Jeremaya 18:16 - Wëël Jwøk

¹⁶ 'Ba ŋöömö marge oränynyi, ni tïme na gïr abuua na bäre bäre. Ni ö jiyi bëët mo opöödhi ki buute ni thäŋ yïthge, ni putge wïthge keny.

Jeremaya 18:16 Iomraidhean Croise

1 Nyeye 9:8

'Ba øtø manøgø oniruuth ni ränynye; ni ö jiyi moo cør deŋŋe ni thäŋ yïthge ni buuge gø ni köge, na ‹?Aperŋø na ö Wuuö Jwøki na tïïc gïn dëër ŋöömö man ki øtø man?›

2 Luup Nyeye 29:8

Kiper manøgønø, Wuuö Jwøk awëër ki jø Juuda ki jø Jerucalem, ni jääl ge, ni tïïc ge na gïn böö cwïny jiyi ki gïrge, na gïr thäŋ ec, na gïr abuua, kaawat mana jootu gø ki nyeŋŋu.

Aydheea 37:22

dwøl mana caan Wuuö Jwøki kiper nyeny Aciria beeye en, ena köö, «ni ‹Dhayan, ni beeye Jerucalem, na caal nyakøø mo dëër dïcwøø poot kuue, ïïna taae ni päät ïïni, ï na nyeny Aciria, ni keny wïïe ni buua ïïni kanya reŋï.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Jeremaya 19:8

Aani thuwø, pääny man tïïa tïïö nee ränynye, ni tïme na gïr abuua. Ni ö jiy bëët mo wø pöödhi ki buute ni buuge gø ni thäŋ yïthge kiper gïïo leth noo pïï dëër paani.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 29:18

Ni løpa køørge ki tøŋ ki käc ki täw mo leth, ni tïïa geni nee akwöm mo nyeye bëët mo bäät piny yïthge thäŋge ki gïïo tägi dëëtge, ni tïïa geni na gïr acïëni, ni cwïny jiy böö ki gïno tägi dëëtge, na gïr abuua, ni ge di jøøŋŋø yïth mïëc wïth juurre bëët kwöro riema geni yïthge.

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Jeremaya 44:12

Aani, jø Juuda moa dööŋ thööra thöörö møn, moa näk wïthge ege këël ri ööny Ijep nee bëëtge yie, ni thumge Ijep bëët ki thøø, ni ge 'näk ko opëëllö ni thøwge ki käc. Ki mano täge ki jiy moa kwörge bäŋgø këël mano pïïe ri jøøa kwörge døøŋŋø, geno 'näk ko opëëllö, ni thøwge ki käc, ni tïmge na gïr acïëni, ni cwïny jiy böö ki gïno tägi dëëtge, ni tïmge na gïr ajøøŋ, na gïr abuua.

Jeremaya 48:27

?Aŋø, ï na Möap en, ï kär bëëdö niï ŋïërö bäät Icriel? ?Aŋø, ena mak dï kuuwe, ni tïme ni gïn wø caanï kipere, wïïï putï ka keny en?

Jeremaya 49:13

A na Wuuö Jwøk, aana kööŋ ŋëëta keera, ni Bödhra, pääny Ëdöm, oränynyi ni tïme na gïn mo cwïny jiy böö ki gïno tägi dëëre, na gïr ajøøŋ, na gïr acïëni, ni ö päänye moe bëët ni nigeruuth na bäre bäre.»

Jeremaya 49:17

«Ëdöm otïmö na gïn mo cwïny jiy böö ki gïno tägi dëëre; ni ö jiyi bëët moo pöödhi ki buute ni thäŋ yïthge ni buuge gø kiper gïïa leth bëët noo pïï bääte.

Jeremaya 50:13

Ki køør wëër mar Wuuö Jwøk eni ba beet këët, 'ba eni ränynyö na bäre. Ni ö jø wø pöödhi ki buute ni thäŋ yïthge, ni buuge gø kiper gïïa leth bëët noo pïï bääte.

