Jeremaya 2:20 - Wëël Jwøk

²⁰ «Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:20 Iomraidhean Croise

1 Nyeye 12:32

Ni ö Jeröbämmi ni cïp piny ki dïcäŋ ajwöma mo di wøørø ni nïr dwää abära apaar kurbïïc, kaawat dïcäŋ ajwöma man wø wøør jø Juuda. Ni ö eni ni cïpe ko olämme bäät gïn wø cïp olämme bääte Bëthël jï nyïïrøøe moa näk ee tïïö. Ni cïp Bëthël ki dïlämme yïth uut lam moa näk ee geer bäät thuuri.

1 Nyeye 14:23

'Ba geni thuwø, gena gëëdö ki kwör lam bäät thuuri kiper dëëtge, ni cööthge piny ki kïte ki jenni moa no otieŋø na no ocaa ri jwøa cwøl na Acara na gïï lamge bäät thuuri moa bäyö bëët ki tiet jen bëët moa no onigïït piny.

Bwøth Wøk 19:8

Kanyøgø aløk jø Icrielli bëët ki dwøl aciel ni köge, ni «Luup bëët moa caan Wuuö Jwøki tïïcwa tïïö.» Ni ö Modhe ni dwøk luubö mana caan jiyi baŋ Wuuö Jwøk.

Bwøth Wøk 24:3

Køøre Modhe aduu piny ni køp luup bëët jï jiy, moa caan Wuuö Jwøki ki ciik moe bëët; ni ö jiyi bëët ni løkge gø ki dwøl aciel ni köge, ni «Luup bëët moa caan Wuuö Jwøki tïïcwa tïïö.»

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 10:27

'Ba dïcäŋeca, tëër mana peek mar nyeny Aciria otïŋ maal göögu, ni ö jaath puurri mare man wø rïï ŋut, ni käli wøk ŋutu, ni ö jaath puurri manøgø ni toore kiper lørø maru.

Aydheea 14:25

Aciria nyøra nyørø ni raanynya gø yi ŋöömö mara bäät kïte 'moa. Gïïa leth na tïïe na caal jaath puur man wø rïï ŋut dhieŋ di paanyø bäät jiya, ni ö tëërri mare na peek ni tïŋi maal göök jiya.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Jeremaya 13:27

Tïïe moï moa näk ec raac ki ge døc na tïïyï kwör lam moa en bäät thuuri ajooda, ni beege luui moï, ki tïk mana en riï, ki käp marï. Wui, ï na Jerucalem, otïmö ni raac jïrï! ?A këël kany mo nyïëdi nø noo bëëdï niï ba waany?»

Jeremaya 17:2

Geni, gïï wø cïpge olämme moge bäätge, ka arïëki moge mo wø cwøl na Acara, na en tiet jenni moa näk onigïït piny bäät thuuri, wø lääŋge lääŋŋö, ni caala man wø lääŋge obwöre moge.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 30:8

«'Ba Wuuö Jwøk, eni na wïth jammi bëët, aköö, ni ‹Kanyo tïme na dïcäŋöce, teek dïïm mana en bäätge na caal jaath puur man wø twöö ŋut rwaath raanynya raanynyø, ni päda geni, ni bëëtge ni ge patha laaŋe këët jï jiy mo path.

Jeremaya 5:5

Aani, a cøøa baŋ jøøa kwörge døøŋŋø, ni cääna ki geni, kiper geni, jöör Wuuö Jwøk, Jwøk marge, ki ciik moe ŋäcge.» 'Ba geni thuwø, gena kweer ki man bëënge Wuuö Jwøk, ni kweerge ki man jïëcge pwöc moe.

Edhikiel 16:28

Ïïna käbö thuwø ki jø Aciria kiper iï kär thum; køør manøgø ïïna put bëëtö niï käbö jaak ki geni ni iï poot ba thum.

Edhikiel 16:31

Kanya geerï øt lam marï yïth agääk jïëthe, ni tïïyï kwör lam møga ni iï geerø ni ena maal kwöra laac dï kiir, ïïna tïmö kede ï patha kääbi, kiper ï ba many gwel mo di coolø jïrï.

Edhikiel 16:41

Uudi moï owaaŋge ki maac, ni jäälge ïïni ni nëënö nyïm mään mo thööth. Aani käp marï tïïa tïïö nee ŋuude, ni tïmï niï ba cïpï ki jammi këët jï omëërri moï.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 23:5

«'Ba Ööla ena cäŋ bëëtö ni gatha dëëre ki käp kanya nø tïme na cïïa, ni eni bëëdö ni rïïŋö køør omëërri moe, ni beege jø leny mo jø Aciria,

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 3:3

Køøre ena cäänna ni kööa, ni «Bëëdï ki aani nø ki nïne mo thööth, ni ba gathï dëërï, ni ba ciï baŋ dïcwøø mør këët ki man butï ki gø, ni ba butï ki aani thuwø.»

Odheea 4:13

Geni, olämme moge wø cïpge cïbö wïth kïte, ni waaŋge olämme moge mo wø waaŋ bäre bäät thuuri ki tiet jenni moa no onigïït piny, kiper yïthge met ki tïïp moge. Kiper manøgønø, nyïïu ge bëëdö ki bëët käp, ni ö määr nyïïu ni bëëtge ni ge tïïya tïï luk.

