Jeremaya 17:22 - Wëël Jwøk

²² Ni ba kïthu wøk ki tëër ki yïth uudi mou cäŋ jwömö, ni bäŋe tïïc mo tïïyu; 'ba gwøgu cäŋ jwömö nee bëëde ni ena kur keere, kaawat mana köömma kwäyu.

Jeremaya 17:22 Iomraidhean Croise

Neemiya 13:15

'Ba yïth nïröka, aana jïtö ki jiy dï Juuda mo cöödhö ki nyïïomøki ki tietge ki cäŋ jwömö, ni marge biic gø na køøŋø; ni jø møøk ge kännö ki beel mo ena yïth keece mo käärge ka bäät arëëni, ki jammi møga ni beege kwøŋ, ki nyïïomøki, ki nyïïolämmi, ki teeŋ wïth tëër møga bëët, ni kälge geni Jerucalem ki cäŋ jwömö. 'Ba aani, jøøgø aköömma ki man ba gäthge ki caammi ki dïcäŋ manøgø.

Bwøth Wøk 23:12

«Tïïe mou dou tïïö ki yïth nïne moa näk abïciel. 'Ba noo tïme na bïriet nïne, tïïc dou wiiø, kiper nee dhäk mou ka arëëni mou dëëtge jwömge, ni ö wäät laaŋe moa nywøl mïëyu bëët ki wëëlle moa path mo wø tïny uuni ni jïtge ki jwöm dëël.

Aydheea 58:13

«Ni näk mo dëëtu mänu mänö ki man tïïyu jap wø mïn yïthu ki ge yi cäŋ jwömö mara na en kur keere, ni cwøllu gø na cäŋ met ec na cäŋa en kur keere na näk owøørø na mara, a na Wuuö Jwøk, ni wøørru gø nou ba cäädhi ka jöö maru keeru, nou ba tïïc jap wø mïn yïthu ki ge keerge, nou ba cäänö ki luup mo oballe,

Jeremaya 17:24

'Ba uuni, ni näk mo mara wïnynyu wïnynyö na kare, ni ba käädu ki tëër nou cura dhøk kiir man ki cäŋ jwömö, 'ba u gwøga cäŋ jwömö nee bëëde ni ena kur keere na mar Jwøk, ni bäŋe tïïc mo tïïyu dïcäŋögø,

Edhikiel 20:12

Ni pwönynya geni thuwø ki man gwøkge cääŋŋe 'moa mo jwöm, nee bëëtge ni caala ŋïï yïthakicwa ki geni, nee ŋäcge ni bee aani na Wuuö Jwøk na tïïc geni na jiy mo ena kur keerge.

Edhikiel 22:8

Ïïni, japa na en kur keerge ataagï, ni päätï cääŋŋe 'moa mo jwöm.

Ciik Kiper Dïlämme 19:3

« ‹Ŋati man nø dëëtu, menni ki wänni wär wøøre, ni gwøgu cäŋ jwömö mara. Beeye aani na Wuuö Jwøk, Jwøk maru.

Ciik Kiper Dïlämme 23:3

« ‹Ki yïth nïne abïciel tïïe løny ki man tïï; 'ba noo tïme na bïriet nïne beeye cäŋ jwömö man wø jwöm dëël yie, ni beeye cäŋ acooŋa mo ena kur keere. Kär dee tïïe mo tïïyu tïïö, kiper beeye cäŋ jwömö jï Wuuö Jwøk ki yïth kwöro bëëdu yïthge bëët.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Luk 23:56

Køøre gena døøk, ni jiiŋge mäth wïïr ma teeŋi mo wø ŋwääi ni met. 'Ba na tïme na cäŋ jwömö røkge ajwömge, keda mana näk ocemø.

Luk 6:5

Køøre Jecu aköö jïge, ni «Wär Dhaanhø beeye Kwääy cäŋ jwömö.»

Mana Nyooth 1:10

'Ba dïcäŋ aciel ma Cäŋ Jwøk, Jwïëc Jwøk aö bääta, ni wïnynya dwøl ŋääa mo dwøŋ, mo keda dwør tuuŋ,