Jeremaya 15:1 - Wëël Jwøk

¹ 'Ba Wuuö Jwøk aköö jïra, a na Jeremaya, ni «Këël Modhe ki Camiel doo cuŋŋö nyïma ni kwaacge aani kiper jøøi ii, cwïnya ba daa løøa baŋge. Riem geni wøk nyïma, nee aacge.

Jeremaya 15:1 Iomraidhean Croise

Wïlöölö 19:27

'Ba kanya tïme na amöölla, Eeberam amøøl wøk ni aa kanya cuŋŋe yie nyïm Wuuö Jwøk;

2 Nyeye 17:20

Køøre, Wuuö Jwøk akweer ki nyïïkwaac Icriel bëët ni caan geni, ni cïp ge ceŋ dïtwïëte, këël mana riem ge wøk buute.

Pwöc Leec Wïc 14:35

Pwøc mar nyeya wø ena jï ŋat tïïc mo wïïe leer, 'ba wëër mare wø ena bäät ŋat wø tïïc gïï lään wïc.

Jeremaya 10:18

Kiper luumma caan Wuuö Jwøki beeye en, ena köö, «Ka adïëri møn, beeye kar kany keetha jiy yie ennø, mo wø bëëdö yi ŋöömmi, ni kïtha bäätge ki gïï mo leth mo bäŋ ŋat mo bøth ki gø.»

Jeremaya 11:14

«Kiper manøgønø, ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge, kiper ïtha ba ciia kanyo cøørge aani kiper gïïo leth noo pïï dëëtge.

Jeremaya 14:11

Ni kö Wuuö Jwøki jïra, ni «Kär niï lämö kiper jööt dëël mar jøøi ii.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 15:19

'Ba mana løk Wuuö Jwøki jïra beeye en, ena köö, «Ni näk ma acaara manøgø wiilï wiilø, aani, ï dwøga bäät tïïc marï, ni tïnynyï aani. Ni näk miï jiera moa perge leth ni weyï moa no oballe, ïïni, ï bëëdö na kar dhøk mara. Ni ö jiyi ni luuge rege baŋï, 'ba ï ba doo luga baŋge.

Jeremaya 16:13

'Ba ennø, u riema wøk yi ŋöömö man, ni cou yi ŋöömö mør mo kuyu, mo kuc kwäyu thuwø, ni tïmu nou tïnynya juu møøk ki cääŋŋe ki wärre kaace; kiper bäŋ met ec mo nyoodha jïïu.›

Jeremaya 16:5

«Kiper luumma caan Wuuö Jwøki beeye en: Kärï døny yi øtø mo yie da jwøk thøø; kärï ci kuna kïmmi ki geni, ni ba ciï kuna cømï cwïnyge, kiper a na Wuuö Jwøk, mëër mara ni wø ba jøøl, ki met ec mara, ki bëët-mëër yaa paanyø bäätge.

Jeremaya 18:20

?Aŋø, gïn mo beer doo coolø ki gïn mo raac? Par wïïï ki mana cuŋŋa nyïmï kiperge, na cääna ki gïn mo beer na kar dhøkge, kiper nee wëër marï paanyï bäätge. 'Ba ennø, gena kunyö ki buur kipera.

Jeremaya 22:28

Ennø, nyenøgø na Jekönaya enø, atïmö ni caala dak mo othøw mo pere ba leth, na dak mo bäŋ ŋat mo many gø këët, ni beeye na wet eni ki wääte en, ni leeŋ geni yi ŋöömö mo kucge.

Jeremaya 23:39

ennø, u tïŋa maal ni riema uuni wøk nyïma, ni raanynya pääny mana cïba jïïu ki kwäyu.

Jeremaya 35:19

ka adïëri møn, luumma caan Wuuö Jwøki, Jwø Icriel, eni na wïth jammi bëët, beeye ni dhi øt Jönadap o Rëkap ba cänni na bäre ki dhaanhø mo tïnynya aani.› »

Jeremaya 52:3

'Ba ka adïëri møn, ki køør gïïa reyø moa tïïc jø wø bëëdö Jerucalem ki dï Juuda bäre, Wuuö Jwøk awëër ki geni ni riem geni wøk nyïme. 'Ba Cëdëkiya agëëmö ki nyeny Babiløn.

Jeremaya 9:19

Kiper dööt jiy mo göö ko oduuru wïnyö ki Dhayan, ni ge köö, ni ‹Øøna ränynyö na bäre, ni lää wïthø døc; kiper ŋöömö marø awiiø, ki køør mana nyaage kwör bëëte 'moø piny.› »

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Odheea 9:15

'Ba Wuuö Jwøk aköö, ni «Tïï gïï mo reyø atäkge Gëlgela; ni puta männö ki geni kaace! 'Ba kiper rääö mar japa tïïcge, ge riema wøk yi ŋöömö mara, ni ba mëëya ki geni këët; kwääri moge bëët gena jø ageem.

Dhekaraya 3:3

'Ba Jøcua kanya cuŋŋe nyïm nyïïatwiel maal, eno ruyö ka abïïe mo okïl ki cïlö.

Tiet Ciik 9:26

Ni läma jï Wuuö Jwøk, ni kööa, ‹Wui Kwäärö Wuuö Jwøk, jiyï moa näk thöögï na wïïlï wøk ki køør teegï na dwøŋ, na kälï wøk ki yi Ijep ki teek badï, kär 'nägï.

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Pïëmme 5:9

«'Ba ennø, cwïnya atïmö ni met ki u na kwääc lwaae mo jø Icriel, ki u na cïp dëëtu ki met ec, na ci baŋ leny kiper jø Icriel; beerra man pwøyu Wuuö Jwøk.

1 Camiel 12:19

Køøre jiy bëët aköö jï Camiel, ni «Lämï jï Wuuö Jwøk Jwøk marï kiperwa, nee wa ba thøwa, wa na jiyï; kiper waani, raay mowa, bäätge amëënwa ki gïn ni raac en, ni beeye ki mana pëëwa ni röönyö ki nyeya.»

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.

1 Camiel 7:9

'Ba Camiel nyirøømmø mo poot dhøøth alwøre ni cïp gø no olämi man wø waaŋ bäre jï Wuuö Jwøk; ni ö Camielli ni jwöŋe dëër Wuuö Jwøk kiper nee jø Icriel køny. Køøre Wuuö Jwøk dwør Camiel awïnynye.