Jeremaya 18:23 - Wëël Jwøk

²³ 'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 18:23 Iomraidhean Croise

Aydheea 10:3

?'Ba agïnaŋø noo tïïyu noo tïme na dïcäŋ ajäla, kanyo ö ränynyö no ööe ki kany mo bäär ni ööa bäätu? ?Aŋa noo reŋŋu baŋe kiper køny? ?Jap kwärö mou, owiiu ge kaa?

Aydheea 2:9

Ki køør japøge, jiy wïthge adwøk piny, ni ö jøøa kwörge døøŋŋø ni dwøgi piny. 'Ba kär niï wëënna ge.

Jeremaya 11:23

ni bäŋe dhaanhø aciel rege mo dööŋ ni kwøw. Kiper gïï mo leth okäla bäätge, ge na jø Anathöth, yi cwiir mano jääla geni yie.»

Jeremaya 15:15

Wui Wuuö Jwøk, ï ni wø ŋäc jammi bëët, lääŋ aani ni luuï wïïï baŋa; cool kwöra dëët jø wø caan aani. Ki køør cïp cwïny marï piny, kär a weyï naa käl; beerra man ŋäyï gø na ajaany wø jwøra jwørø ki køørï.

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 17:4

Ki køør raay moa tïïyu, ŋöömö mana näk thööŋŋu na cïba jïïu, uuno käl wøk yie, ni tïïa uuni nee nyïïmän mou tïnynyu yi ŋöömö mo kuyu, kiper wëër mara na näk wääŋö kaamar maac atugu, nee bëëde ni liel na bäre bäre.»

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 26:11

Ni ö dïlämme ki nyïïkuk Jwøk ni köge jï jøøa kwörge døøŋŋø ki jiy bëët, ni «Nyeni en, mare ŋøl yi thøø, kiper gïï mo reyø akøbe dëër pääny man, kaawat mana wïnynyu gø ki ïthu.»

Jeremaya 26:8

'Ba kanya løny Jeremaya ki caan luupögø jï jiy bëët, ni beege luup bëët moa ö Wuuö Jwøki na kööm eni ki gø nee caane, ena mak dïlämme ki nyïïkuk Jwøk ki jiy bëët, ni köge, ni «Ï thøw kiree!

Jeremaya 37:15

Ni ö jøøa kwörge døøŋŋø ni räny cwïnyge ki Jeremaya ni pwötge gø, ni putge gø kïth kar twöc yi øt Jönathan, ŋat wø göör luup akwöma piny, ni beeye øda näk ege tïïö na kar twöc.

Jeremaya 38:4

Køøre jøøa kwörge døøŋŋø gena köö jï nyeya, ni «Ennø, beerra man 'näk nyenøgø, kiper eni bäätha bäät jø leny ki jiy bëët moa näk odööŋ yi pääny man ki køør luup moa care jïge. Kiper nyenøgø ba many bëënynyö mar jiy moi, 'ba eni manynya ränynyö marge.»

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 6:21

Kiper manøgønø, luumma caan Wuuö Jwøki beeye en, ena köö, ni «Ennø, nyïm jøøi ii okïtha ki gïï mo cwanynya tietge, ni ö wëëe ko obwöre, ki jø atut ki nyïïawäädi, ni cwanyge tietge dëët gïïögø, ni putge ränynyö.»

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Wëël Kïmmö 3:60

Män mana mänge ki aani ki gø, ki gïïa tuutge bëët na kïthge bääta ajootï.

Wëël Kïmmö 3:61

Wui Wuuö Jwøk, ajøøŋ marge awïnynyï, ki gïïa tuutge bëët na kïthge bääta.

Luk 21:22

Kiper nïrögøøni beege nïro cool kwöri yïthge, kiper nee luup moa näk ogöörö nee thurge karge bëët.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.