Jeremaya 2:11 - Wëël Jwøk

¹¹ ?Aŋø, da tier paac mo juu moe ee wiilø, këël na bëët juuwi moe ni patha adïëri? 'Ba jiy 'moa, a na näk ajiem marge, aana wiilge kiper juu mo bäŋ gïn duuge.

Jeremaya 2:11 Iomraidhean Croise

1 Nyeye 11:33

'Ba nyec okäla wøk cer Cølöman, kiper geni aana nø wecge, ni nø wøørge Actaröth jwø jø Caydan, ki Kemöc jwø jø Möap, ki Milköm jwø jø Amön; ni kärge køøra caadhø, ni kärge tïïö ki gïï mo nëëni ni beyø ki jïra, ni kärge ciik 'moa ki luup ŋøl 'moa gwøø, kaawat mana ö Deebiti wää Cølömanni na gwøk gïïögø.

2 Nyeye 1:3

'Ba nyïïatwiel maal mar Wuuö Jwøk aköö jï Ilaaja nyï Ticbi, ni «Ö maal ni ciï kuna røømmi ki jiy moa jääŋ Akadhiya nyeny Cameria, ni kööï jïge, na ‹?Aŋø, bäŋ Jwøk Icriel, ni tïme nou cøøa kun pëënynyu dwør Baal-dhabul, jwø jø Akarön en?›

2 Luup Nyeye 13:9

Dïlämme mo Wuuö Jwøk, ni beege nyïïkwaac Aran, ariemu wøk, ge ki jø tuuŋ Libay, ni määnynyu dëëtu keeru ki dïlämme mou kaawat man wø tïïc juurre møga. Ni ŋat wø ööi jaak kuna cïp dëëre kur keere ni käädö ki nyirøøa mo thiinh ki nyöök rööm abïriiø, putu ka tïïc na dïlämi jaak mar gïï mo patha Jwøk.

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Jeremaya 16:20

?Aŋø, løny jï dhaanhø ki man tïny dëëre ki juu? 'Ba këël dee tïïö, ge patha juu ma adïëri.

Jeremaya 18:13

Kiper manøgønø, luumma caan Wuuö Jwøki beeye en, ena köö, ni «Pëënynyu wïth juurre, man näk da ŋat mo teeŋ gïn ee wïnynyö. Jø Icriel na caal nyakøø mo dëër dïcwøø poot kuue atïïö ki gïn mo raac døc mo ec thäŋŋö ki gø.

Jeremaya 2:5

Luumma caan Wuuö Jwøki beeye en, ena köö, na «?Agïnaŋø na raac na joot kwäyu baŋa, ni tïïcge karge ni bäär ki aani, ni putge cäädhö køør juu mo oballe jaak, ni tïmge ni bäŋ karge en?

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 5:7

Kiper manøgønø, Kwäärö Wuuö Jwøk aköö, ni «Ï na Jerucalem, ïïna bëëdö niï tïïya okiera niï kaala wïth juurre moa en deŋŋï, ni kwierï gïïa köömma ïïni ki ge, ki ciik 'moa; këël ciik mo wïth juurre moa en deŋŋï ï kär jïëy ki geni.

Mikiya 4:5

'Ba këël na bëët wïth juurre bëët ni ŋati man nø cäädhi ka nyeŋ jwøe, øøni, ø bëëdö ni ø cäädhi ka nyeŋ Wuuö Jwøk na bäre bäre, eni na Jwøk marø.

Wëëlö Mana Göör Pøølli Baŋ Jø Röm 1:23

ni wiilge ajiem Jwøa näk ba maar thøø, ni tïïge ki gïï mo kïtge caala kït dhaanhø ni bëën thøø en, ki kït weny, ki lääy, ki thwöre.

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

Galeecia 4:8

Dïkwøŋ kanya poodu ni Jwøk kuyu, u bëëdö ni uuna laaŋe jï juu mo paa adïëri.

Tiet Ciik 32:16

Wuuö Jwøk atïïcge nee këëye ki køør juuga path na lamge. Ni cwaatge yi Wuuö Jwøk këël mana wëëre ki køør gïïa raac yie ki ge na tïïcge.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.

Tiet Ciik 33:29

U na jø Icriel, uuna jiy mo dëëtu gum. ?Aŋø, da jiy mo caala uuni mo okøny Wuuö Jwøki kaamar maru? Eni caala kwöt leny maru, ni beeye eni wø køny uuni. Eni caala opëëllö mo uuno jïtö ka ajiem ki køøre. Ni tïm nyïïmännu ni lwäär ki uuni, ni putu geni böötö na bäre.»

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.

1 Camiel 4:21

'Ba nyeŋ nyilaal acaae ni Ikaböt, na näk tiere beeye na ajiem bäŋgø këët, ni kööe, na «Ajiem Wuuö Jwøk ree apaanye bäät jø Icriel.» 'Ba gïnögø acaane kiper mana käl acanduk man wø nyooth luumma tuut Wuuö Jwøki ki jiy, kiper mana thøw kwari ki cwøre thuwø.