Jeremaya 17:10 - Wëël Jwøk

¹⁰ «Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 17:10 Iomraidhean Croise

1 Nyeye 8:39

beerra man wïnynyï gø kany wø bëëdï yie maalø, ni wëënnï ŋati man nø, ni cunnï gø ki køør moa tïïe bëët, ni beege jøøa cwïnyge ŋäyï, kiper bee ï keerï ni ŋäc cwïny jiy bëët,

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

2 Luup Nyeye 6:30

beerra man wïnynyï gø kany wø bëëdï yie maalø, ni wëënnï ŋati man nø ni cunnï gø ki køør moa tïïe bëët, ni beege jøøa cwïnyge ŋäyï, kiper bee ï keerï ni ŋäc cwïny jiy bëët,

Jööp 34:11

Kiper eni, ŋati man nø cunne cunnö ki køør gïna tïïe; ni ö ŋati man nø ni dwøk japa tïïe wï gø ki køør bëëtö mar gø.

Pwöc Leec Wïc 12:14

Dhaanhø wø jäŋ ki gïï mo beyø ki køør luupe ni wø cur dhee, ni ö tïïe mo wø tïïc dhaanhe ki cere ni duunge jïre.

Pwöc Leec Wïc 17:3

Gwel-bïrö ki warkey beeye maa thäth ni wø raŋi ki gø, 'ba cwïny dhaanhø, beeye Wuuö Jwøk ni wø raŋ gø.

Luup Dïpööy 9:3

Gïn wø raac ni wø tägi tier cäŋ piny kany beeye man wø tïm jiyi bëët ni cøra jöörögø na aciel enø. Maya thuwø, cwïny jiy bëëdö ni päŋ ki gïï mo reyø, no okiera bëëdö ni ena cwïnyge ki ri bëëtö marge bäre. 'Ba ya aŋuudi ge poot thøw bëët.

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Jeremaya 11:20

'Ba ï na Wuuö Jwøk, ï na wïth jammi bëët, ni wø ŋøl luup na adïëri, ï ni wø raŋ cwïny jiy ka acaacge bëët, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 20:12

Wui Wuuö Jwøk, ï na wïth jammi bëët, ï ni wø raŋ jøøa marge beer, ni wø neet cwïny ka acaare, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 21:14

'Ba a na Wuuö Jwøk, u jääla jäälö ki køør tïïe mou na reyø, ni waaŋa paan dwøŋ maru ki maac ni ö gïïo en lage bëët ni thööri ya maaci.»

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 32:19

Acaara marï dwøŋ, ni tïïe moï wø tïïyï ka teek mo dwøŋ, ni waŋï iï peerø bäät uutjïëth tïïe mo jiy bëët, ni ŋati man nø wø cunnï cunnö ki køør bëëtö mare ki tïïe moe.

Edhikiel 11:5

Køøre Jwïëc Wuuö Jwøk aö bääta ni kööe jïra, ni «Caanï jïge ni man beeye luumma caan Wuuö Jwøki jïïu, ena köö, ni ‹U na jø dhi øt Icriel, moøgø beege gïï wø caru, 'ba aani, acaara maru ŋääa.

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Mikiya 7:13

'Ba løø piny mano dööŋ oränynyi ki køør raay mo jø wø bëëdö yie.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 6:4

kiper nee japa cïpï bëëde ni kuc. 'Ba Wäru ni en maal, ni wø neet gïn mo kuc, ïïno ŋade.

Jøøn 2:25

ni eni ba cac dhaanhø mør mo køp gïr ŋat mør jïre. Kiper eni ki dëëre gïn wø en cwïny dhaanhø ŋääe.

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Wëëlö Mana Göör Pøølli Baŋ Jø Röm 8:27

'Ba ŋat wø dar cwïny jiy, gïna en cwïny Jwïëc Jwøk ŋääe, kiper beeye Jwïëc Jwøk ni wø kwääö kiper jø Jwøk keda mana many Jwøki.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 22:12

Ni kö Jecu, «Neenï! Aani, a laara öö, naa käära japo cunna jiy ki ge, ni ŋati man nø cunna ka køør gïna tïïe.

1 Camiel 16:7

'Ba Wuuö Jwøk aköö jï Camiel, ni «Kärï raŋ dëër dhaanhø jaak wala bäye, kiper eni yaa kwierø. A na Wuuö Jwøk, raŋ mara ba caal raŋ mar dhaanhø; kiper dhaanhø, raŋŋa dëër dhaanhø wøk jaak, 'ba a na Wuuö Jwøk, a raŋŋa cwïny dhaanhø.»