Jeremaya 19:7 - Wëël Jwøk

⁷ « ‹Aani, acaare mo jø wø bëëdö Jerucalem ki dï Juuda bäre raanynya raanynyø yi paani, ni cïba geni dho opëëllö nyïm nyïïmän moge, jø wø many jwïëcge. Ni cïba rïŋ dëëtge na cam jï wec maal ki jï lääc paap.

Jeremaya 19:7 Iomraidhean Croise

2 Nyeye 21:14

'Ba jiy 'moa moo dööŋ, ge wiia wiiø ni cïba geni ceŋ nyïïmän moge, ni mak geni ki tøŋ, ni tïmge kaamar jammi mo di twierø jï nyïïmän moge bëët,

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Jeremaya 15:2

'Ba kanyo pëënyge ïïni, ni ‹?Wa ciwa kaa ŋø?› wär caanï jïge ni mana ŋøl Wuuö Jwøki beeye en, ena köö, «ni ‹Jøøa näk marge thøø, othøw; ni jøøa näk marge ŋaal, oŋaal; ni jøøa näk marge käc, onäk käci; ni jøøa näk marge mäk ki tøŋ, omak ki tøŋ.›

Jeremaya 15:9

Dhaaŋŋa näk onyöötö ki wääte abïriiø odwat ki dööŋ can, ni tïme ni jwïëy mare teek; ni bëët cäŋŋi no opädhö ki baŋe kanyo poode na dïcäŋ. eno bëëdö ni wïïe laay ni bëët waŋe ni law. 'Ba aani, jiy mo obøth ki thøø cïba ceŋ nyïïmän moge nee 'näk.» Luummögø caana Wuuö Jwøki.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 21:7

Køør manøgønø, gïno tïïa, a na Wuuö Jwøk, Cëdëkiya nyeny Juuda, ki jø kööre moe, ki jiy mo odööŋ ni kwøw yi pääny man, no obøth ki täw ki leny ki käc, cïba cer Nabukedenecör nyeny Babiløn, ki ceŋ nyïïmän moge, jø wø many jwïëcge. Ni ö Nabukedenecörri ni 'näk geni ko opëëllö. Eni cwïnye ba dee bäädhö ki geni, ni cwïnye ba doo pädhö ki gïrge, ni yie ba dee warø ki geni.› »

Jeremaya 22:19

'Ba eno kïth wøk kaamar arëën mo othøw, ni tïïc ni di tuudö ni leeŋi wøk ŋää kiir Jerucalem.»

Jeremaya 22:25

Ïïni, ï cïba ka ceŋ jø wø many jwïëy moï, jø wø lwäärï ki geni, ni beeye Nabukedenecör nyeny Babiløn ki jiye ma jø Kaldia.

Jeremaya 32:28

Kiper manøgønø, gïn caana en, a na Wuuö Jwøk, beeye en: Ka adïëri møn, päänyi en 'cïba ceŋ jø Babiløn, cer Nabukedenecör nyeny Babiløn, ni mac gø.

Jeremaya 34:20

Aani, ge 'cïba ceŋ nyïïmän moge, jø wø many jwïëcge. Ni tïm rïŋ dëëtge na cam jï wec maal ki lääc paap.

Jeremaya 46:26

Aani, ge 'cïba ceŋ jø wø many jwïëcge, ni beeye cer Nabukedenecör nyeny Babiløn, ki jø kööre moe. 'Ba køør manøce nø, Ijep obeet kaawat mana bëëde dïkwøŋ.» Luummögø caana Wuuö Jwøki.

Jeremaya 7:33

Ni tïm dëët jøw othøw na cam jï wec maal ki lääc paap, ni bäŋ ŋat mo riem geni.

Jeremaya 8:2

Ni keethge cuu piny, ni nëënö jï cäŋ ki dwääy ki ceer, ni beege gïïa en cwïnyge køørge na lamge, na caathge køørge, na manyge, na wøørge. Cuu moøgø ba cooŋ kanya ciel ni ba koony piny; 'ba geno tïmö kaamar wär mo oker piny jaak.

Jeremaya 8:8

« ‹?Aŋø, u kööu nidïï ni wïthu leer, ni ciik Wuuö Jwøk nut jïïu? Kiper ennø, luup moa göör jø wø caan tiet ciik Jwøk, ciik awiilge ni tïïcge gø na luum tööt.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Wëël Kïmmö 3:37

?Aŋa ni løny jïre ki man cääne, ni thur gïna caane kare, ni näk mo kär caan Wuuö Jwøki?

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Wëëlö Mana Göör Pøølli Baŋ Jø Röm 3:31

?Kiper manøgønø, ø weta ciik Jwøk wøk ki køør ŋäädhe man? Ba doo løny. Ø poot gwøga ciik Jwøk.

Wëëlö Mana Göör Pøølli Baŋ Jø Röm 4:14

'Ba ni näk jø wø bëën ciik Jwøk beege wø tïmö na lwiidhi, ŋäädhe tïmö ni bäŋ tiere, ni ö buuki ni ränynye.

1 Camiel 17:46

'Ba dïcäŋi Wuuö Jwøk ï cïbe cera, ni nääa ïïni, ni ŋula wïïï wøk. 'Ba aani, dëët jø leny mo jø Pilitin moo 'näk dïcäŋi, wëëga wec maal ki lääc paap mo bäät piny, kiper nee ŋäc jø bäät pinynyi bëët ni Jwøk mana na adïëri nut dï jø Icriel;