Jeremaya 51:37

Babiløn oränynyi ni needwöt, ni tïme na kar bëëtö mar othööe, na gïr abuua, ni tïm cwïny jiy ni böö ki gïno tägi dëëre, ni bäŋ jiy mo bëëdö yie.

Jeremaya 51:43

Päänye moe otïmö ni cwïny jiy böö ki gïno tägi dëëtge, ni tïm ŋöömö mare na paap ma tëën, na ŋöömö mo bäŋ ŋat mo bëëdö yie, na kany mo bäŋ dhaanhø mo cør yie.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Wëël Kïmmö 1:12

«?Aŋø, u ni wø pöödhi ki buuta en, ki jïïu ni man beeye gïn mo bäŋ tiere jaak? Neennu, ni raŋŋu gø, ?aŋø, da teeŋ caarø mo otïïö mo caala mara man no otïïö dëëra en, ni beeye mana tïïc Wuuö Jwøki dëëra yi cäŋ wëër mare ni wø liel kaamar maac?

Edhikiel 12:19

Caanï jï jiy moa en yi ŋöömö maru ni luumma caan Kwäärö Wuuö Jwøki kiper jø wø bëëdö yi Jerucalem na en yi ŋööm Icriel bee en, ena köö, ni ‹Kwatge camge camø ni ge ena yi lwär, ni maathge pïï moge ni dëëtge kwanynyi ki lwär, kiper ŋöömö marge ränynyö ki jammi moa en yie bëët ki køør ageem man wø tïïc jiyi bëët mo wø en yie.

Edhikiel 27:36

'Ba dïgäthe moa en dï wïth juurre ïïna buuge; ni put gïï mo lethi pïï bäätï, ni ö ïïni ni ba bëëdï këët.› »

Edhikiel 36:3

Kiper manøgønø, caanï jïge ni kööï ni man beeye luumma caan Kwäärö Wuuö Jwøki, ena köö, ni ‹Kiper mana ö nyïïmän mou na wëëkge ŋöömö maru ränynyö, ni cielge uuni dïër ki deŋŋu bäre, ni tïmu nou ena tiet juurre møga, nou bëëdö ni uuna gïr ajøøŋ dhøkge,

Edhikiel 6:14

Kanyøgø nø, cera orwiea ni jääla geni, ni wëëga ŋöömö marge ränynyö døc, ni dööŋe ni bäŋ gïrpiny yie ni kaala dïtëën mana cwøl ni Dïbila; køøre nø oŋäcge ni bee aani na Wuuö Jwøk.› »

Ciik Kiper Dïlämme 26:32

Aani ki dëëra kiree ŋöömö maru raanynya raanynyø, ni ö nyïïmänni mou moo ö baŋ bëëtö yie ni thäŋ yïthge ki gïr gø.

Ciik Kiper Dïlämme 26:43

Ŋöömö marge wecge wiiø, ni ö ŋöömö ni mïn yie ki jwöm mano joode kanyo bëëde no oränynyö ni ge tøør yie. Geni bääyö marge jïëcge jïëö, kiper geni luup ŋøl 'moa akwierge ni bëëtge ni ge män ki ciik 'moa.

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Mathiew 27:39

'Ba jø wø pöödhi ki kaace wïthge wø kenyge kenyø, ni ge buua gø,

Maak 15:29

'Ba jø wø pöödhi ki kaace wïthge wø kenyge kenyø, ni marge abuua, ni köge, «Ï na doo nyak Øt Jwøk Mana Dwøŋ ni cäŋi gø geerrø ki nïne adäk,

Tiet Ciik 28:59

Wuuö Jwøk känna bäätu ki bäät nyïïkwaayu ki gïï mo leth døc mo døøŋŋø mo nieŋ dëëtu, ki täwe mo reyø mo ba caŋŋi.

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›