Jeremaya 16:5 - Wëël Jwøk

⁵ «Kiper luumma caan Wuuö Jwøki beeye en: Kärï døny yi øtø mo yie da jwøk thøø; kärï ci kuna kïmmi ki geni, ni ba ciï kuna cømï cwïnyge, kiper a na Wuuö Jwøk, mëër mara ni wø ba jøøl, ki met ec mara, ki bëët-mëër yaa paanyø bäätge.

Jeremaya 16:5 Iomraidhean Croise

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 13:14

Ni tïïa geni nee dëëtge nyathge keerge, ni beege jø døøŋŋø ko obwöre bëët. 'Ba aani, cwïnya ba doo pädhö ki gïrge, ni cwïnya ba daa bäädhö ki geni, ni yia ba daa warø ki geni, ni ge ba wiia ki man raanynya geni.› » Luummögø caana Wuuö Jwøki.

Jeremaya 16:13

'Ba ennø, u riema wøk yi ŋöömö man, ni cou yi ŋöömö mør mo kuyu, mo kuc kwäyu thuwø, ni tïmu nou tïnynya juu møøk ki cääŋŋe ki wärre kaace; kiper bäŋ met ec mo nyoodha jïïu.›

Wëël Kïmmö 3:17

Kara atïmö ni bäär ki bëët-mëër, ni wïl wïïa ki met ec.

Dhekaraya 8:10

Kiper kanya poot nïrögø, bäŋ tïïc mo di cunnö ki gwel kiper dhaanhø wala lääy; ni bäŋ dhaanhø mo duny yi paac wala mo dønynya wøk ki yi paac, kiper mana tïme ni bäŋ bëët-mëër kiper nyïïmän. Aani jiy bëët atïïa nee ŋati man nø døø ri nyawatge ki tïï gïn mo raac.

Tiet Ciik 31:17

'Ba wëër mara puta liel dëëtge kaamar maac dïcäŋöca. Aani, ge wiia wiiø ni kana täärnyïma ki geni; ni pïïc gïï mo lethi ki gïï mo reyø bäätge, ni putge thumö ki thøø. 'Ba kar kaaca geno köö, na ‹Aŋø, paa per Wuuö Jwøk na tøøre dïïø ni pïïc gïï ni leth bäätø en?›

Mana Nyooth 6:4

Ni cäŋ okweenynyi mør ö wøk mo kwaar døc. 'Ba ŋata en bääte omooø ki teek man raany bëët-mëër bäät piny, kiper nee jiy røkge 'näkge. Ni mooi ko opëëllö mo dwøŋ døc.