Jeremaya 18:11 - Wëël Jwøk

¹¹ «'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 18:11 Iomraidhean Croise

Wïlöölö 11:7

Ni kö Wuuö Jwøki, «Øøni nø, beerra man cøø piny baŋge ni kierø wï dhøk marge kaace, kiper nee ŋati man nø nee dhi wati maya ba wïnynye.»

1 Nyeye 22:23

'Ba ennø, ï na Akap, ka adïëri møn, Wuuö Jwøk jwïëy anø cïp dhøk nyïïkuk Jwøk moi bëët na moï ii, niï cøøkge; ni ö Wuuö Jwøki ni caan gø ni gïn mo leth pïï bäätï.»

2 Nyeye 17:13

'Ba jø Icriel ki jø Juuda ge wø kööm Wuuö Jwøki köömmö ki dhøk nyïïkuk Jwøk bëët ki dhøk jø wø joot jammi ki køør man wø nyooth Jwøki jïge, ni kööe, ni «Weyu uutjïëth raay mou ni gwøgu gïïa cema ki ciik 'moa na en ri pwöc 'moa bëët moa köömma kwäyu ki gø, ni beege na jääŋŋa baŋu ki dhøk jiya ma nyïïkuk Jwøk.»

2 Nyeye 22:13

ni «Cou pëënynyu dwør Wuuö Jwøk kipera ki jø Juuda bëët kiper luup moa no ogöörö yi wëël ciik man na joot en. Kiper wëër mar Wuuö Jwøk, mano liel bäätø kaamar maac, dwøŋ; kiper kwäyø luup moa en yi wëël ciik man, na no ogöör piny kiperø, kärge wïnynyö, ni kärge kïth bäät tïïc.»

2 Nyeye 5:5

'Ba nyeny Aram aköö, ni «Wøp, cii nø; 'ba aani a jääga cerï ki wëëlö nee kïthï baŋ nyeny Icriel.» Køøre Neeman aay ni käädö ki gwet-bïrö mo peek mare beeye rumme apaar mo røm ka rumi mana cwøl ni kikar, ki warkey mo peek mare beeye rumme ma kume abïciel mo røm ka rumi mana cwøl ni cekel, ka abïïe apaar mo beyø mo wø røø dëël.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 57:1

Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 11:19

'Ba kanya pooda, aana bëëdö kaamar nyidiel mo mwöl mo kïtha kuna ŋaali, ni kuua ni da acaare mo reyø mo ege caarø kipera, ni ge köö, ni «Raanynyø ŋatøgø ki kare bäre; dïïrø wïïe dï jøøa kwøw bäät piny, nee nyeŋŋe put rwäänyö na bäre bäre.»

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 19:3

ni caanï gø nee wïny nyec Juuda, ki jø wø bëëdö Jerucalem, ni kööï, ni ‹Wïnynyu luum Wuuö Jwøk. Mana caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a känna bäät paani ki gïn mo leth, ni ŋat wø wïny gø, cwïnye puta bwøk.

Jeremaya 25:2

ni beeye dwøl mana caana, a na nyikuŋ Jwøk ma Jeremaya, jï jø wø bëëdö Jerucalem ki jø Juuda bëët, ni kööa,

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 26:13

'Ba ennø, tiirru jöör bëëtö maru ki tïïe mou, ni wïnynyu dwør Wuuö Jwøk, Jwøk maru; køøre Wuuö Jwøk cwïnye odwøk piny, ni ba tïïc gïna leth na caane ni dee tïïö dëëtu.

Jeremaya 26:3

Kanymør ni wïnyge wïnynyö, ni ö ŋati man nø ni wec uutjïëth tïïe moe na reyø; køøre cwïnya dwøga piny ki man ba tïïa gïna leth na caara ni daa tïïö dëëtge kiper raay moa tïïcge.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 4:1

'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Jeremaya 4:23

Kanya raŋa bäät piny, ka adïëri møn, ajooda keda oränynyö ni bäŋ gïrpiny yie; ni raŋa maal, ni bäŋe tar mo yaa joodø.

Jeremaya 4:6

Tïŋu ŋïï maal mo nyootha ciin Dhayan, ni manynyu kar gwøk røk, kär nou dwiil. Kiper a kännö ki gïn mo leth ki wï-piny, ni beeye ränynyö mo päl.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Jeremaya 7:3

Mana caan Wuuö Jwøki, eni na wïth jammi bëët, eni na Jwø Icriel, beeye en, ena köö, ni ‹Tiirru jöör bëëtö maru ki tïïe mou; køøre aani, u wëëga bëëtö kany.

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Edhikiel 18:23

Wuuö Jwøk aköö, na «?Aŋø, løny ki man mïn yia ki thøø mar ŋat raay? Ba doo løny; 'ba man manynya beeye ki man løk ree nee bëëde ni kwøw.

Joona 3:8

'Ba jiy ki lääy keece wär bëëtge ni ena dëëtge, ni ö jiyi ni jwöŋge døc dëër Jwøk, ni ö ŋati man nø ni løk ree ni wec jöör raay moe ki gïïa reyø ni wø tïïe ki ceŋŋe.

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Dhekaraya 1:3

Kiper manøgønø, a na Wuuö Jwøk na en wïth jammi bëët, a cäänna uuni, ‹Luu nyïmmu baŋa, nee nyïma luua baŋu.› Manøgø caana aani, a na Wuuö Jwøk na en wïth jammi bëët.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Jeemeth 4:13

'Ba ööu nø, u jø wø köö, ni «Dïcäŋi wala diøø wa cøøa paani nø ni ciwa paani nø, nee wa bëëtwa ki cwiir kaace, nee wa gädhwa ni jïtwa ki jammi,»

Jeemeth 5:1

'Ba ööu nø, u no okwär, ni jwöŋu ni rëëdu kiper gïïo leth moo ö bäätu.