Jeremaya 14:22 - Wëël Jwøk

²² ?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 14:22 Iomraidhean Croise

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 17:14

Kiper Wuuö Jwøk, Jwø Icriel, aköö na ennønø, ni ‹Nya awar møø manøgø, tiere ba tal ki møø, ni ö agwää maawi manøgø ni ba tal tiere ki maaw, këël dïcäŋo ö Wuuö Jwøki noo jääŋ køth bäät piny.› »

1 Nyeye 18:1

'Ba ni jøw onø bëëdö ki nïne mo thööth, kanya tïme na ri dää cwiiri, dwør Wuuö Jwøk aö bäät Ilaaja ni kööe, ni «Ci nyooth dëërï jï nyeya ma Akap; aani køth jääŋŋa jääŋŋö piny.»

1 Nyeye 8:36

beerra man wïnynyï gø ki maal ni wëënnï raay mo jiyï ma jø Icriel, ni pwönynyï geni ki jöö mana beer man cääthge ki gø, ni jääŋŋï køth bäät ŋøøm moï moa cïpï jï jiyï na mo dööŋ jïge na moge.

Jööp 28:26

ki kanya røm pï køth moo pänh piny, ki kanya jiiŋ jöö mar agaackøth,

Jööp 5:10

Eni køth wø cïbe cïbö bäät piny, ni jääŋ pïï yïth pwöth.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 30:23

Køøre nø, Wuuö Jwøk køth ojääŋŋe jïïu kiper köödhi moo piithu yi ŋöömö, ni ö jammi moo ciek yi ŋöömö ni duunne jïïu ki cam mo päl. 'Ba dïcäŋece, lääc paac mou geno cämö kar kwaath mo laac.

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Jeremaya 10:12

'Ba beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 10:13

Kany wø tuk dhee, maal puta märö kaamar køth. Pøøl wø kööle köölö ki ya aŋuun piny, ni käl køth ni mal, ni wëëk jamø kwön wøk ki yïth kwöra kan ge yïthge.

Jeremaya 10:15

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 10:3

Kiper gïï wø lam juurre ki køør kööŋŋe moge beege oballe jaak. Kiper geni jaath wø ŋøtge ŋødø paap, ni tieŋi ya rëëmme ki kweey dïnöök.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 5:12

Geni, a na Wuuö Jwøk, aana taakge, ni köge, ni ‹Wuuö Jwøk bäŋ gïn mo tïïe; bäŋ gïn mo raac mo ö bäätø, ni leny ki käc bäŋgø mo pïï dëëtø.

Jeremaya 5:24

Uuni, u ba köö ki cwïnynyu, ni «Beerra man lwäärø ki Wuuö Jwøk, Jwøk marø, eni ni wø cïp køth mar arïïa ki mar dhi køth kany wø näk ma kare; ni bee eni ni wø gwøk nïne mo dwät kac kiperø.»

Jeremaya 51:16

Kany wø tuk dhee, maal puta märö kaamar køth. Pøøl wø kööle köölö ki ya aŋuun piny, ni käl køth ni mal, ni wëëk jamø kwön wøk ki yïth kwöra kan geni yïthge.

Odheea 2:7

Eno rïïŋi køør omëërri moe ni ba mak ge; ni many omëërri moe ni ba joot ge. Køøre eno kööi, na ‹A døøa baŋ cwøra mana dïkwøŋ, kiper beerra bëëtö mara manece ki man ennø.›

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Amøc 4:7

«Aani køth amäna ki pädhö thuwø, kanya poode ni dööŋŋa dwäde adäk kiper kac beel. Køth awëëga pädhö paac mør, ni kära gø wëëk pädhö paac maya. Køth apädhö yi pwödhö mør, ni ö pwödhö mana käre pädhö yie ni tale.

Mikiya 5:6

Ni ö geni ni käärge jø wø en yi ŋööm Aciria ki dho opëëllö, ni beeye ŋööm Namrut noo käärge no opëëlle moge ege wöth wøk. 'Ba eni ø pieme piemø ceŋ jø Aciria, kanyo öge noo tukge ŋöömö marø, noo nyøønge ŋöömö marø.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Mathiew 5:45

kiper nou tïmu ni uuna wäät Wääu ni en maal. Kiper eni cäŋ mare wø wëëge tuulö bäät jøøa wïnni ki jøøa mwöl, ni jääŋ køth bäät jøøa beyø ki jøøa reyø.

Tiet Ciik 28:12

«Wuuö Jwøk kar kän mare na näk maal di jabø jïïu kiper nee cïpe ki køth ki kanya näk kare kiper ŋöömö maru, nee gïï wø tïïyu ki ceŋŋu nee gwïëdhe. Ni tïme ni løny jïïu ki man wëëgu japu mac jï wïth juurre mo thööth; 'ba uuni, u ba mäyi.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.