Jeremaya 17:18 - Wëël Jwøk

¹⁸ Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 17:18 Iomraidhean Croise

Jööp 16:14

Eni bëëdö ni meeta ŋwiili 'moa, ni eni bëëdö ni ŋwieya køøra kaamar ŋat leny.

Dut Pwøc 71:1

Jeremaya 1:17

«'Ba ennø, ï na Jeremaya en, jiiŋ riï ni ööï maal, ni caanï gïïo caana jïrï bëët jïge. Kärï lwäyö ki geni, niï ba døøya mo lwäär nyïmge.

Jeremaya 11:20

'Ba ï na Wuuö Jwøk, ï na wïth jammi bëët, ni wø ŋøl luup na adïëri, ï ni wø raŋ cwïny jiy ka acaacge bëët, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 12:3

'Ba ï na Wuuö Jwøk, a ŋäyï; na a wø nëënö jïrï cooth, ni raŋï cwïnya man näk a bëëda nidïï ki baŋï. Wui Wuuö Jwøk, peec jøøgø niï kïtha ge baŋ ŋaal kaamar dïëk; kïth geni kur keerge kiper dïcäŋo ŋaal ge yie.

Jeremaya 14:17

«'Ba ï na Jeremaya en, caan pänh cwïny marï jïge, ni kööï, «ni ‹Beerra man lwör pï nyeŋŋa piny ki wärre ki cääŋŋe, ni ba cöök, kiper jø powa na caal nyakøø mo dëër dïcwøø poot kuue ajïtö ki ŋwellø mo leth, kaamar dhaanhø mo opwödö døc.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 17:16

'Ba aani, a kär kweer ki man tïïa tïï dïkwääc jiy mana cïpï jïra, naa kär bëëdö ni ge yaa päc gïï mo leth cäŋ gïïo leth; kiper ï ki dëërï, luup moa ö wøk ki dhaa nyïmï ŋäyï.

Jeremaya 17:19

Luumma caan Wuuö Jwøki jïra beeye en, ena köö, ni «Ciï ni cuŋŋï dhi kiir mana näk mar jøw bëët, man wø cääth nyeye mo Juuda ki yie; ni cuŋŋï thuwø dhøgi bëët mo kiir mar Jerucalem.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Tiet Ciik 33:11

Wui Wuuö Jwøk, gwïëth jap jø tuuŋ Libay bëët, ni mïn yiï ki tïïe bëët mo wø tïïcge ki ceŋge. Beerra man raanynyï teek mar jø wø many leny ki geni, këël jø wø män ki geni, kiper nee ba lønye jïge ki man cäŋge ö maal baŋ leny këët.»

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.