Jeremaya 15:4 - Wëël Jwøk

⁴ Geno tïïa nee tiet mïëri bëët mo bäät piny tïmge ni cwïnyge böö ki gïïo tägi dëëtge, ni beeye kiper gïna raac na tïïc Maneeca wär Edhekaya yi Jerucalem kanya bëëde na nyeny Juuda.

Jeremaya 15:4 Iomraidhean Croise

2 Nyeye 21:1

'Ba Maneeca kanya tïme na nyeya, cwiic dööŋö moe apaar kurriiø, ni bëëde ni ena nyeya ki cwiiri ma pïërabïïc kurbïïc yi Jerucalem. 'Ba nyeŋ menni beeye Ëpciba.

2 Nyeye 21:15

kiper gena bëëdö ni ge tïïya gïï mo nëëni ni reyø ki jïra, ni bëëtge ni ge tïïya aani naa goota ki mana täge ki dïcäŋa ö kwäcge wøk ki Ijep këël dïcäŋi en.»

2 Nyeye 21:2

'Ba ena bëëdö ni tïïya gïï mo nëëni ni reyø ki jï Wuuö Jwøk, ni caatha køør gïïa näk ec raac ki ge døc na tïïc wïth juurre moa riem Wuuö Jwøki wøk nyïm jø Icriel.

2 Luup Nyeye 33:1

'Ba kanya tïm Maneeca na nyeya, cwiic dööŋö moe apaar kurriiø, ni bëëde ni ena nyeya ki cwiiri ma pïërabïïc kurbïïc yi Jerucalem.

2 Luup Nyeye 33:2

'Ba ena bëëdö ni tïïya gïï mo nëëni ni reyø ki jï Wuuö Jwøk, ni caatha køør gïïa näk ec raac ki ge døc na tïïc wïth juurre moa riem Wuuö Jwøki wøk nyïm jø Icriel.

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 29:18

Ni løpa køørge ki tøŋ ki käc ki täw mo leth, ni tïïa geni nee akwöm mo nyeye bëët mo bäät piny yïthge thäŋge ki gïïo tägi dëëtge, ni tïïa geni na gïr acïëni, ni cwïny jiy böö ki gïno tägi dëëtge, na gïr abuua, ni ge di jøøŋŋø yïth mïëc wïth juurre bëët kwöro riema geni yïthge.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 9:16

Ni keetha geni dï wïth juurre mo kucge, mo kuc wëëkge thuwø. Ni jääŋŋa tøŋ køørge këël mano thööra geni.»

Wëël Kïmmö 1:8

Jerucalem atïïö ki raay mo døøŋŋø døc ni put tïmö ni ba waany. Ena jar jøøa wøør eni bëët, kiper mana jootge gø ni bëëdö ka dëëre. Këël eni ki dëëre, ena cooyø ni wïïe ee løø wøk.

Edhikiel 18:19

«'Ba ni näk mo u poot pëëö, na ‹?Aperŋø ni tïm nyilaalli na ajäl raay mo wänni kär pïï dëëre en?› beeye kiper mana ö nyilaalli na tïme ni tïïya gïn ma adïëri ki gïn mo thïïŋ, ni bëëdö ni wïïe ee gwøø ki man gwøk luup 'moa bëët. Kiper manøgønø, ka adïëri møn, eni bëëdö ni kwøw.

Edhikiel 23:46

«'Ba man beeye luumma caan Kwäärö Wuuö Jwøki, ena köö: Jääŋŋu lwaak baŋge ni wëëgu ge lwär ni twierru ge.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.