Jeremaya 18:22 - Wëël Jwøk

²² Kanyo jääŋŋï jøw oraany paac baŋge ki nyi kany mo thiinh, beerra man put tïmö ni da oduuru mo wïnyö mïëcge, kiper gena kunyö ki buur naa makge, ni cekge abïëp kipera.

Jeremaya 18:22 Iomraidhean Croise

Aydheea 10:30

Wui, u na jø Gaalim, gööu ko oduuru døc ni döötu ena maal! Wui, u na jø Laaica, ceku ïthu. Wui, u na jø Anathöth, jøllu oduuru manøgø.

Jeremaya 18:20

?Aŋø, gïn mo beer doo coolø ki gïn mo raac? Par wïïï ki mana cuŋŋa nyïmï kiperge, na cääna ki gïn mo beer na kar dhøkge, kiper nee wëër marï paanyï bäätge. 'Ba ennø, gena kunyö ki buur kipera.

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 20:16

Beerra man tïm ŋatøgø kaamar päänye moa raany Wuuö Jwøki, na näk cwïnye käre dwøk piny ki gïrge. Beerra man ö ŋatøgø ni täk gïn mo lethi poge, ni wïny oduuru ka amöölla, ni wïny dwør tuuŋ mar leny ki dhöör cäŋ,

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 5:26

Kiper jiy mo reyø dage yïthakiyu, u na jiya; ge wø kurö kaawat man wø ö dïcek wenynyi ni koorge abëëbe moge. Abëëbe moge wø cekge ciiø, ni ge maaŋŋa jiy.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Jepaniya 1:16

Ni beeye cäŋ mano wïny dwør tuuŋ yie, ki dööt jø leny mo nyaga päänye moa no ogeerø ni teek, ki uut koor moa no ogeer maal yïth gøøde mo kiir.

Mathiew 22:15

Kanyøgø jø Paricith aay ni cooŋge røkge ki man määnyge ki jöö man dwøc dhi Jecu ki gø ki køør luup moo care.