Jeremaya 17:27 - Wëël Jwøk

²⁷ 'Ba ni näk mara ba wïnynyu ki man gwøgu cäŋ jwömö nee bëëde ni ena kur keere na mar Jwøk, ni curu dhøk kiir mar Jerucalem nou käädö ki tëër ki cäŋ jwömö, aani dhøk kiir mar Jerucalem nyeba nyebø ki maac mo ba løny ki bïp, ni put kwöra no ogeerø ni teek bëët dï Jerucalem waaŋ.› »

Jeremaya 17:27 Iomraidhean Croise

2 Nyeye 22:17

Kiper aana kwierge, ni wääŋge ki jer wø jïcge ŋwääi ni met jï juu møøk ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara liel bäät paani kaamar maac, ni bëëde ni ba cuŋ.›

2 Nyeye 25:9

Ni waaŋ Øt Wuuö Jwøk, ki paan dwøŋ mar nyeya, ki uudi moa en Jerucalem bëët; këël uudi moa døøŋŋø bëët awaaŋe thuwø.

2 Luup Nyeye 36:19

Køøre Øt Jwøk awaaŋge, ni nyaage kiir Jerucalem piny, ni ö uudi bëët mo Jerucalem moa no ogeerø ni teek ni waaŋge ge ki maac, ni raanyge jammi bëët moa perge leth na en yi Jerucalem.

Aydheea 1:20

'ba ni näk mo u kweer ni gëëmu, u thöör opëëlle thöörö.» Luummögø caana Wuuö Jwøki ki dhee kiree.

Aydheea 1:31

Jiy moa teek dëëtu otïmö kaamar akaraac mo otal, ni ö tïïe moge ni tïmge kaamar maac mo pätha yie, ni putge waaŋ bëët ni bäŋ ŋat mo lønye jïre ki man bïp gø.

Jeremaya 17:24

'Ba uuni, ni näk mo mara wïnynyu wïnynyö na kare, ni ba käädu ki tëër nou cura dhøk kiir man ki cäŋ jwömö, 'ba u gwøga cäŋ jwömö nee bëëde ni ena kur keere na mar Jwøk, ni bäŋe tïïc mo tïïyu dïcäŋögø,

Jeremaya 17:4

Ki køør raay moa tïïyu, ŋöömö mana näk thööŋŋu na cïba jïïu, uuno käl wøk yie, ni tïïa uuni nee nyïïmän mou tïnynyu yi ŋöömö mo kuyu, kiper wëër mara na näk wääŋö kaamar maac atugu, nee bëëde ni liel na bäre bäre.»

Jeremaya 18:1

Man beeye dwør Wuuö Jwøk mana caane jïra, a na Jeremaya, ena köö,

Jeremaya 21:14

'Ba a na Wuuö Jwøk, u jääla jäälö ki køør tïïe mou na reyø, ni waaŋa paan dwøŋ maru ki maac ni ö gïïo en lage bëët ni thööri ya maaci.»

Jeremaya 22:5

'Ba ni näk mo luumma ba wïnynyu, a na Wuuö Jwøk, a puta kööŋ ŋëëta keera, ki man räny paan dwøŋŋi man na bäre.›

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 39:8

Jø Babiløn thuwø paan dwøŋ mar nyeya ki uudi mo jiy awaaŋge, ni nyaage kiir piny mar Jerucalem.

Jeremaya 44:16

ni «Luubö mana caanï enø jïwa ki nyeŋ Wuuö Jwøk ba wïnywa.

Jeremaya 49:27

ni nyeba kiir mar Damacka ki maac, ni ö uut paan dwøŋŋi mo Ben-Adat ni thööri ya maaci.» Luummögø caana Wuuö Jwøki, eni na wïth jammi bëët.

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Wëël Kïmmö 2:6

Eni, kar bëëtö mare atoor piny kaamar abïl koor, ni raany kany wø røømme yie ki jiy. Wuuö Jwøk Dhayan atïïe nee wïïe wïle ki kwör ajwöm moe, ki nïr jwöm moe. Eni nyeya ki dïlämme akwiere ki køør wëër mare ni wø liel kaamar maac.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Edhikiel 16:41

Uudi moï owaaŋge ki maac, ni jäälge ïïni ni nëënö nyïm mään mo thööth. Aani käp marï tïïa tïïö nee ŋuude, ni tïmï niï ba cïpï ki jammi këët jï omëërri moï.

Edhikiel 21:15

kiper nee cwïny jiy put bwøk, ni ö mo thööthi ni thøwge. Opëëllö manøgø atïïa kiper 'näk, ni cïba gø dhøk käälle moge bëët. Wui, eno tïïö ni malli døc kaamar agaackøth, eno paaø ni beth døc kiper 'näk.

Edhikiel 21:3

ni kööï ni man beeye luumma caan Wuuö Jwøki, ena köö, ni ‹Aana gootø ki ïïni. Aani opëëllö mara wödha wøk ki yi køp mare ni puta jiy moa bëëtge beyø ki moa bëëtge reyø 'näk.

Edhikiel 22:8

Ïïni, japa na en kur keerge ataagï, ni päätï cääŋŋe 'moa mo jwöm.

Edhikiel 23:38

Geni thuwø, gïna cäŋge tïïyö dëëra ni poot na yïth nïrögø, kar bëëtö mara na en kur keere, ki cääŋŋe 'moa mo jwöm apäätge.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Amøc 1:10

Kiper manøgø nø, maac ojääŋŋa, ni waaŋ kiir mar Tayar ki uudi moa teek na en yie.»

Amøc 1:12

Kiper manøgø nø, maac ojääŋŋa, ni waaŋ paana cwøl ni Tëman, ki uudi moa teek na en dï Bödhra.»

Amøc 1:14

Kiper manøgø nø, maac ojääŋŋa, ni waaŋ kiir mar paana cwøl ni Raaba, ki uudi moa teek na en yie. Ni tïme ni da dïlweel dïcäŋo këël leny yie, ni tïm lenynyi ni teek kaamar atuunna.

Amøc 1:4

Kiper manøgø nø, maac ojääŋŋa, ni waaŋ paana geer nyeya ma Adhaël, na näk paan dwøŋ mana bëët nyeya ma Ben-Adat yie.

Amøc 1:7

Kiper manøgø nø, maac ojääŋŋa, ni waaŋ kiir mar Geedha ki uudi moa teek na en yie.

Amøc 2:2

Kiper manøgø nø, maac ojääŋŋa Möap, ni waaŋ uudi moa teek na en dï pääny Kiriöt. Ni ö jø Möapi ni thøwge ri leny, ni da dïlweel mo päl, ni jø leny kwöŋŋö ni ge kudhö ki tuŋi.

Tiet Ciik 32:22

Kiper wëër mara äpö kaamar maac, ni liele këël mano këët Ciöl, kanya näk kar bëët jwïëc jøøa näk othøw; ni waaŋ piny bäre ki gïïa en yie bëët ni thöör ge; këël kïte na näk tietge okëët piny waaŋe waaŋø.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.