Jeremaya 16:6 - Wëël Jwøk

⁶ Jiy moa kwörge døøŋŋø ki moa kwörge bäŋgø ge thøøa yi ŋöömmi en, ni ge ba koony, ni bäŋ jiy mo jwøk geni, ni bäŋ ŋat mo tïïc dëëre ki gïn mo leth kiperge, ni bäŋ ŋat mo gwäära wïïe wøk.

Jeremaya 16:6 Iomraidhean Croise

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 24:2

Ni ö ränynyö mano tägi ni tïme ni rwöpa jiy bëët, ni tïm dïlämi ni röömi ki dhaanhø jaak, ni tïm kwäärö ni röömi ki laŋŋø, ni tïm dhaagø man wø tïnynyi ni röömi ki dhaaŋ wø tïny gø, ni tïm ŋat gathi ni röömi ki ŋat ŋïëw, ni tïm ŋat wø määö baŋe ki jammi ni röömi ki ŋat wø mäyi, ni tïm ŋat wø cunni ki gwel ni da wïthge ni röömi ki ŋat wø cun gø.

Jeremaya 13:13

Køøre caanï caanø jïge ni mana ŋøl Wuuö Jwøki beeye en, ena köö, ni ‹Ennø, aani jiy bëët mo wø bëëdö yi ŋöömmi en jääla jäälö, ni tïïa geni kaamar jiy mo ojäŋ ki kwøŋ ni ge meeyø, ni beege nyeye mo wø läw bäät wäl Deebit, ki dïlämme, ki nyïïkuk Jwøk, ki jiy bëët mo wø bëëdö Jerucalem.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 41:5

jiy ma pïërabära aöö ni ge käla Cekam ki Cëëlö ki Cameria, ni jïëc tïkge ege lielø na abïïe moge ege jeeyø ni dëëtge ege ŋarø ki gïï mo beth, ni ge käädö ki muuce mo beel ki gïn wø jïye ŋwääi ni met, kiper nee cïpge yi øt Wuuö Jwøk.

Jeremaya 47:5

Geedha odööŋ ni leer kaamar ŋat mo wïïe otal, ni ö jø Ackelönni ni dït wïthge. ?Wui, u na näk odööŋ ni wø bëëdö yi ŋöömma näk ree ee päärö mar jø Pilitin, a këël kany mo nyïëdi nø noo bëëdu nou kïmmö ni dëëtu ŋaru ŋarø ki gïï mo beth?

Jeremaya 48:37

Kiper jiy bëët obëëdö ni wïthge ogwäär wøk, ni jïëc tïkge olielø, ni ceŋge oŋarø ki gïï mo beth, ni keece ege kïth dëëtge na abïïe.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Jeremaya 8:2

Ni keethge cuu piny, ni nëënö jï cäŋ ki dwääy ki ceer, ni beege gïïa en cwïnyge køørge na lamge, na caathge køørge, na manyge, na wøørge. Cuu moøgø ba cooŋ kanya ciel ni ba koony piny; 'ba geno tïmö kaamar wär mo oker piny jaak.

Ciik Kiper Dïlämme 19:27

« ‹Kär deŋ wïthu liellu, ni ba ŋatu jïëc tïgu.

Ciik Kiper Dïlämme 19:28

« ‹Kany wø näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth. Uuni, kär dëëtu kätu. Beeye aani na Wuuö Jwøk.

Amøc 6:11

Adïëri møn, Wuuö Jwøk mare di caanø, ni ö uudi moa døøŋŋø ni nyaa ge piny, ni raany uudi moa therø.

Mathiew 9:23

'Ba kanya pïïc Jecu po kwäärö manøgø, jø wø jwöŋi ko opele ki lwaak mo göö ko oduuru ajoode,

Tiet Ciik 14:1

«Uuni, uuna jic Wuuö Jwøk na näk Jwøu; kanyo näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth, ni ba gwäär wïïe wøk.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 6:15

Kanyøgø nyec piny, ki jøøa kwörge døøŋŋø, ki kwääc jø leny, ki jøøa näk okwär, ki jøøa teek, ki jiy bëët, nee laŋŋø wala ŋat mo bëëdö ka wïïe, rege akange yïth buri ki dï ogeeme mo kïte,