Jeremaya 14:2 - Wëël Jwøk

² ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 14:2 Iomraidhean Croise

Jööp 34:28

Geni, jøøa can ki jøøa no ocaannø atïïcge nee jwöŋge dëër Jwøk kiper køny, ni ö Jwøki ni wïny oduuru marge.

Bwøth Wøk 2:24

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap.

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 24:11

Ni bëët jiyi ni ge jwöŋö nyeŋ jïëthe ki cwaak køøŋø; ni ö met eci bäre ni løk ree na pänh cwïny. Met ec mar bäät piny oränynyi.

Aydheea 24:4

Piny 'otal kaamar bøøk jaath, ni tïme ni kïmmö. Eno tal ni kïmme ki jiy bëët moa kwörge døøŋŋø mo wø bëëdö yie.

Aydheea 24:7

'Ba jer omøki 'otal, ni ö kwøk nyïïomøki ni tïme ni bäŋgø, ni ö jøøa bëëdö ni yïthge met bëët ni tïmge ni ge cooyø.

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 33:9

Ŋöömö jwöŋö ni kïmme; ni ö lur Libaanø ni lää wïïe ni tale; goor Carön tïmö kaamar paap ma tëën; ni ö jenni mo ŋööm Baacan ki mo Kïn Karmël ni øc bøøge moge piny.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 12:11

Geni ŋöömö mara oraanyge møn, ni bëët ŋöömö ni jwöŋö dëëra; ŋöömö bäre otïïcge na kany mo oränynyö, ni bäŋe ŋat mo caar gïr gø.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 18:22

Kanyo jääŋŋï jøw oraany paac baŋge ki nyi kany mo thiinh, beerra man put tïmö ni da oduuru mo wïnyö mïëcge, kiper gena kunyö ki buur naa makge, ni cekge abïëp kipera.

Jeremaya 4:28

Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Jeremaya 46:12

Wïth juurre lään wïc maru owïnyge, ni ö pinynyi bäre ni gääbe ko oduuru maru. Kiper oteen leny, oteen leny maya odhïëre, ni päthge bëët karge riet.»

Jeremaya 8:21

Aani, cwïnya aränynyö kiper ränynyö mar jø powa. Aana tïmö naa kïmmö, ni bëëda ni yia othäŋŋö.

Wëël Kïmmö 2:8

Aŋøl Wuuö Jwøki ki man nyaa kiir Dhayan piny. Eni paac arøme, ni røm dhi cere, ni käre cere dwøk ŋääe këët ki man raany gø. Eni kiiri atïïe ni kïmmö, ni ränyge bëët.

Wëël Kïmmö 2:9

Dhøk kiir apäänhnhö piny ni buŋi ya ŋøømmi, ni ö dïdëëdi moe ni tøc ge ni raany ge. Nyeya mare ki kwääri moe ge bëëdö dï wïth juurre ni ge mak ka tøŋ. Ciik atïmö ni bäŋgø këët, ni ö nyïïkuk Jwøki ni tïme ni bäŋ gïï wø nyooth ki yi wïc mo jootge baŋ Wuuö Jwøk.

Wëël Kïmmö 5:10

Dëëtwa atïmö ni lïëth kaamar këënnö, ki køør diwaŋ dëël mar käc mana tägö dëëtwa.

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Jool 1:10

Pwöth aränynyö, ni bëët ŋöömö ni jwöŋö. Beel aränynyö, ni ö jer omøki ni talge, ni ö jer wø nyïïge wel na maaw ni bäpge.

Jool 1:11

Wui jø puur, wïthu lääge. Wui jø wø piith omøki, gööu ko oduuru, ni kïmmu kiper beel mou, ni beege cïndë ki gäbci, kiper caammi mo pwöth aränynyö.

Jool 1:14

Uuni, gööyu piny ki cäŋ mo you cïp kur keere mo jiy ba cämö yie, ni cwötu ka acooŋa mo ena kur keere, ni cooŋŋu jø døøŋŋø yi Øt Wuuö Jwøk, Jwøk maru, ki jø wø bëëdö yi paac bëët, ni gööu ko oduuru dëër Wuuö Jwøk.

Jool 2:6

Jiy cwïnyge obwøk døc nyïmge, ni ö täärnyïmge bëët ni nigeduk.

Agëë 1:11

Ni cwöla meel bäät pwöth, ki bäät kïte, ki bäät beel, ki bäät jer omøki, ki bäät jer wø nyïïge wel na maaw, ki bäät gïïa no otuy bäät piny, ki bäät jiy ki lääc paac, ki bäät gïïa tïïyu ki ceŋŋu na ööllu ki ge.»

Dhekaraya 7:13

«Køøre Wuuö Jwøk, eni na wïth jammi bëët, aköö, ni ‹Kar kaagø, aput tïmö ni kany wø cwøla geni dwøra ba wïnyge; ni kany wø cwølge aani döötge ba wïnynya thuwø.

1 Camiel 5:12

'Ba kar kaaca jøøa bøth ki thøø, gena raanynyi ki børi, ni ö oduuru mana gøøc jiyi moa bëëdö pääny manøgø ni wïnye kany mo bäär.

1 Camiel 9:16

ni «Diøø kar kany nø, aani a jääŋŋa baŋï ki dhaanhø ma nyï tuuŋ Benjamen; 'ba eni wïïe thïïmmï thïïmmö ki maaw niï røønya gø na wïth jiya ma jø Icriel; ni ö eni ni køny jiya ceŋ jø Pilitin. Kiper bëëtö mar jiya ajooda møn, ni wïnynya jwøk mana jwøkge.»