Jeremaya 16:16 - Wëël Jwøk

¹⁶ «Ennø, a na Wuuö Jwøk, a jääga baŋ jø maay mo thööth, ni maacge jiya kaawat man wø maac rec. Køøre a jääga baŋ jø dwaar mo thööth, ni dwarge jiya bäät kïte ki bäät thuuri ki kwöra näk gøøde yïth kïte.

Jeremaya 16:16 Iomraidhean Croise

Wïlöölö 10:9

Ni tïme na ŋat mo thöör ŋääe døc nyïm Wuuö Jwøk. Kiper manøgø nø, jiy atïmö ni ŋääta ree, ni köge, ni «Ï caala Namrut, ŋata näk dïthöödhi nyïm Wuuö Jwøk.»

Aydheea 2:21

Geno reŋ kwöra ŋammø yïth kïte ki kwöra no okaaŋŋø yïth kïte, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 7:19

Ni öge bëët ni pïge piny ni pääŋge kwöra näk agäp-kïte, ki yïth gøøde mo kïte, ki yïth abuŋŋe mo koodhi, ki kwör wø kwaac lääc paac yïthge.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 4:29

Ki køør dööt tiet okwëënyi ki tiet jø wø këëdi ka athëëre, jø päänye bëët bwøk; ni dønyge yïth abuŋŋe, ni kaange rege yïthakic kïte; ni wec päänye bëët, ni dööŋge ni bäŋ jiy mo bëëdö yïthge.

Jeremaya 49:5

'Ba ka adïëri møn, a na Kwäärö Wuuö Jwøk, a na wïth jammi bëët, a känna bäätu ki gïr lwär mo dwøŋ, mo öö ki løøi ki løøi. Uuno riem wøk ni bäŋ ŋat mo lwïthi ŋääe, ni kanyo reŋu, bäŋ ŋat mo rwöp uuni kanya ciel.

Jeremaya 6:9

Mana caan Wuuö Jwøki, eni na wïth jammi bëët, beeye en, ena köö, ni «Dëëci ööi ni lemge jø Icriel moa dööŋ, kaawat man wø lem nyïïomøki moa no obøth ki pøn; kaawat man wø ö dïpun nyïïomøki wø dat bäät bat jaath man nø.»

Wëël Kïmmö 4:18

Gena tïmö ni ge baya tietø kany wø cäädhø, ni dhäth wääthi jïïø ki uutjïëthe moø; aŋuun bëëtö marø kare acäännö, nïne 'moø athum, kiper aŋuun bëëtö marø aöö.

Wëël Kïmmö 4:19

Jiy moa ŋwiec køørø ge rïïŋö døc ni kaala olwiith mana na agweec. Køørø aŋwiecge bäät kïte, ni møørge piny nyïmmø dï paap.

Odheea 10:10

Kanyo manynya gø jaak, ge jääla jäälö; wïth juurre cooŋa cooŋø ki man tïïge ki gïn mo raac dëëtge, ni jääla ge kiper raay moge na thööth.

Amøc 4:2

Wuuö Jwøk akööŋ ri bëëtö mare na en kur keere, ni kööe, ni «Kare møn, da dïcäŋ mo ööa bäätu, mo u di kälö nou pieyi ka dïgäni, ni piec uuni ko obïïdhi, ni bäŋ dhaanhø mo dööŋ.

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Jepaniya 1:12

Dïcäŋöca, yi Jerucalem meenya meenyø ki lambae, ni jääla jø wø bëëdö jaak ni wø cäänö ki cwïnyge, ni ‹Wuuö Jwøk bäŋ gïn mo beer wala gïn mo raac mo tïïe!›

1 Camiel 24:11

'Ba ennø, Awuuö, ka adïëri møn, neen deŋ abïï marï ni en cera en; kiper deŋ abïïnï keere aŋula wøk, ni kära ïïni nääö. Ennø, wär ŋäyï ni bäŋ gïn mo raac mo ena cwïnya ki ïïni, ni bäŋ ageem maa gëëmö ki gø ki ïïni, ni bäŋ gïn mo yaa baaø dëërï; 'ba ïïni, ï bëëdö ni ïïno møør piny nyïma niï manynya jwïëya nee raanynyï.

1 Camiel 26:20

'Ba ennø, beerra man ba køny remma piny kany mo kare bäär ki Wuuö Jwøk; kiper ïïni, ï na nyeny Icriel, ïïna ö kuna manynyï aani, a ni caal nyi twöŋö mo thiinh jaak en, ni caala mano ö dhaanhe wø ci baŋ dwaar ka ajwiero bäät kïdi.»