Jeremaya 18:12 - Wëël Jwøk

¹² 'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 18:12 Iomraidhean Croise

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

2 Nyeye 6:33

'Ba kanya poode ni eni poot cäänö ki geni, ka adïëri møn, nyeya ki ŋata jääŋŋi aput pïï baŋe; ni kö nyeya, ni «Ka adïëri møn, käc man ni raac en käla baŋ Wuuö Jwøk. ?Poode naa køya Wuuö Jwøk aperŋø?»

Aydheea 57:10

Uuna ööl kiper waŋjöö maru na bäär døc, 'ba u kär köö, ni ‹Bäŋ gïn ŋääthwa këët nø.› 'Ba uuna jïtö ki teek mo nyään, ni bäŋ öölö mo you joodø këët.

Aydheea 65:2

Cääŋŋe bëët, a bëëdö ni ceŋŋa yaa thaaŋø baŋ jiy moa wïthge teek, jø wø caath uutjïëthe mo ba beyø, ni wø bëëdö ni ge cäädhi ka køør acaare moge keerge.

Jeremaya 11:8

'Ba dwøra kärge wïnynyö, ni ïthge kärge ciiø ki mara, ni ŋati man nø bëëdö ni caatha køør teek wïc mare mana ö ki køør rääö mana en cwïnye. Kiper manøgønø, luummi en na tuuda ki geni atïïa na ajäla bäätge, ni beeye luumma caana jïge nee kïthge bäät tïïc, 'ba kärge kïth bäät tïïc.› »

Jeremaya 16:12

'Ba uuni thuwø, uuna tïïö ki gïï mo reyø døc mo kaala moa tïïc kwäyu, kiper ŋati man nø dïïu bëëdö ni caatha køør teek wïc mare na öö ki køør rääö mana en cwïnye, ni mara ba wïnynyu.

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 44:17

'Ba ka adïëri møn, waani, gïna nø ö wøk ki dhøkwa tïïcwa tïïö, ni beeye ki man cïpwa ko olämme jï jwøa cwøl ni Gwanynyø Mar Maal, ni kunywa piny ki køøŋø jïre, ni caala mana wara tïïcwa, ki mana wara tïïc kwäcwa ki nyeye mowa ki jøøa kwörge døøŋŋø mowa dï Jerucalem ki yïth päänye mo Juuda bëët; ni kar kaace jïwa da cam mo päl, ni bëëtö marwa beer, ni bäŋ gïn mo raac mo otägö dëëtwa.

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Edhikiel 37:11

Køøre Wuuö Jwøk acäŋ köö jïra, «Wär dhaanhø, cuu moøgø a päära ge ki jø dhi øt Icriel bëët. Raŋï, gena köö, ni ‹Wa caala cuu mo otal, ni ŋäädhe marwa oränynyö, ni dïïr wïthwa bëët.›

Milkiya 3:14

«Ni kööu, ni ‹Ki man tïny Jwøk beeye gïn mo bäŋ tiere.› Ni kööu thuwø, na ‹?Agïnaŋø na jootwa ki køør mana gwøkwa ciik moe, wala ki køør mana bëëtwa ni wa kïmmö nyïm Wuuö Jwøk, eni na wïth jammi bëët?

Luk 1:51

Eni bade bäär ni teege ee nyoodhø, ni keeth jø wø töödö ki yïth cwïnyge.

Tiet Ciik 29:19

kiper kanymør teeŋ ŋatøgø luup acëënne moi wïnynye wïnynyö, ni ŋwöye ki cwïnye ni kööe, ni ‹Bëëtö mara poot na wøp jaak, këël na bëëda naa cäädhi ka køør teek cwïny mara.› Ka adïëri møn, teeŋ ŋatøgø, paac bäre ränynyö ki køøre.