Jeremaya 14:18 - Wëël Jwøk

¹⁸ Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 14:18 Iomraidhean Croise

Aydheea 22:2

Wui, ï na pääny mo yie päŋ ki dïlweel, ni kwöŋŋö ki met ec dwøŋ yie en! Jiy moï moa thøw, ba thøw ni ge näk ko opëëllö, ni ge ba thøwa ri leny.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 23:21

A na Wuuö Jwøk, nyïïkuk Jwøk moøgø, ge kära jääŋŋö, 'ba gena aay ki wïthge keerge jaak; naa kär cäänö ki geni, 'ba luup køpge ka wïthge keerge.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 6:25

Käru ci yïth pwöth, ni ba cäädhu uutjïëthe, kiper nyïïmän 'moø ceŋge da tøøŋi, ni lwär mo dwøŋ piny ee pääŋö bäre.

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Wëël Kïmmö 1:20

«Wui Wuuö Jwøk, neenï, a ena yïth gïï mo leth. Jwïëya bëëdö ni kïmmö døc, ni bëët cwïnya no opädhö, kiper aana bëëdö naa gëëmö døc. Opëëllö bëëdö ni nääö wøk nyeŋ jïëthe, ni bëët yïth uudi na thøø keere.

Wëël Kïmmö 2:19

Pänynyu maal kany wø ö jø koorri mo wäär noo täkge ki koor, ni jwöŋu ni döötu ena maal. Gwääru cwïnynyu wøk bäre kaamar pänh jwïïö nyïm Kwäärö Wuuö Jwøk. Thaaŋu ceŋŋu maal baŋe kiper kwøw mar obwöre mou moa therø na näk oräp piny ki käc nyeŋ jïëthe.

Wëël Kïmmö 4:9

Jiy moa thøw ni 'näk ko opëëllö theemma thøø marge ki jiy moa thøw ni 'näga käci; kiper jiy moa 'näk käci ge thøw ni geno caar käci, kiper na bäŋe caammi mo ociek yïth pwöth.

Edhikiel 7:15

«Opëëllö otïmö ni ena wøk töök kiir, ni ö täwi ki käc ni en yi kiir. Ŋato en yi pwödhö onäk ko opëëllö, ni ö jø wø en yi kiir ni thööri ya täwi ki käc.

Amøc 4:6

«'Ba aani thuwø käc akäla dï mïëri mou bëët, ni tïme ni bäŋ cam kwöra bëëdu yïthge bëët; 'ba këël na tïïa gïnögø, u kär duu baŋa.» Beeye Wuuö Jwøk ni cäänö enø.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Tiet Ciik 28:36

«Wuuö Jwøk uuni ki ŋato røønynyu na nyeya maru, u kïthe baŋ wï jur mo kuyu mo kuc kwäyu thuwø, ni tïnynyu juu møøk kaace, ni beege jenni ki kïte mo otieŋø.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.