Jeremaya 2:25 - Wëël Jwøk

²⁵ Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 2:25 Iomraidhean Croise

2 Luup Nyeye 28:22

'Ba ki yïth nïne moa beet nyeya ma Eeyeth ni gïï mo leth tägö dëëre, eni poot bëëdö ni meeta bääyö mare nyïm Wuuö Jwøk.

2 Luup Nyeye 28:23

Kiper ena cïpö ko olämme jï juu mo jø Damacka na bööt eni, ni kööe, ni «Kiper juu mo nyeye mo Aram jicge akønyge, aani beerra man cïpa ko olämme jïge kiper naa kønyge.» 'Ba aput tïmö ni käla ränynyö mo päl bääte ki jø Icriel bëët.

Aydheea 2:6

Wui Wuuö Jwøk, jiyï ma jø dhi øt Jeekap aweyï, kiper mana caathge køør ajuuk mo jø kur tuul-cäŋ, ni tïmge ni ge tïïö ki jap adïëda kaamar jø Pilitin, ni dwätge ki juurre møøk.

Aydheea 57:10

Uuna ööl kiper waŋjöö maru na bäär døc, 'ba u kär köö, ni ‹Bäŋ gïn ŋääthwa këët nø.› 'Ba uuna jïtö ki teek mo nyään, ni bäŋ öölö mo you joodø këët.

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 13:22

'Ba ni näk miï köö ki cwïnyï, na ‹?Aperŋø na ö gïnni ni leth en bääta?› beeye kiper raay moï na thööth na tïmï kaamar dhaagø ma abïïne okäl wøk dëëre, ni dööŋe ki dëëre.

Jeremaya 14:10

'Ba mana løk Wuuö Jwøki kiper jøøi ii beeye en, ena köö, ni «Jøøi ii, ge mëër ka wïïrö køør juu møøk, ni dëëtge kärge mänö ki wääth køørge. Kiper manøgønø, ge ba jïëa, a na Wuuö Jwøk, ni ennø, bääyö marge bëëdö ni ŋääa, ni jääla geni kiper raay moge.»

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 22:20

«U na jø Jerucalem, u cøøa bäät Kïn Libaanø ni gööu ko oduuru, ni cou Baacan ni jwöŋu ni döötu ena maal, ni cou bäät Kïn Abarim thuwø ni gööu ko oduuru, kiper wïth juurre moa mëërru ki geni na dwätu ki geni bëët ge di raanynyø.

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 44:17

'Ba ka adïëri møn, waani, gïna nø ö wøk ki dhøkwa tïïcwa tïïö, ni beeye ki man cïpwa ko olämme jï jwøa cwøl ni Gwanynyø Mar Maal, ni kunywa piny ki køøŋø jïre, ni caala mana wara tïïcwa, ki mana wara tïïc kwäcwa ki nyeye mowa ki jøøa kwörge døøŋŋø mowa dï Jerucalem ki yïth päänye mo Juuda bëët; ni kar kaace jïwa da cam mo päl, ni bëëtö marwa beer, ni bäŋ gïn mo raac mo otägö dëëtwa.

Wëël Kïmmö 1:2

Eni jwöŋi ni keeya yie ki wäär cooth, ni bëët pï nyeŋŋe ni muulö ki pïte. Eni bäŋ cøm cwïny mo joode baŋ mïëri moa mëëre ki ge, ena nøøn mïëri bëët moa näk ee døøc nyïïawääte, ni tïmge na nyïïmän moe.

Wëël Kïmmö 4:4

Lëëp obwöre moa mar aninäŋ yïth aŋarkwange ki riew, ni ö obwöre moa reegø ni bëëtge ni ge kwääö ki caammi; 'ba bäŋ ŋat mooc geni ki cam.

Edhikiel 20:32

« ‹Uuni, u wø köö, ni «Wa manynya gø nee wa tïmwa ni wa caala wïth juurre møga, ni wa bëëdö kaamar jø bäät piny mo wø lam jenni ki kïte.» 'Ba gïnögø ni caarru enø ba tägi na bäre bäre.

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Milkiya 3:14

«Ni kööu, ni ‹Ki man tïny Jwøk beeye gïn mo bäŋ tiere.› Ni kööu thuwø, na ‹?Agïnaŋø na jootwa ki køør mana gwøkwa ciik moe, wala ki køør mana bëëtwa ni wa kïmmö nyïm Wuuö Jwøk, eni na wïth jammi bëët?

Luk 15:22

'Ba ŋata näk wuuö laaŋe moe aluumme, ni ‹Laaru kännö ka abïï ma wøp døc, ni kïthu gø dëëre, ni kïthu cere ko ogut, ni kïthu tiete ki war.

Luk 16:24

Ni cwøl gø, na ‹Awuuö ma Eeberam, køny aani. Jääŋ Ladhara, nee wï lweete keere kïth yïth pïï, nee leeba ŋïnynye. Kiper dëëra waŋŋi ki maai.›

Wëëlö Mana Göör Pøølli Baŋ Jø Röm 8:24

Kiper beeye ŋääthögø na piem øøni ki køøre. 'Ba gïn mo nëënö ni ŋäädhi, manøgø patha ŋäädhe. ?Aŋa wø ŋääth gïn mo ee nø neen?

Tiet Ciik 28:48

nyïïmännu moo jääŋ Wuuö Jwøki baŋu otïnynyu nou can ki jammi bëët, ni dëëtu da käc ki riew ki wääth røk; ni ö Wuuö Jwøki ni kïth ajäla mo teek bäätu, këël mano thöör uuni na bäre.

Tiet Ciik 32:16

Wuuö Jwøk atïïcge nee këëye ki køør juuga path na lamge. Ni cwaatge yi Wuuö Jwøk këël mana wëëre ki køør gïïa raac yie ki ge na tïïcge.