Jeremaya 2:19 - Wëël Jwøk

¹⁹ Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:19 Iomraidhean Croise

1 Nyeye 18:18

'Ba Ilaaja aköö, ni «Paa aani na kier wïth jø Icriel, 'ba beeye ïïni ki jø dhi øt wäru, kiper luup moa cem Wuuö Jwøki aweyu, ni caathu køør juuga cøøri ni Baal.

2 Luup Nyeye 12:5

'Ba nyikuŋ Jwøk ma Cemaya aö baŋ Reeyöböm ki kwääri mo Juuda moa näk rege ege cooŋ yi Jerucalem ni ge lwäära Cicak, ni kööe jïge, ni «Mana caan Wuuö Jwøki beeye en, ena köö, ni ‹Kiper mana weyu aani, aani thuwø, uuna wiia cer Cicak.› »

2 Luup Nyeye 21:10

'Ba jø Ëdöm gena put bëëtö ni ge gëëmö ki jø Juuda këël dïcäŋi en. 'Ba kar kaagø thuwø beeye kanya ö jø Libana na gëëmge ki Jöram, kiper na ö Jörammi na wec Wuuö Jwøk, Jwø kwäye.

2 Luup Nyeye 25:16

'Ba kanya poot nyikuŋ Jwøki manøgø ni cäänna gø, eni na nyeya ma Amaciya aput köö jï nyikuŋ Jwøk, na «?Aŋø, ïïna jierwa na ŋat cïp acaare jï nyeya? Lïŋï! ?Ï manynya thøø?» Køøre nyikuŋ Jwøk alïŋö ni kööe, na «Aŋääa møn ni Jwøk da gïn mo ee nø cïp piny ki man raany ïïni, kiper gïn ni tïïyï en, ni kweerï ki man wïnynyï luumma caana.»

Dut Pwøc 36:1

Bwøth Wøk 33:6

Kanyøgønø, jø Icriel dëëtge aputge loony ni kärge jap mïërö moge dwøk dëëtge këët, ki mana täkge ki ri Kïn Körëp.

Pwöc Leec Wïc 1:31

kiper manøgø nø, gïïo duu uutjïëth tïïe moge obelge, ni jäŋge ki gïïo jootge ki køør riek waŋ marge.

Pwöc Leec Wïc 1:32

Kiper jøøa näk acaara marge thiinh geno 'näk gaan wøki marge, ni ö jøøa wïthge känni ni nägi ya ataa marge.

Pwöc Leec Wïc 5:22

Ŋata raac okïth raayi moe ya abïëp, ni ö eni ni twöyi raayi moe ki thøøli.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 13:22

'Ba ni näk miï köö ki cwïnyï, na ‹?Aperŋø na ö gïnni ni leth en bääta?› beeye kiper raay moï na thööth na tïmï kaamar dhaagø ma abïïne okäl wøk dëëre, ni dööŋe ki dëëre.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 4:18

'Ba bëëtö maru ki tïïe mou beeye na käl gïïögø bäätu. Gïïo na leth yøø aöö ki køør rääö maru, ni jwørru ge ki yïth cwïnynyu.

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Jeremaya 5:24

Uuni, u ba köö ki cwïnynyu, ni «Beerra man lwäärø ki Wuuö Jwøk, Jwøk marø, eni ni wø cïp køth mar arïïa ki mar dhi køth kany wø näk ma kare; ni bee eni ni wø gwøk nïne mo dwät kac kiperø.»

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Jeremaya 8:5

?'Ba aperŋø nø na ö jøøi na jø Jerucalem ii ni gaage wøk ki gaan wøk mo bäŋ cuŋŋe en? Geni cwïnyge onieŋ køør cwøk døc, ni kweerge ki man duuge baŋa.

Edhikiel 23:30

Japøgø di tïïö dëërï, kiper ïïna käbö ki wïth juurre, ni päätï riï keerï ki kït gïï wø lamge.

Edhikiel 39:24

Kwör acoola dëëtge ki køør mana bëëtge ni ge ba waany, ni geno gaa wøk ki ri ciik 'moa, ni puta täärnyïma kan ki geni.›

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Odheea 13:9

«Wui, jø Icriel, man bee ränynyö maru, kiper uuna tïmö nou gëëmö ki aani, a na kunyi maru.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 4:16

Jø Icriel wïnni kaamar nyirøøa mo wïnni. ?Aŋø, ennø, løny jï Wuuö Jwøk ki man kïth geni kar kwaath kaamar nyidiel mo ena yi pwöl kwaath mo yie laac?

Odheea 5:5

'Ba atöör mar jø Icriel adøø rege; jø Icriel ki jø Ipariem ge pädhö yïth raay moge, ni ö jø Juuda thuwø ni putge pädhö ki geni ciel.

Odheea 7:2

'Ba ba caarge ki cwïnyge ki man näk mo japa reyø na tïïcge bëët wïïa para parø ki ge. Ge bëëdö ni geno ciel raayi moge dïër; ni raay moge ena nyïma naa raŋŋa geni.

Odheea 9:1

Wui jø Icriel, kär yïthu mïnnö; käru kanynyø kaamar wïth juurre møga. Kiper dëëtu agathu ki käp ni weyu Jwøk maru. Yïthu met ki jap käp mo wø magu yïth laare bëët.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?

Dhekaraya 7:11

«'Ba jiy akweer ki man cekge ïthge; ni putge ŋäthge løk ki dïwït marge, ni dhïŋge ïthge ni ge kwiera luup.

Wëëlö Mana Göör Pøølli Baŋ Jø Röm 3:18

«Ni Jwøk ba lwäärge bäre bäre.»

Pïëmme 10:13

'Ba ennø, aana nø weyu ni tïnynyu juu møøk; 'ba kiper manøgønø, u ba cäŋa piemmø këët.