Jeremaya 18:15 - Wëël Jwøk

¹⁵ 'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 18:15 Iomraidhean Croise

Neemiya 9:17

Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Aydheea 3:12

Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 57:14

'Ba Wuuö Jwøk oköö, ni «Thørru jöö, thørru, ni jiiŋŋu gø, daagu jammi bëët mo wø cwany tiel øtjöör jiya.»

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Aydheea 9:16

Kiper dïbwöthe mo jøøi, jiy atïïcge nee gaage wøk, ni ö jiyi moa bwøth ni ränyge.

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 10:15

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 11:12

Køøre geni ni wø bëëdö Jerucalem ki yïth päänye mo Juuda bëët, geno cii ni jwöŋge dëët juuga path ni wø wääŋge jïge ki gïn wø jïye ŋwääi ni met; 'ba ka adïëri møn, ge ba piem juugögø kanyo enge yïth gïï mo leth.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 18:14

?Aŋø, pey wø aay dëët kïte moa en wï Kïn Libaanø? ?A pïï moa ŋec mo wø löönynyi ki bäät kïdi manøgø wø tal?

Jeremaya 19:5

Ni tïïge ki kwör lam jï jwøa cwøl ni Baal, kiper nee wäätge waaŋge no olämme jï Baal, ni beeye gïn mo ge kära köömmö ki man tïïcge gø, na gïn mo kära caanø, na acaac gïnögø bäŋgø mo ö wïïa thuwø.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 3:21

Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Jeremaya 44:25

Luumma caan Wuuö Jwøki, Jwø Icriel, eni na wïth jammi bëët, beeye en: Uuni ki määru, gïna caannu ki dhøgu awëëgu thur kare ki køør mana tïïyu gø ki ceŋŋu, ni beeye luubö mana caannu na kööu, ni ‹Ka adïëri møn, waani, gïna kööŋwa kipere tïïcwa tïïö, ni beeye ki man cïpwa ko olämme jï Gwanynyø Mar Maal ni kunywa piny ki køøŋø jïre.› 'Ba putu tïïc nø, nou wëëga kööŋ maru thur kare.

Jeremaya 51:18

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Edhikiel 21:15

kiper nee cwïny jiy put bwøk, ni ö mo thööthi ni thøwge. Opëëllö manøgø atïïa kiper 'näk, ni cïba gø dhøk käälle moge bëët. Wui, eno tïïö ni malli døc kaamar agaackøth, eno paaø ni beth døc kiper 'näk.

Edhikiel 36:15

Aani, ï ba tïïa këët nee dee luup abuua mo wïnynyï baŋ juurre, ni bäŋe ajaany mo jwørï këët baŋ wïth juurre, wala ki man wëëgï jiy moï pädhö. Luummögø caana aani, a na Kwäärö Wuuö Jwøk.› »

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 2:6

'Ba kiper manøgønø, øt jööre cïëga cïëgö ki koodhi; ni geera deŋŋe ki kiir nee øt jööre ba joode këët.

Milkiya 2:8

'Ba uuni, uuna gaa wøk øtjöö, ni wëëgu jiy mo thööth pädhö ki køør pwöc mou, ni raanynyu gïna tuuda ki nyïïkwaac Libay.

Mathiew 15:6

Kiper manøgønø, u raanynya luum Jwøk kiper kööŋŋö maru.

Wëëlö Mana Göör Pøølli Baŋ Jø Röm 14:21

Wøp døc, ni ba cämï ki rïŋö wala maath køøŋ nyïïomøki, wala tïïc gïn mør jaak mo wëëga cöögu cwaany tiere.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.