Jeremaya 2:13 - Wëël Jwøk

¹³ Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:13 Iomraidhean Croise

2 Nyeye 22:17

Kiper aana kwierge, ni wääŋge ki jer wø jïcge ŋwääi ni met jï juu møøk ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara liel bäät paani kaamar maac, ni bëëde ni ba cuŋ.›

Luup Dïpööy 1:14

'Ba na raŋa jammi bëët moi ni wø tïïc tier cäŋ piny kany en, ka adïëri møn, gena tïmö bëët ni bäŋ tietge, ni caala man many jamø nee mak.

Luup Dïpööy 1:2

Dïpööy aköö, ni «Bëëtö bäŋ tiere! Bëëtö bäŋ tiere! Bëëtö bäŋ tiere na bäre! Jammi bëët bäŋ tietge!»

Luup Dïpööy 12:8

Ni kö dïpööyi, ni «Bëëtö bäŋ tiere, bëëtö bäŋ tiere, ni jammi bëët bäŋ tietge!»

Luup Dïpööy 2:11

'Ba kanya neena jammi bëët moa tïïa ki cera, ki tïïc bäre mana ööla ki gø, ka adïëri møn, ajooda ni jammi bëët bäŋ tietge, ni caala man many jamø nee mak, ni bäŋ gïn mo duu jammi moi ni tier cäŋ piny kany en.

Luup Dïpööy 2:21

Kiper dhaanhø jammi tïïe tïïö ki leec wïc, ki kwänynyö, ki riek waŋ. 'Ba gïïögø bëët dööŋ jï ŋat mør mo gïïögø käre tïïö. Manøgø thuwø poot na gïn mo bäŋ tiere ni beeye gïn mo raac døc.

Luup Dïpööy 2:26

Kiper ŋat mo bëëtö mare beer ki nyïm Jwøk, eni mooe mooø ki leec wïc, ki kwänynyö, ki met ec; 'ba ŋat ma ŋat raay tïïe tïïö nee jïte ki jammi ni cooŋ geni piny nee dööŋge jï ŋata bëëtö mare beer ki nyïm Jwøk. Manøgø thuwø poot na gïn mo bäŋ tiere ni caala man many jamø nee mak.

Luup Dïpööy 4:4

'Ba ajooda møn ni jammi bëët mo wø tïïc ki öölö ki mo wø tïïc bëët ki køør riek waŋ, ööi ka ri këëyö man wø tägi yïthakic dhaanhø ki wati. Manøgø thuwø poot na gïn mo bäŋ tiere ni caala man many jamø nee mak.

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 12:3

Kiper manøgønø, yïthu omïnni kanyo jootu pïëm ki baŋ Wuuö Jwøk, kaawat man wø mïn yi dhaanhø ki pïï mo wø kwönni ki yi jøøro.

Aydheea 5:13

Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 63:8

Kiper Wuuö Jwøk aköö, ni «Ka adïëri møn, gena jiy 'moa, ni beege obwöre mo ba løny ki man cäänge ki tööt jïra.» Kiper manøgønø, Wuuö Jwøk atïmö na pïëmi marge.

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 18:14

?Aŋø, pey wø aay dëët kïte moa en wï Kïn Libaanø? ?A pïï moa ŋec mo wø löönynyi ki bäät kïdi manøgø wø tal?

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 2:11

?Aŋø, da tier paac mo juu moe ee wiilø, këël na bëët juuwi moe ni patha adïëri? 'Ba jiy 'moa, a na näk ajiem marge, aana wiilge kiper juu mo bäŋ gïn duuge.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:26

«'Ba kaawat man wø tïm wï kuuwi ni laay kany wø maai, wïth jø Icriel olääi, ni beeye geni, ki nyeye moge, ki jø kööre moge, ki dïlämme moge, ki nyïïkuk Jwøk moge,

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 5:26

Kiper jiy mo reyø dage yïthakiyu, u na jiya; ge wø kurö kaawat man wø ö dïcek wenynyi ni koorge abëëbe moge. Abëëbe moge wø cekge ciiø, ni ge maaŋŋa jiy.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 47:1

Køøre nyïïatwiel maal aana cäŋ dwøk dhi Øt Jwøk, ni jïta ki pïï mo kwönna wøk ki tier dhi øtø mar Øt Jwøk, ni kwöta jï løø kur tuul-cäŋ; kiper Øt Jwøk nyïme ena jï løø kur tuul-cäŋ. 'Ba pïï kwönni ka jï løø bäät cwïïc mar Øt Jwøk, ni beeye ki jï løø tier-piny ki gïn wø cïp olämme bääte.

Mikiya 2:8

'Ba ki mana täge kany mo cään ennø, u na jiya, dëëtu athïïŋŋu dëëra kaamar nyïïmän. Uuni, abïïe akälu wøk bäät jø wø pöödhi ki jöö mo bäŋ gïn lääŋge, ki bäät jø wø duui ki baŋ leny.

Mikiya 6:3

«?Wui jiya, agïnaŋø na tïïa dëëtu? ?Na agïnaŋø na ööla uuni ki gø? Beerra man løgu gø jïra.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:11

'Ba dhaaŋŋøgø aköö jïre, «Kwäärö, jïrï bäŋ gïrpiny mo diï töömmö ki gø, kiper iith man bäär. ?Pï kwøw a diï gø kälö ki kaa?

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 7:37

'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe.

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

2 Piter 2:17

'Ba jøøgø caala jøør mo bäŋ pïï yïthge, ni ge caala rwöc mo käära apøyaweerø. 'Ba kany mo cøl døc ojiiŋŋø kiperge.

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.

Pïëmme 10:13

'Ba ennø, aana nø weyu ni tïnynyu juu møøk; 'ba kiper manøgønø, u ba cäŋa piemmø këët.

1 Camiel 12:10

'Ba kwäyu ajwöŋö dëër Wuuö Jwøk ni köge, ni ‹Waana bääyö, kiper ï na Wuuö Jwøk, ïïna wecwa ni tïnywa juuga cøøri ni Baal ki Actaröth. 'Ba ennø, piem waani ceŋ nyïïmän mowa; 'ba waani, ï tïnywa tïnynyö møn.›