Jeremaya 18:18 - Wëël Jwøk

¹⁸ 'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 18:18 Iomraidhean Croise

2 Camiel 15:31

'Ba acaan dhaanhe mørri jï Deebit ni kööe, na «Akithöpël, ena dhaanhø aciel røk jøøa tuut dhøkge bäätï na no odwätö ka Abëcëlöm.» Kanyøgønø, Deebit aput lämö jï Jwøk ni kööe, «Wui, Wuuö Jwøk, akwaya ïïni, tïïc acaara mar Akithöpël ni bäŋ tiere.»

2 Camiel 17:14

Køøre Abëcëlöm ki jø Icriel bëët gena köö, na «Acaara mar Ucay nyï Arki beerra eni døc ni kaala acaara mar Akithöpël.» 'Ba gïnögø bäre tïïya Wuuö Jwøki na acaara mar Akithöpël na beer tïme ni bäŋ tiere, nee eni na Wuuö Jwøk gïn mo leth tïïe dëër Abëcëlöm.

1 Nyeye 22:24

Køøre Cëdëkiya o Kinana aput ö baŋ Mikaya ni dhööŋ gø ki thääŋ gø ni kööe, na «?Aŋø, jwïëc Wuuö Jwøk a ee wiiø nidïï ni tïme ni cäänö ka dëërï en?»

2 Luup Nyeye 24:21

Køøre gena put tudö ki luubö bäät Dhekaraya, ni këërge Dhekaraya ki kïte ki køør dwør nyeya, ni putge gø 'näk yi kal mar Øt Wuuö Jwøk.

Jööp 5:13

Eni jø wø ŋääth leec wïc marge keerge wø wëëge mak ka abïëp riek waŋ marge, ni ö japa tuutge ni laar tïmö ni bäŋ tietge.

Pwöc Leec Wïc 18:21

Kwøw ki thøø ena cer leep, ni jø wø mëër ki cäänö ojäŋ ki gïï wø duu leepi.

Aydheea 32:7

'Ba ŋat mo bëëtö mare ba tiir, tïïe moe reyø; eni cïpa piny ka acaare mo reyø, nee ŋata no ocaarø raanynye ki luup tööt, këël doo caana luubö ma adïëri.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 11:19

'Ba kanya pooda, aana bëëdö kaamar nyidiel mo mwöl mo kïtha kuna ŋaali, ni kuua ni da acaare mo reyø mo ege caarø kipera, ni ge köö, ni «Raanynyø ŋatøgø ki kare bäre; dïïrø wïïe dï jøøa kwøw bäät piny, nee nyeŋŋe put rwäänyö na bäre bäre.»

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 18:19

Wui Wuuö Jwøk, cek ïthï ki mara; wïny gïn wø caan jøøa män ki aani.

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 26:11

Ni ö dïlämme ki nyïïkuk Jwøk ni köge jï jøøa kwörge døøŋŋø ki jiy bëët, ni «Nyeni en, mare ŋøl yi thøø, kiper gïï mo reyø akøbe dëër pääny man, kaawat mana wïnynyu gø ki ïthu.»

Jeremaya 37:13

'Ba kanya pïïe dhi kiir man wø cwøl ni Dhi Kiir Benjamen, ŋata bëëdö na wïth jø koor, mo nyeŋŋe Iriya o Celemiya wär Ananiya ena kaace. Ni ö eni ni mak nyikuŋ Jwøk ma Jeremaya, ni kööe, ni «Ïïni, ï kwala riï nee riï cïpï jï jø Babiløn.»

Jeremaya 43:2

Adhiriya wär Ocaya ki Jöanan o Karëa ki jøw okiera bëët aköö jï Jeremaya, ni «Ïïni, ï caana tööt jaak! Wuuö Jwøk, Jwøk marø, ï käre jääŋŋö baŋwa niï kööï ki waani, ni ‹Käru ci Ijep baŋ bëëtö kaace.›

Jeremaya 44:16

ni «Luubö mana caanï enø jïwa ki nyeŋ Wuuö Jwøk ba wïnywa.

Jeremaya 44:17

'Ba ka adïëri møn, waani, gïna nø ö wøk ki dhøkwa tïïcwa tïïö, ni beeye ki man cïpwa ko olämme jï jwøa cwøl ni Gwanynyø Mar Maal, ni kunywa piny ki køøŋø jïre, ni caala mana wara tïïcwa, ki mana wara tïïc kwäcwa ki nyeye mowa ki jøøa kwörge døøŋŋø mowa dï Jerucalem ki yïth päänye mo Juuda bëët; ni kar kaace jïwa da cam mo päl, ni bëëtö marwa beer, ni bäŋ gïn mo raac mo otägö dëëtwa.

Jeremaya 8:8

« ‹?Aŋø, u kööu nidïï ni wïthu leer, ni ciik Wuuö Jwøk nut jïïu? Kiper ennø, luup moa göör jø wø caan tiet ciik Jwøk, ciik awiilge ni tïïcge gø na luum tööt.

Wëël Kïmmö 3:62

Nyïïmän 'moa ge bëëdö ni ge cøŋŋa gïra, ki man raanyge aani ki yïth nïne bëët.

Edhikiel 7:26

Jammi mo leth otägi ni rege döötge döötö, ki waae mo ööi ni rege lwöbö, ni ö geni ni manyge luup mo wø nyooth ki baŋ nyikuk Jwøk; 'ba otïmö ni bäŋ ciik ki baŋ dïlämme, ni bäŋe pwöc ki baŋ jø døøŋŋø.

Ciik Kiper Dïlämme 10:11

ki man pwönynyu jø Icriel ki ciik bëët moa caana jïge, a na Wuuö Jwøk, ki ri Modhe.»

Mikiya 3:6

Kiper manøgønø, da wäär mo öö kiperge mo bäŋ luup lääk mo ö bäätge, ni ö muudhe mo cøl ni neejïïm bäätge ni bäŋ luup adïëda mo køpge. Cäŋ opädhi bäät nyïïkuk Jwøk moøgø, ni ö dïcäŋŋi ni tïme na muudhö mo cøl bäätge.

Mikiya 3:7

Jø wø køp gïï mo ena nyïm, wïthge olääi, ni ö jø wø køp luup adïëda ni tïm nyeŋge ni law. Geni, ge bëët täärnyïmge ouumge ki lään wïc, kiper mano ö Jwøki noo ba løk marge.»

Milkiya 2:7

«Kiper dïlämi doo naa bëëdö ni ciik Jwøk ŋääe ni ena dhee, ni di jiyi ö baŋe kiper pwöc, kiper bee eni na jääŋ Wuuö Jwøki, eni na wïth jammi bëët.

Luk 11:45

'Ba aløk nyen mørri mo ena røk jø wø caan tiet ciik Jwøk, ni kööe, ni «Dïpööy, na caanï gïnögø ï geela waani thuwø.»

Jøøn 9:40

'Ba jø Paricith møøk mo ena buute na wïnyge luummögø, gena köö jïre, «?A waani, waana cööye thuwø?»