cäŋ ni ge lama gø.

Daniel 9:7

«Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Odheea 4:12

Jiy atïmö ni pëënynya dhi jaath mana no otieŋø na kït gïn wø lam, ni ö athøra ni løk pïëc marge. Gena tïïc jwïëc käpi nee gaage wøk, ni putge bëëtö ni ge tïïya tïï käp, ni tïm karge ni bäär ki Jwøk marge.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Odheea 7:14

Ge ba jwöŋi dëëra ki jwøk mo käla yïth cwïnyge kany wø gööge ko oduuru kwör niine moge. Kany wø lämge kiper caammi ki kwøk nyïïomøki, dëëtge ŋarge ŋarø, ni wecge aani.