Jeremaya 14:13 - Wëël Jwøk

¹³ 'Ba aløøa ni kööa, ni «Wui, Kwäärö Wuuö Jwøk, neenï, nyïïkuk Jwøk moge wø köö jïge ni ïïna köö, ni ‹Bäŋ leny ki käc mo pïï dëëtu, 'ba u mooa mooø ki bëët-mëër ma adïëri kany.› »

Jeremaya 14:13 Iomraidhean Croise

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Jeremaya 1:6

Køøre aana köö, «Wui Kwäärö Wuuö Jwøk! Neenï, aani cäänö kuua, kiper a poot thiinh.»

Jeremaya 20:6

'Ba ï na Pacuur en, ïïni ki jø wø bëëdö paarï bëët, u di maa ki tøŋ ni kïth uuni Babiløn. Køøre ï thøøa kaace, ni koony ï yie, ni beeye ïïni ki nyïïawäätï bëët moa køpï luum tööt jïge ki nyeŋ Wuuö Jwøk.› »

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 37:19

?Aŋø, nyïïkuk Jwøk mou moa cäänö ki uuni na köö, ni ‹Nyeny Babiløn ba ö baŋu baŋ leny, ni ba ö baŋ leny paani,› geni, ge enge kaa ennø?

Jeremaya 4:10

Køøre aana köö, ni «Wui Kwäärö Wuuö Jwøk, ka adïëri møn, jøøi ii ki jø Jerucalem acøøgï, kiper mana kööï, no ‹U bëëdö ki bëët-mëër,› ka manø opëëllö oløny ni ena cwäkge.»

Jeremaya 5:12

Geni, a na Wuuö Jwøk, aana taakge, ni köge, ni ‹Wuuö Jwøk bäŋ gïn mo tïïe; bäŋ gïn mo raac mo ö bäätø, ni leny ki käc bäŋgø mo pïï dëëtø.

Jeremaya 5:13

Luup nyïïkuk Jwøk caala jamø jaak, ni luup mo wø køpge ba käl baŋ Wuuö Jwøk. Ni gïn wø caange døøa wïthge keerge.› »

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 6:14

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni ‹Paac beer jaak,› këël na bëëde ni bëët paac raac.

Jeremaya 8:11

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni «Paac beer jaak,» këël na bëëde ni bëët paac raac.

Edhikiel 12:24

Kiper otïmö ni bäŋ luup tööt këët mo di nyoodhø wala luup adïëda mo tïïca ec ni met ki ge mo di nyoodhø dï jø Icriel.

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.