Jeremaya 15:20 - Wëël Jwøk

²⁰ 'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Jeremaya 15:20 Iomraidhean Croise

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 1:8

Kärï lwäyö ki geni, kiper a ena buutï, naa peemma ïïni.» Luummögø caana Wuuö Jwøki.

Jeremaya 15:10

?Wui, aŋø ni ö mera ni nywøl aani yi pinyi en, ni tïma ni aana ŋat pïëm yi paani bäre en? Bäŋ ŋat mo omäyö baŋa ki jammi maa pïïdö ki gø, ni bäŋ ŋat mo aano mäyö baŋe ki jammi mo pïïdö ki aani, 'ba jiy bëët, ge bëëdö ni ceenna aani.

Jeremaya 15:15

Wui Wuuö Jwøk, ï ni wø ŋäc jammi bëët, lääŋ aani ni luuï wïïï baŋa; cool kwöra dëët jø wø caan aani. Ki køør cïp cwïny marï piny, kär a weyï naa käl; beerra man ŋäyï gø na ajaany wø jwøra jwørø ki køørï.

Jeremaya 38:28

Køøre Jeremaya aput bëëte yi kal mar øt jø koor këël dïcäŋa ö Jerucalemmi na maai yie ki tøŋ.

Jeremaya 39:11

'Ba kanyøgø Nabukedenecör nyeny Babiløn acïpö ki dwøl kiper Jeremaya ki bäät Nabucaradan kwääc jø koor, ni kööe,

Jeremaya 42:11

Uuni, käru bëëdö nou lwäär ki nyeny Babiløn, manø ni lwäärru ki gø enø. Käru lwäyö ki eni, kiper a ena buutu, naa peemma uuni ni käla uuni wøk cere.

Jeremaya 6:27

Wuuö Jwøk aköö, ni «Ï na Jeremaya en, ïïna cïba dï jiya nee röökge raŋï kaamar ŋat wø päär nywïënyö ki maac, kiper nee jöör bëëtö marge ŋäyï.

Edhikiel 3:8

'Ba ka adïëri møn, aani, wïïï tïïa tïïö ni teek kaamar wïthge, ni tïïa cwïnyï ni teek ni caala cwïnyge.

Edhikiel 3:9

Aani, cwïnyï tïïa tïïö ni teek ni caala kïdi mo teek døc. Kärï lwäyö ki geni, ni ba bwøk cwïnyï kanyo enï nyïmge, këël na bëëtge ni gena jø ageem.»

Daniel 3:17

Ni näk mo wa leeŋa yi maaøgø no orubö ni wärri enø, Jwøk marwa ni tïnywa en, løny jïre ki man piem waani yie, ni wa pieme cerï, ï na nyeya.

2 Timöthi 4:22

'Ba Wuuö bëëde cwïnyï, ni bëët met eci bäätu.