Jeremaya 17:13 - Wëël Jwøk

¹³ Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 17:13 Iomraidhean Croise

Pwöc Leec Wïc 10:7

Par wïc ki gïr jøøa marge beer beeye gwïëth, 'ba nyeŋ jøøa reyø rwäänyö.

Pwöc Leec Wïc 14:14

Ŋat mo cwïnye odøø cään ojäŋ ki jap uutjïëth tïïe moe na reyø, ni ö ŋata beerri ni jääŋe ki jap tïïe moe na beyø.

Aydheea 1:28

'Ba jø ageem ki jø raay ge di raanynyø na aciel bëët, ni ö jø wø wec Wuuö Jwøk ni ränyge.

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Jeremaya 14:8

Wui, ï ni wø ŋääth jø Icrielli, ï ni wø piem waani cäŋ gïïa leth, ?aperŋø ni bëëdï kaamar wëëllö yi ŋöömmi en? ?Na aperŋø ni bëëdï kaamar ŋat mo tiere ena jöö mo gää baŋ niine keere en?

Jeremaya 17:17

Kär dëëra wëëk kwanynyi nyïmï, kiper beeye ïïni na kar kan røk jïra kany wø pïïc gïï mo lethi bääta.

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 17:5

Man beeye luumma caan Wuuö Jwøki, ena köö, na «Acïëni ena bäät ŋat wø ŋääth dhaanhø, ni tïïc dhaanhø na teek mare, ni cwïnye ogaa wøk køør Wuuö Jwøk.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 50:7

Geni, gena thöör nyïïmänni moge bëët moa joot geni, ni kö nyïïmänni, ni ‹Wa kär bääyö kanya raanywa geni, kiper gena bääyö dëër Wuuö Jwøk ni wø joot adïëri baŋe, eni na Wuuö Jwøk na ŋääth kwäcge.›

Edhikiel 13:9

Aani cera tïŋa maal bäät jø wø tïïc rege na nyïïkuk Jwøk ni jääla geni, jø wø cäänö ki luup tööt ni da gïï mo onyoodhø jïge, ni marge adïëda jaak. Geni, ge tïïa tïïö ni bäŋ karge yïthakic jaae 'moa, ni ba göör nyeŋge piny yi wëël nyeŋ mar jø dhi øt Icriel, ni ba døøge yi ŋööm Icriel na bäre bäre. Køøre nø, ŋäyu ŋääö ni beeye aani na Kwäärö Wuuö Jwøk.

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 36:32

'Ba aani, a manynya gø nee ŋäyu ni gïn tïïa en patha kiper nyeŋŋu. Wui, u na jø Icriel, beerra man lää wïthu ni päth cwïnynyu ki bëëtö maru!› Luummögø caana Kwäärö Wuuö Jwøki.

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Jool 3:16

Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Dhekaraya 9:12

Wui, u na jø twöc mo cwïnyge da ŋäädhe en, døøu kar gwøk røk mana teek; kiper a caana gø jïïu dïcäŋi ni jammi moa jwørru coola coolø jïïu ki gwïëth mo opöödhö.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Moa Tïïc Nyïïatwieli 28:20

Kiper manøgø nø, beeye na cwøla uuni naa lïïmu, naa cääna ki uuni. Kiper beeye ki køør ŋato ööi ni wø ŋääth jø Icrielli ni twöc aani kipere ko oguudi en.»

1 Timöthi 1:1

Aana Pøøl na nyïïatwiel mar Krictø Jecu ki køør mana ö Jwøki na kööm aani, eni na näk Pïëmi marø, ki Krictø Jecu, ŋata ŋäädhø kiper yi nyïm.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»