Jeremaya 17:23 - Wëël Jwøk

²³ 'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 17:23 Iomraidhean Croise

Pwöc Leec Wïc 1:3

Na caan ki man joot pwöc bëëtö mo beer, ki man tïïc mana beer, ka adïëri, ki bäŋ ajeeny.

Pwöc Leec Wïc 1:5

Beerra man ö ŋata wïïe leerri ni cek ïthe ki geni, ni meet geni bäät mana kwanye, ni ö eni ni wø joot tiet luup ni kwänynye ki pwöc.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Pwöc Leec Wïc 5:12

ni kööï, ni «Pwöc yaa kwierø kaperŋø, ni bëët cwïnya no okweer ki köömmö!

Pwöc Leec Wïc 8:10

Jierru pwöc 'moa ni kaala gwel-bïrö, ni jierru kwänynyö ni kaala warkey mana tøŋ.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Jeremaya 11:10

Jø Icriel ki jø Juuda bëët, gena døø baŋ gïïa reyø na tïïc kwäcge, jøøa kweer ki man wïnyge luup 'moa, na cäädhö køør juu møøk nee tïnyge, na kaal luumma tuuda ki kwäcge.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Jeremaya 7:28

Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Edhikiel 20:13

« ‹'Ba jø Icriel gena cäŋ gëëmö ki aani dï paap. Gena kweer ki man cääthge ki køør luup 'moa, ni wecge ciik 'moa, ni beege gïïa doo cïpö ki kwøw jï ŋato kïth ge bäät tïïc, ni ö geni ni putge cääŋŋe 'moa mo jwöm päät døc. Kanyøgø aana köö ni wëër mara kønynya bäätge nee wïthge puta dïïr dï paap.

Edhikiel 20:16

Kiper ciik 'moa awecge ni kweerge ki man cääthge ki køør luup 'moa, ni päätge cääŋŋe 'moa mo jwöm. Kiper cwïnyge ena køør kït gïï wø lamge.

Edhikiel 20:21

« ‹'Ba obwöre moge gena gëëmö ki aani thuwø. Ge kär cäädhö ki køør luup 'moa, ni kärge wïthge caarø ki man kïthge ciik 'moa bäät tïïc, ni beege gïïa doo cïpö ki kwøw jï ŋato kïth ge bäät tïïc; ni ö geni ni putge cääŋŋe 'moa mo jwöm päät. Kanyøgø aana köö ni wëër mara ni wø liel kaamar maac kønynya bäätge nee wëër mara put røm dëëtge dï paap.

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Pïëmme 6:10

ni caana gø jïïu, ki man näk mo beeye aani na Wuuö Jwøk na näk Jwøu; ni caana gø jïïu thuwø ki man ba wøørru juu mo jø Amör ni bëëdu yi ŋöömö marge en. 'Ba uuni dwøra käru leŋø.› »