Jeremaya 16:18 - Wëël Jwøk

¹⁸ Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 16:18 Iomraidhean Croise

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Aydheea 65:6

«Ka adïëri møn, gïïögø bëëdö no ogöör piny nyïma, naa ba lïŋi, 'ba gïïa tïïcge coola coolø. Aani, gïïa tïïcge dwøga bäätge,

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 3:9

'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 7:30

Ni kö Wuuö Jwøki, ni «Jø Juuda atïïö ki gïï mo neeni ni reyø ki jïra; gïïa näk ec raac ki ge acïpge yi øtø mana cwøl ri nyeŋŋa, ni ge tïïya gø ni ba waany.

Edhikiel 11:18

'Ba noo duuge yi gø, kït gïï wø lam bëët na määnö na näk yia raac ki ge raanyge raanynyø.

Edhikiel 11:21

'Ba jøøa näk cwïnyge onieŋ køør kït gïï wø lam na määnö na näk yia raac ki ge, japøgøøni dwøga wïthge.› » Luummögø caana Kwäärö Wuuö Jwøki.

Edhikiel 36:18

Kiper manøgønø, wëër mara akønynya bäätge kiper gena kuny piny ki rem jiy yi ŋöömö, ni wëëkge ŋöömö päät ki kït gïï wø lamge.

Edhikiel 5:11

Kiper manøgønø, Kwäärö Wuuö Jwøk aköö, ni «Ka adïëri møn, kaawat man bëëda naa kwøw en, kiper mana päätï øtø mara na en kur keere ki kït gïï wø lamï na reyø døc, ki gïïa näk ec raac ki ge, aani ki dëëra raa paanya paanyø buutï, ni ba nyoodha bäth ec mara jïrï wala ki man wara cwïnya ki ïïni.

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Ciik Kiper Dïlämme 26:30

Aani kwör lam mou moa en bäät thuuri raanynya raanynyø, ni ö gïïö ni wø duuŋ gïn wø jïye ŋwääi ni met bäätge ni tøya geni, ni ö dëët jiy moa no othøw ni lööra ge bäät gïïa näk you tieŋø ni wø lammu moa no otøyø, kiper aano nø männö ki uuni.

Mikiya 2:10

Uuni, u ööa maal ni aayu nou mak ka tøŋ, kiper kany ba tïmö na kar bëëtö maru, kiper mana tïïyu gø ni ba waany ni ränynye, ni tïme kaamar ŋwellø mo bäŋ køny mo joode.

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.