Jeremaya 2:24 - Wëël Jwøk

²⁴ ni ï caala arëën paap mo oŋïyö ki bëët paap, wø ŋwäc jam thwønh kany wø näk dëëre da tïk. ?Aŋa ni maar lønyø jïre ki man män gø ki ciin baŋ thwønh? Ni thwönhi mo wø many gø bäŋ wø ööl; eni wø jootge joodø kany wø päŋ dwääy mare.

Jeremaya 2:24 Iomraidhean Croise

Jööp 11:12

Ki man ö ŋat mo wïïe bäŋ acaara ni lëëny wïïe, jööta eni jï arëën-paap ki man lwaare ki dhaanhø.

Jööp 39:2

?Aŋø, løny jïrï ki man kwarï dwäde marge këël kany wø pïïcge ri lwaar marge? ?Aŋø, da gïn mo ŋäyï kiper caae mo lwaar moge?

Jeremaya 14:6

Na arëëni mo paap cuŋŋö jaak bäät thuuri moa leer, ni ge jwëëyö ni lëëpge onøbøønhnha kaamar guu; ni nyeŋge otal jaak kiper na bäŋe luum.»

Jeremaya 2:27

jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Edhikiel 16:33

Jiy bëët mo wø gath dëëtge ki käp, ge wø di cunnö ki gwel, 'ba ïïni, ï cïpö ki muuce jï omëërri moï jaak niï ŋeewa geni ki man öge baŋï ki kwöra enge yïthge bëët, ni käbï ki ge.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Odheea 8:9

Kiper gena nø ci baŋ jø Aciria ni caala arëën mar paap mo thääyö keere jaak; ni ö jø Ipariem ni nø gathge mëër marge wøk.