Jeremaya 15:7 - Wëël Jwøk

⁷ Uuni, u kwøra kwørø kaamar lethø, ni cööra u wøk ki dhøk kiiri; thøø okäla bäätu, ni raanynya uuni, u na jiya; kiper cwïnynyu käru løø ki jöör bëëtö maru na raac.

Jeremaya 15:7 Iomraidhean Croise

Dut Pwøc 1:4

'Ba bëëtö mar jøøa reyø patha enøgønø; ge caala lethø ni wø køøl jame.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 51:2

Aani, jiy mo path ojääŋŋa Babiløn, nee jø Babiløn køølge wøk, ni raanyge ŋöömge. Geni, Babiløn otukge ki løøi ki løøi, kanyo tïme na cäŋ gïna leth na wäŋŋi kipere.

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Edhikiel 24:25

«'Ba ï na wär dhaanhø en, kanyo raanynya øt lam marge na teek, ni beeye kar met ec marge ka ajiem marge, ni wø raŋge ni yïthge met ni cwïnyge pärö kipere, ni raanynya wäätge ki nyïïge thuwø,

Edhikiel 36:12

Jiya ma jø Icriel ge wëëga wääth bäätï, ni lwørge ïïni na kurge, ni putï tïmö ni ïïna kar bëëtö jïge na bäre bäre. Køøre nø obwöre moge ba wëëgï thøø këët.›

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Tiet Ciik 28:18

«Obwöre mou moo nywøllu ocien, ni cien caammi moa doo ciek yïth ŋøøm mou, ki dhäk mou, ki dïëk mou nee ba thöönhge.

Tiet Ciik 28:32

'Ba uuni, wäätu ki nyïïu ocïp jï jø møøk, ni ö nyeŋŋu ni talge køørge, ni jwöŋu kiperge cooth; 'ba bäŋ gïn mo løny jïïu ki tïïc.

Tiet Ciik 28:41

Uuno nyöödö ko obwöre ma cwøw ki ma mään, 'ba ge ba bëëdö na mou, kiper ge di maaø ki tøŋ, ni käl ge.