Jeremaya 17:11 - Wëël Jwøk

¹¹ Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 17:11 Iomraidhean Croise

Jööp 20:21

Eni bäŋ gïn mo but wïïe ni ba came. Kiper manøgønø, jape ba ruu ki thumö.

Pwöc Leec Wïc 13:11

Jap kwärö mo laar ka joot wø laara ränynyö, 'ba ŋat wø joot jap kwärö ki køør tïïc mare, nyaay jïre.

Pwöc Leec Wïc 15:27

Ŋat mo cwïnye päl ni wø joot jammi ki jöö mo paa adïëri wø kïtha paare yi ränynyö, 'ba ŋat wø män ki jammi mo wø cïp ki piny, eni bëëdö ni kwøw.

Pwöc Leec Wïc 21:6

Jap kwärö mo wø joot ki køør tööt caala rwöc ni wø laar aay, ni caala abïëp mo duunnö ki thøø.

Pwöc Leec Wïc 23:5

Kany wø näk mo waŋï këëta bääte, puta aay; kiper kwärö wø laara jïtö ki bwöm, ni tïme kaamar odhuuth ni wø määt maal.

Pwöc Leec Wïc 28:16

Kwäärö man wø caar jiy, wïïe bäŋ acaara, 'ba ŋat wø kwier jammi mo joot ki jöö mo patha adïëri wø døøya nïr kwøw moe mo thööth.

Pwöc Leec Wïc 28:20

Ŋat mo oŋäädhö okwär ki gwïëth, 'ba ŋat wø jalli døc nee laar kwärö ba kääŋi ka ajäla.

Pwöc Leec Wïc 28:22

Ŋat mo cere teek wø jalli døc nee laar kwärö, 'ba bëët can mano ö bääte kuue.

Pwöc Leec Wïc 28:8

Ŋat wø wëëk jape mac nee cool ni da wïthge wø cooŋa geni nee dööŋge jï ŋat wø nyooth mëër jï jøøa can.

Jeremaya 22:13

Wuuö Jwøk aköö, no «Otïmö ni raac jï ŋat wø geer øt nyec mare ni jø tïïc ee mødø, ni gëët bäät ødøgø ki øtø mør ni jø tïïc ee caarø, ŋat wø wëëk jiy tïïc jaak, ni bäŋ gïn coole jïge kiper tïïc marge;

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Mikiya 2:9

Uuni, määr jiya ariemu wøk, ni ŋati man nø riemu wøk ka yi paare na met yie ki gø, ni kälu ajiem mara wøk bäät obwöre moge na bäre bäre.

Mikiya 7:3

Ceŋ moge tïï gïn mo raac ege kwanyø ni beer kiree. Dïbwödhi ki dïŋut luup wø manynya gïï mo di cïbö jïge ki piny; ni ŋata kare dwøŋ wø caana mana en cwïnye jaak, ni geni luubö wø meenge meenø na aciel.

Jepaniya 1:9

Dïcäŋöca jiy bëët mo wø lam juu mo path, ni wø pääŋ uut juu moge ki jammi mo joot ka køør tïïe mo reyø, ki jap twëër, ge jääla jäälö.»

Dhekaraya 5:4

Aani na Wuuö Jwøk na en wïth jammi bëët, pïën manøgø jääŋŋa jääŋŋö wøk, ni døny yïth uudi mo kuuwe ki yïth uudi mo jø wø kööŋ ri nyeŋŋa jaak ki tööt, këël mano thöör wäär ni raanynya uudi mo jøøgø, ni put jenni ki kïte ränynyö moa geer uudi ki ge.»

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Luk 12:20

'Ba Jwøk aköö jïgø, ‹Ï ni bäŋ wïc en. Wääni en, jwïëyï olwør. ?A kanyøgønø, japa jiiŋŋï yøø otïmge na mo ŋa?›

1 Timöthi 6:9

'Ba jø wø many man tïmge no okwär, wø pätha jöör päänynyö ya abïëp, ni tïmge ni ge manynya gïï mo oballe jaak mo raanynya geni, ni beege gïï wø käl rääö ki ränynyö dëëtge.

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

2 Piter 2:14

Ni nyeŋge ena køør käp, ni raay ba maarge wec. Ni ge maaŋŋa wïth jøøa cwïnyge cwøk. Ni cwïnyge ege pwönynyö ki wärö. Ni gena jiy mo ocienø.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.