Odheea 9:1

Wui jø Icriel, kär yïthu mïnnö; käru kanynyø kaamar wïth juurre møga. Kiper dëëtu agathu ki käp ni weyu Jwøk maru. Yïthu met ki jap käp mo wø magu yïth laare bëët.

Ciik Kiper Dïlämme 26:13

Beeye aani na Wuuö Jwøk, Jwøk maru, na käl uuni wøk ki yi ŋööm Ijep, kiper nou ba bëëdu ni uuna laaŋe moge, ni paanya bëët laŋ bäätu na caal jaath puur ni wø jøøny ŋut rwaath, ni tïïa uuni nou cäädhu ni wïthu you täärö jaak.

Neeyam 1:13

'Ba ennø, aani teek marge na en bäätu na caal jaath puur man wø jøøny ŋut rwaath raanynya raanynyø, ni cööta thøøli moa twöc uuni ki ge.»

Tiet Ciik 12:2

Wïth juurre moo ŋøøpge lwørru, kwör wø lamge juu moge yïthge bëët moa en bäät kïte moa bäyö, ki moa en bäät thuuri, ki moa en tiet jenni moa näk onigïït piny bëët wär raanynyu na bäre bäre.

Tiet Ciik 15:15

'Ba wïthu wär caarru ki mana bëëdu ni uuna laaŋe yi ŋööm Ijep, na ö Wuuö Jwøki na näk Jwøu na wïïl uuni wøk. Man beeye tiere gø ni köömma uuni ki gïn dïcäŋi en.

Tiet Ciik 26:17

Dïcäŋi maru anø caannu, ni Wuuö Jwøk beeye na Jwøu, nou cäädhu køøre, nou gwøga ciik moe, ki luup ŋøl moe, nou leŋa dwøre.

Tiet Ciik 4:20

'Ba Wuuö Jwøk uuna lwøre ni käl uuni wøk ki Ijep na näk caala këën thäth mo liel, kiper nou tïmu ni uuna jiy moa näk thööge, kaawat man bëëdu dïcäŋi ennø.

Tiet Ciik 4:34

?Aŋø, a jwøa ŋø na päär gø ki man kääde ki wï jur kiper dëëre dï wï jur mør, kaawat mana tïïc Wuuö Jwøki na näk Jwøu kiperu Ijep, na käl u wøk ki køør päärö mo teek, ki ŋïïce ki gïï mo rëëma ec, ki køør leny ki teek bade ki teek mare na dwøŋ, ki gïïa døøŋŋø na tïïe na kännö ki lwär, na jootu ki nyeŋŋu?

Tiet Ciik 5:27

Ïïni, nyiik buut Wuuö Jwøk na näk Jwøø, ni wïnynyï gïïo caane bëët. Køøre gïïo caan Wuuö Jwøki na näk Jwøø jïrï bëët ocaanï jïwa. Køøre leŋwa leŋø, ni tïïcwa geni.›

Jøcua 1:16

'Ba aløk jø wïth tuŋi moøgø jï Jøcua, ni köge, ni «Luup bëët moa köömmï waani ki ge yøø tïïcwa tïïö, ni kany wäro jääŋŋï wa yie jaak wa cøø.

Jøcua 24:24

'Ba jø Icriel aköö jï Jøcua, ni «Wuuö Jwøk, Jwøk marwa, tïnywa tïnynyö ni leŋwa dwøre.»

Jøcua 24:26

Ni ö Jøcua ni göör luup bëët moøgø piny yi wëël ciik mar Jwøk; ni lwöte ki kïdi mo dwøŋ ni cwöth gø piny tier jaadha dwøŋ na en kanya en kur keere na näk mar Wuuö Jwøk.

Mana Nyooth 17:1

Kanyøgø nyïïatwiel maal aciel dëët nyïïatwiet maal moa näk abïriiø na käär kuure abïriiø aöö ni kööe jïra, ni «Ööï, nee ajäla mano pïï dëër kääbi mana dwøŋ na näk opï bäät pïï mo thööth nyoodha jïrï,

Pïëmme 10:6

'Ba jø Icriel acäŋ tïïö ki gïï mo nëëni ni reyø ki jï Wuuö Jwøk, ni tïnyge juuga cøøri ni Baal ka Actaröth, ki juu mo jø Aram, ki juu mo jø Caydan, ki juu mo jø Möap, ki juu mo jø Amön, ki juu mo jø Pilitin; ni putge Wuuö Jwøk wec ni ba tïnyge.

Pïëmme 2:11

Køøre jø Icriel atïïö ki gïï mo nëëni ni reyø ki jï Wuuö Jwøk, ni tïnyge juuga cwøl ni Baal,

Pïëmme 2:13

'Ba jø Icriel Wuuö Jwøk awecge ni tïnyge juuga cøøri ni Baal ki Actaröth.

1 Camiel 12:10

'Ba kwäyu ajwöŋö dëër Wuuö Jwøk ni köge, ni ‹Waana bääyö, kiper ï na Wuuö Jwøk, ïïna wecwa ni tïnywa juuga cøøri ni Baal ki Actaröth. 'Ba ennø, piem waani ceŋ nyïïmän mowa; 'ba waani, ï tïnywa tïnynyö møn.›