Jeremaya 17:2 - Wëël Jwøk

² Geni, gïï wø cïpge olämme moge bäätge, ka arïëki moge mo wø cwøl na Acara, na en tiet jenni moa näk onigïït piny bäät thuuri, wø lääŋge lääŋŋö, ni caala man wø lääŋge obwöre moge.

Jeremaya 17:2 Iomraidhean Croise

2 Luup Nyeye 24:18

Kanyøgø Øt Wuuö Jwøk, Jwø kwäcge, awecge, ni tïmge ni ge tïnynya jera no otieŋø na no ocaa ri jwø wø cwøl na Acara, ki kït gïï wø lam. Kiper manøgønø, wëër mar Jwøk aput ö bäät jø Juuda ki jø Jerucalem kiper bääyö manøgø na tïïcge.

2 Luup Nyeye 33:19

'Ba lam mar Maneeca, ki kanya ö Jwøki na wïny kwac mare, ki raay moa tïïe bëët, ki mana bëëde ni bääö dëër Wuuö Jwøk, ki kwör lam moa tïïe bäät thuuri, ki jenni moa no ocaa ri jwø wø cwøl na Acara na tïïe, ki gïï wø lam moa no otieŋø moa cwöth piny yïth kwör lam moøgø, kanya poode ni dëëre poot käre dwøk piny nyïm Wuuö Jwøk, ogöör piny yïth luup jø wø joot jammi ki køør man wø nyooth Jwøki jïge.

2 Luup Nyeye 33:3

Kiper eni kwör wø läm jiyi yïthge bäät thuuri, na raany wänni ma Edhekaya, acäŋ geerrø, ni tïïe ki gïï wø cïp olämme bäätge jï juuk wø cwøl ni Baal, ni tëëŋe ki jenni ni caa ge ri jwø wø cwøl na Acara, ni wøør jap maal ni tïny geni.

Bwøth Wøk 34:13

'Ba gïno tïïyu beeye ki man raanynyu gïï wø cïpge olämme moge bäätge, ni tøgu kïte moa näk ege cwöth piny kiper nee lamge, ni ŋødu jenni moge piny moa näk ege tieŋø ni wø lamge.

Aydheea 1:29

Uuni wïthu lääö kiper mana bëëdu nou lama jenni mo wø en cwïnynyu køørge, ni bëëdu ni wïthu lääö ki lam mana tïïyu kwöra näk you jierø yïth ajïniine.

Aydheea 17:8

Geni, ge ba døø baŋ gïï wø cïp olämme bäätge na tïïcge ki ceŋge jï juuga reyø, ni ba lwïthge këët baŋ gïïa tïïcge ki lweetge, ni beege jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 3:23

Ka adïëri møn, wa cøøga rewa jaak ki mana tïïwa ki kwör lam bäät thuuri, ni 'näkwa rewa ki dïlweel bäät kïte. 'Ba ka adïëri møn, ï na Wuuö Jwøk, Jwøk marwa, beeye ïïni noo piem waani, wa jø Icriel.

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Tiet Ciik 12:2

Wïth juurre moo ŋøøpge lwørru, kwör wø lamge juu moge yïthge bëët moa en bäät kïte moa bäyö, ki moa en bäät thuuri, ki moa en tiet jenni moa näk onigïït piny bëët wär raanynyu na bäre bäre.

Pïëmme 3:7

Kanyøgønø, jø Icriel atïïö ki gïï mo nëëni ni reyø ki jï Wuuö Jwøk, ni wïl wïthge ki Wuuö Jwøk na bëëdö na Jwøk marge, ni tïnyge juuga cøøri ni Baal ki Actaröt.