Jeremaya 19:4 - Wëël Jwøk

⁴ Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 19:4 Iomraidhean Croise

2 Nyeye 21:16

Maya thuwø, Maneeca rem jiy mo thööth mo bäŋ gïn mo ege baaø akøny piny, këël mana ö eni ni pääŋ dï Jerucalem ki remø ki mana täge ki deŋŋe man këël mana pïïe deŋŋe maya; ni gïnögø tïïe ni meede bäät raay moe moa tïïe na wëëk jø Juuda tïïc ki raay, ni tïïya gïï mo nëëni ni reyø ki jï Wuuö Jwøk.

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

2 Nyeye 24:4

këël rep jiy thuwø moa näk bäŋ gïn mo ege baaø na køny piny, na pääŋ dï Jerucalem ki remge. 'Ba Wuuö Jwøk yie käre warø.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Aydheea 65:11

«'Ba u na wec aani, a na Wuuö Jwøk, u na wïthu wïl ki Dhayan na näk kïdi mara na en kur keere, ni wø nywaak caammi mou ki juu møøk, ni wø tïïc athööthe ni päŋ ki køøŋ nyïïomøki mo ojääbö nee cïpu jï juu møøk,

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 16:11

køøre oløgï jïge ni Wuuö Jwøk aköö, ni ‹Beeye kiper mana ö kwäyu na wecge aani, ni caathge køør juu møøk, ni tïnyge geni ni wøørge geni; ni wecge aani møn, ni kärge ciik 'moa gwøø.

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 17:20

Ni kööï jïge, ni ‹Wïnynyu luum Wuuö Jwøk, u na nyeye mo Juuda ki jø Juuda bëët, ki jiy mo wø bëëdö Jerucalem bëët, mo wø cäädhi ki dhøgi mo kiir man.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 2:34

Maya thuwø, rem jiy moa can na näk bäŋ gïn mo ege baaø akønynyï piny, ni joot remø marge ra abïï marï, ni jøøgø kärï joodø ni ge turö ki øtø. 'Ba këël na näk mo gïïögø bëët ii tïïö,

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 26:15

'Ba ka adïëri møn, ni näk maa you nääö, wär ŋäyu nou käla kwör dhaanhø mo bäŋ gïn mo ee baaø bäätu, u ki dëëtu, ki bäät päänyi en, ki jiy mo wø bëëdö yie. Kiper ka adïëri møn, aana jääŋ Wuuö Jwøki baŋu nee luupi bëët ii caana jïïu nee wïnynyu.»

Jeremaya 26:23

Ni øømge Uria Ijep, ni kälge eni baŋ nyeya ma Jeyöakëm, ni ö Jeyöakëmmi ni 'näk gø ko opëëllö, ni leeŋ dëër gø kany wø koony jiy møga jaak yie.

Jeremaya 44:3

kiper gïïa reyø na tïïc jiyi ni raanyge cwïnya ki køør mana bëëtge ni ge cïpö ko olämme mo wø waaŋ jï juu møøk ni ge tïnynya geni, ni beege juu mo kucge dïkwøŋ, ni uuni ki kwäyu juugögø kuyu thuwø.

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 20:26

gena tïïa nee tïmge ni ge ba waany ki køør mana ö obwöre moge bëët moa näk kaai ni waaŋge ge ki maac ni ge cïpa ge no olämme. Ni manøgø a wëëga ge ränynyö, kiper nee ŋäcge ni bee aani na Wuuö Jwøk.›

Edhikiel 7:22

Aani täärnyïma oløøa wøk bäät jø Icriel, ni ö jøøa pathi ni päätge kar bëëtö mara na pere leth, ni put kuuwe døny yi gø thuwø ni päätge gø.

Edhikiel 8:11

'Ba nyïm gïïögø da jø døøk dhi øt Icriel ma pïërabïriiø mo cuŋŋö yie. 'Ba Jaadhania o Capan ena dï jø døøgøgø ni cuŋŋö thuwø; ni ŋati man nø dëëtge cere da gïn wø duuŋ gïn wø jïye ŋwääi ni met yie; ni gïn wø jïye ŋwääi ni met bëëdö ni duuŋ ceŋge yïth gïïögøøni.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Luk 11:50

kiper nee kwöc nyïïkuk Jwøk bëët na nääŋŋi ki kanya täk pinynyi, nee cool ri beenhnhi en,

Tiet Ciik 13:13

ni køp ni da jiy mo wïthge reyø mo dëëtge ege thïïŋö dïïu ni maaŋge wïth jø pääny marge, ni köge, ni ‹Beerra man cøøø ni tïnynyø juu møøk,› ni ge cäänö kaper juu mo kuyu,

Tiet Ciik 13:6

«'Ba ni näk mo coku wala wäädï wala nyaarï wala cïïï na mëërï ki gø, wala nyawadu na ŋäyu cwïnynyu ki gø, wïïï di maaŋŋø ki piny, ni kööe, ni ‹Ö aa cøø kuna tïnynyø juu møøk,› ni cäänö kaper juu mo kuyu wala moa kuc kwäyu,

Tiet Ciik 28:20

«Wuuö Jwøk acïëni, ki kier wïc mo päl, ka ajäla, jääŋŋe jääŋŋö bäätu ki bäät tïïe bëët mo wø tïïyu, këël mano ränynyu ni laaru thumö ki køør gïïa reyø noo tïïyu kanyo weyu eni.

Tiet Ciik 28:36

«Wuuö Jwøk uuni ki ŋato røønynyu na nyeya maru, u kïthe baŋ wï jur mo kuyu mo kuc kwäyu thuwø, ni tïnynyu juu møøk kaace, ni beege jenni ki kïte mo otieŋø.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Pïëmme 5:8

Kanya ö jø Icrielli na jierge juu møøk kiper dëëtge, nyïïmän moge aput öö ki lenye mo teek këël dhøk kiiri moge. 'Ba dï jø leny mo jø Icriel moa näk jïtö ki kume ma pïëraŋween, bäŋ dhaanhø mo ojoodø ni cere da kwöt leny ki tøŋ.